YOBA 16
16
Yoba
1-2Airu: ga" ra" dao: kheim: jham re qhid' phyao: ngo gyo" qu" va".
Naonhaung" ngore nhag' tang" byid' ru wa ngore yhin" ru za: angad: ra".
3Nao wa apyad ato mae mathao" magan xo' jhau: na nae" i?
Nao wa khonhae" re: lhaung" cephaug' tau" na: dao: thao" qo" ca nae" i?
4Nao nga" jo, qo mae qe na mung: ngo ni" jo, qo mae qe na: ngad: re-
nao ta" na: ru alhab' re ngo qo" ta" nae".
Ngo wa pha,jhi" bo bo za: nga" au: lhang mung:-
nao re dao: kheim: jham: yang qo" jhau: zag: pye' nae".
5Ngo wa nao re pha,jhi" byid: dao" yang nao re qam: bo nhao mung:
nao re xo' yang: nhag' tang" dao: ta" na nae".
6Ngadqere:- ngo ta" ru pe" re" akyu" mabyid:
aimung: sae za: tae" jo; rere: nga" dae khai" nho: ru mayo: lo"-
7Mao"So we"- nao wa ngore khyoe' za: myaung: nhao: ava".
Nao wa nga" yham byu qere se' pye' nhao: ra".
8Nao wa ngore taung" yu: ava" nao wa nga" gyevo ngad: ra"
ngo wa shoqug: mae shoqid za: alham: lo"
airu re byu qe wa nga" qobo: nho: sagse: ngad: ga: myid: jho: ako".
9Mao"So nhag' yo" ruyang ngore agao gao phyo' cad' sin" pye' va".
Yao: wa ngore nghang" ru we' zhaug' kyid' ra".
10Byu qe wa ngore qu" jung" ako".
Yao: bam wa ngore lhang" kham" to: mung: nga" myo, khung: re pyo' ako".
11Mao"So wa ngore makhyang: mashab mo; lo, khug khyo ke' ke' ava".
12Ngo wa- yaug yo cae: tae" ru we' na: lai: lo ngadqere:-
Mao"So wa ngore khyaung: do; nhag' yang:
abe, akhyad' kad' ru we' khyoe' pye' va".
Mao"So wa ngore bag tau nae" thao tae khyo" ci: ra".
13Aimung: yao: wa myo: khe' jham: yang shad' khao: ngo" khyo" ngore bag: ra".
Ai: myo: khe' jham wa ngore kyao" pye' mung: dae te' ngadqere:-
yao: wa nhag' khyag' ru lhao" maqhu" byid: ngad: ra".
14Yao: wa ngore paug' yang: paug' yang: dae dam: te' na: ra".
Yao: wa nghang" ra" nhag' lam: byang" jo; ra" gyezo: dayaug we' dakhyo: khe' zin" ra".
15Ngo wa kaug' ngug mung: jid: mo" mai bau: ve; ci yang:
ce: phalhug bam mae aseim" byid: yang: zaung: jo, va".
16Ngo wa nga" myo,khung: byaug sho' ngug va".
Aimung: nga" myo, jid' jham wa pam" pam" qae: mung: myo,mhaung mai" byaug va".
17Ngadqere: ngo wa aqan alan mau" pe" ja: re: qobo maqo"-
aimung: Mao"So re ngo akyu" mho' ra" dao: wa din:man" ra".
18O" myidgaung we"- ngore kad' ra" shad' ru jham re danyham" to:-
tarha" dangman" ru qo" yu nae" qhid' mae" ngo mho' yao: ra" thoe re datae" lo" nhao-
19Nga" bo: de, mung: nga" qhid' mae"
ye, byid: nae" ru mug:gaung mae dayaug na: ra".
20Nga" ba nam qe wa ngore jung" ako".
Nga" myo,jid' mae" ngug byid jham re Mao"So jhao" vhe' sheim" ke' va".
21Yao" ba nam qhid' mae" bao" mho' byid' ra" byu dayaug dakhyo: nga" qhid' mae" Mao"So re bao" mho' byid: nae"
byu dayaug re ngo o: ra".
22Ana" nga" zin na jham lai: lo" na va"-
aimung: ngo wa- dam: tug' lo nae" khyo majo; ra" khyodang mae su" na:-
Currently Selected:
YOBA 16: LHCL
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009
