YOBA 18
18
Bildad
1-2Yoba we"- nao ru" byu qe wa sae za: maqo" tae" to: i?
Nao qe sae za: tae" gyo" ngad: re ngonhaung" nao re qo" jhau nae".
3Ngonhaung" wa nung: jham we' dakhyo: nhag' magyang" ein: nao khoru: qo" myid: i?
4Naoyao" nhag' yo" ruyang naoyao: za: dae ano: ra".
Nao nhag' yao" ra" mathao mae myidgaung re to: co' li" genae" ga" i?
Nao re nhag' dag nhao nae" qhid' mae" Mao"So wa bam jham re qhui" pye' li" nae" i?
5Makhyang: mashab yaug: nho: myibao re se' pye' byid' shinae" ngad: ra"
ainho: myishae wa khonhae" re: madam: de; nae".
6Yao" nho: zaung khug mae" myikaug' wa shid mung: cad' no; byaug: li" nae".
7Yao" khu byae jham wa tang: lai: lo va" ngadqere:- ana" yao: khyid au: thaung" ava".
Yao: yao" pha,jhi" mae yao:- yao: gyang: lang" lo" ava".
8Yao: wa geim khug khyo su" vao ye: mung: yao" khyid jham myi" jo; ava".
9Lha" yang yao" khunhag' thaung: thao re lham: myi" lao" yu mung: zaui" ci: ra".
10Myidgaung mae lha" khe' khug' khae: to" ra".
Yao" nho: khyo mae lha" dalam: thaung: to" ako".
11Yao" nho: avai: yae mae gyaug: din ja: lao" na: ra"-
aiwa yao" thao mae khyid bye khao: ngo" cao" qin" ra".
12Yao: wa jo,nho" lhaung" qo" qu" ra" ngadqere: ana" yao: moe, shab' qhug' ra"
yao" anhae mae kyi" khyag' ru jo; jo, mung: lao" na: ra".
13Yao" nho: gaung dao mae gyaug din ja: no byang" sho' de; jo; ra".
Aimung: yao" lo, we' khyid re bab lo" nhao: ra".
14Yao: wa gug:gam za: lhaung" na: lai: lo: ra" zaung khug mae" she: khyad' yu mung:
shid zug: re yeqhug' nae" qhid' mae" she: khyad' lo" ru qhug' ra".
15Ana" no made, sho' vhang bin: pyi" sin: thao
yaug khao: ngo" yao: yao" zaung khug mae qo" na: li" genae".
16Yao" nho: agyi: jham we' akaung jham wa jhoe' mung: kyaug' lo" va".
17Yao" nho: lahau: wa- yao" mug: mae we' gamang: mae thao" byaug va".
Yao: re khag' re: mamyid: beim: lo:ngad: ako".
18Yao: wa- daui: na mo; mug: mae" khe' thug' pye' ru qhug' li" nae".
Mug: bo" khug mae" mug: cad' khug khyo khe' thug' pye' ru qhug' li" nae".
19Yao: mae myid:zo: maqo"- khag' dayaug re: mana: dang-
20Yao" au: pa lo, kyo' boe" rure the' gyo" ra" ba thug' shad' mae" ba vao shad' khyo mae" mo, alhab'-
gyaug: din: ru we' ko,ko, nin" ako".
21Aiwa- makhyang: mashab mo, leim zo: nae" au: pa lo,kyo'-
Mao"So re pe" xan: masun: mo, nho: au: pa lo,kyo' ngad: ra".
Currently Selected:
YOBA 18: LHCL
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009
