2 Tioni 1
1
1Eni amitema so saxila'u a, akaukavunu lapasi ano'o ulai noxine nini nasema ne ngoli'a ta'iline.1 Mosinge muilouneni lexe nini nanoxou mu'isalili mo avikalaneni lexe asexelaxene misevile. Ia enisi uasi, noxi'a ane'i ane ilavusou vaikala anu temanu manina mukalusi isexelangenge kalumo. 2Tava'u so tasexelangenge axone xo no anu vaikala anu temanu manina e uxolu noxinge nenge'a vaimomo 'o mo uxolu noxinge axone kaluxu uasi. 3Nenge'a taxolu no anu vaikala anu temanu manina ne ilou sexela laso Mosinge anu Maminge ilou Iesua Kalaisiti e Maminge Olu ixalixu iaiama xe alauna xe xoluxolu lalavulusi no anu mauli na'a nenge.
Tamulinu voto so sexelasi
4Eni elomu lexe ta'iline mose'i muamua'ixa'a no anu vaikala anu temanu manina aloxo texalisou voto noxou Maminge lexe tamulinu. Elomu axone la e'osa manina. 5Laso vaikalaxeli so ulai noxine nasema ne anu voto alavua uasi, anu anesi e telomusou no tava'u manina lexe tasexelanenge ngato'o. 6Vote'i so tasexela manina aloxo 'o, tamomoxu voto noxou Mosinge mukalusi. La voto anene ngelomusou no tava'u manina aloxo 'o, muamua'ingenge no anu sexelasi.
Takamakulunu vaikalaou Kalaisitisi
7Ngalomu, tamitema so i'oxo lolo tavu'alo to a ixixaoxao no xale tuatuala mukalusi. Xo Iesua Kalaisiti mune'e no lialia no anu vasimolu ia tamitema ane xo ne vaikalai'a upala'anixu mi ne uasi. Itema axone anu itema so u'oxo lolo xe anu xililiou Kalaisiti ane. 8Laso ngalaxa'i laixe mo so nene'axu xaixai noxinge tasiaxu vitanisi uasi. Ngatulu pumungenge xo mo ngaxalisou lape loloni so xaixai noxinge ne. 9Loxo itema vile upolo va'axu mo uxolu no anu votovotosou Kalaisiti uasi, la anu upalasi lexe Mosinge uxolu noxou to uasi. Ia loxo itema utalupexa laixe no anu votovotosou Kalaisiti la anu upalasi lexe Maminge ilou Olu a ixolu noxou. 10Loxo itema une'e noxinge ia vaikala e une'enu ne iou vilemo no anu votovoto anene, la ngavikala aso noxou uasi mo nga'unanu no tasinge uasi. 11Xo ena'ei uvikala aso noxou itema ne la uvalaxu no anu xaixai noxou masua to ne.
Mulemolu vaikala so upilixine'i
12Eni masi mimi piena so akaukavunu ulai noxinge ia amasaxau alemolu no anu lapasi uasi. Xo alopala lexe ane'e noxinge xe tamaisou ienge ngato'o laso ane, osa noxinge uxali ulomotele. 13Ta'ilie vivine ane Mosinge muiloune lexe ane noxou la ivikala aso noxine ne. Anu anesi.
Currently Selected:
2 Tioni 1: ATA
Highlight
Copy
Compare
Share
Want to have your highlights saved across all your devices? Sign up or sign in
Copyright 1999 New Tribes Mission, Sanford, FL 32771-1487
