YOBA 17
17
1Nga" apyad thao" lo" na va".
Ngo wa so' matho' she lo: nga" qhid' mae" lab mae" lai yang: pe" re: majo, lo:-
2Ngo re yaug khao: ngo" yang khoqhi" alokho: sho' nghang: mung: jung" rure ngo qu" myao:-
3Mao"So we"- ngo wa dangman" yaug ngad:- ngo ta" ra" dao: jham re khae: yu byid: la,-
ngo ta" rure bao" thaug' nae" byu khag' mana-
4Nao wa yao: bam: ba: myid: qu" ra" nhag' lam: re jhid' pye' byid' ava".
Yao: bam: yang nga" dao mae aung: pye' nae" akhang" dabyid:-
5Ganhae" mae" dao: zham" axug' dalam: mae byu dayaug re yao" ba nam: yang ngaui mhug' zo" pye' byid: mung:- ai: qhid' mae"
yao: zo: qe qug: khai: qhug' ga" ru jo;-
6Aimung: ana" byu qe wa ngore qang yang: ce: dao: zham" re ta" ako".
Yao: bam li" mung: nga" myo, khung: mae khata: phoe" sheim" ako".
7Nga" kaug' qhui: ruyang ngore myo, alaug jid nhao va".
Nga" lo, we' nga" khyid jham wa qab bao jham we' dakhyo: ngaung" byaug va".
8Dangman" ga: ta" lhau: mo, wa mug' din: byaug: avako".
Yao: bam alhab' mo, wa ngore Mao"So maba yaug ga: qobo zhaug' ako".
9Phug' myao: nae" man: qi" ga: mo, wa
yao: bam jo: ga: je yang: je yang: myid: lam: ako".
10Ngadqere:- yao: bam alhab' mo, ngojhao" li" mung: nga" qhid' kheim: mae li" ye; jo, ko" ngad: re
yao: bam mae" dayaug lhao" re: pha,jhi" bo: rure ngo mathe' myao nae".
11Nga" ba na jham lai: lo" va".
Nga" myid: yaung: to" ru jham byo; byaug va" nga" myid: lao" khyo baui" byaug va".
12Ngadqere:- nga" ba nam qe wa myi" ayo, wa na" gaung ngad: ga:-
mug: bo" wa jhao" li" va" ga: ta" ako".
Ngadqere: ngo wa mug: cad' mae ana: jo, shi" rure ngo ba:-
13Nga" myid: lao" khyo wa movo: mug: za: ngad mung:- aitau
mug: cad' khug mae gyang: lang" yab: jo, nae".
14Ngo wa lab khung: re nga" pho" ein: mhang" nae"-
aimung:- ngore zo" pye' ra" laug daung: jham re
nga" myhi" we' nga" nhae: mo" jham ein: mhang" nae".
15Nga" qhid' mae" myid: lao" khyo wa khai: mae jo; ra" i?
Khag' yang pe" daja: the' myao: to" i?
16Movo: mug: khyo ngo gyo" vao lo" re-
myid: lao" khyo wa ngo we' daga" bocao nae" mangad:.
Currently Selected:
YOBA 17: LHCL
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009
