3 Tioni 1
1
1Eni amitema so saxila'u a, akaukavunu lapasi ano'o ulai noxine vivilo Xaiusi ane asexelaxene manina.
2O maula, eni apilixineni noxou Mosinge lexe mimi mukalusi na'oxonu la uxali laixesi. Mo eni alinga lexe xoluxoluxu vasimene laixe kalumo aloxo elavusou xoluxoluxu taneni anu laixesi. 3Mala'o la tavivinge se'i mine'e mia'aloxene lexe nini nalavusou na'isalilinoxu vaikala anu temanu manina noxine. Elomu axone la e'osa misevile, xo manina, nini utotomu muamua'ixene a no anu maninasi. 4Iaxoma'i, xo loxo alomu lexe ta'alixeli no anu lopala muamua'ixa'a no anu maninasi, la osa'ilasou uua'ulixu osa no anu mi se'ila.
Xaiusi u'oxonu xaixai laixe
5Maula, no anu su'uli nalavusou na'oxonu noxi'a tavivinge la anene namulinu masaxa noxou Mosinge ane. Xe no anu ane na'oxonu noxi'a taasila la Mosinge umasaxau misevile. 6La se'i noxi'a e nemaxa'u sexelasi'a ne, mine'e mi'aloxene noxi'a tatemanu pita lai 'o. Anu mi laixe so nasaxila'a loxo ixolu no taingengi xo xe so ilutui, la namulinu masaxa noxou Mosinge so na'italone'i laixe no anu muamua'ixa'a. 7Ane'i tamitema ne ixixao so ipalasinoxu ualasou Tatananengesi la opone'i u'osa so ino'u mimi no avo'a tamitema so isivoxo uasi. 8Laso anu laixe so tavalaxa'a tamitema axone no anu su'uli noxinge xo axone la nenge tava'isune'i no anu xaixai so vaikala anu temanu manina.
Tiotelepesi mu'oxonu ilixo masua
9Ioxe, mala'o ekaukavu vaikala se'i mulai noxi'a tatemanu pita lai ne. Ia Tiotelepesi e oponu u'oxoxu tanixu so u'uli'uli noxi'a ne, anu ulomuxu vaikalamexi to uasi. 10Laso maixene loxo ane'e noxinge ne la apala'anixu ilixou. Xo anu umunumununexe no anu vaikala masua tavu'alo. Ia anenesi uasi, tavivinge e loxo ixaxali ne la anu u'osa so u'unane'i uasi. Mo loxo leviani i'osa so i'unane'i la anu u'apixa'a mole se'i la mukusai'a no anu pita avile.
Ilixou Temitiusi laixe
11O maula, ilixo ane masua la namulinu uasi, namulinu ane laixesi. Xo itema so ilixo laixe anu itemaou Mosinge ane. Ia itema so ilixo masua la anu utongonu Mosinge uasi ane.
12Ioxe, noxou vivinge Temitiusi la tamitema mukalusi ipala'anixu lexe ilixou laixe. Xe loxo talomusou vaikala anu temanu manina la upalasinoxu ilixou itema ne lexe ulovou. Mo eni kalumo avalaxu vaikala so ilixou ne, mo nini nelavu lexe eni avikala maninasi.
Mulemolu vaikala so upilixinu
13Eni masi mimi piena so akaukavunu ulai noxine ia amasaxau alemolu no anu lapasi uasi. 14Xo eni alopala lexe anu maxuveni uasi la ane'e noxine so taxolu tamaisou ienge ngato'o mo tavivikala. 15Eni amasaxau lexe naxamulinu xoluxolu lalalavulusi. Ane'i tavivinge lai 'o ivikala aso noxine. Xe nalemolu aso noxilo noxi'a tavivinge vilevilesi lai ne.
Currently Selected:
3 Tioni 1: ATA
Highlight
Copy
Compare
Share
Want to have your highlights saved across all your devices? Sign up or sign in
Copyright 1999 New Tribes Mission, Sanford, FL 32771-1487