1 Tesalonaika 3
3
Mipalusou Timoti so u'oxo pakia'a Tatesolanaika
1Nexi texolu ne Atenisi 'o la tanexilili no anu xoluxolungenge lexe axova. Tanexilili la ialuxu manina noxixe laso te'oxo lexe, “Uasi, nengesi taxolu 'o.” 2Laso tepalusou Timoti mune'e noxinge so u'oxonu pakia'inge mo umamatolangengi no anu lopala noxinge. Timoti ne anu vivinge ane, anu uva'isu no anu xaixai noxou Mosinge so talanu vaikala laixe so Kalaisiti. 3Xo loxo 'o io tu'utumaxu ane ngatavulenu ne masi u'oxonu opongengi usasalo. Ia mamu, xo ngingi menge ngelavu mukalu lexe mi axone uxalisinge nenge'a la anu ulovo no anu masaxa noxou Mosingesi ane. 4A telemolu to! Texolu noxinge mala'o la telemolemolu lumamo lexe nenge tatavulenu tu'umaxu aloxo 'o. Laso maixene muxali, a loxo ngelavu. 5Laso epalusou Timoti mune'e noxinge xo exolu exolu xo mole talelilili noxinge. Epalusou so ukiloloinge no anu lopala noxinge lexe axova. Xo e'oxe axova, masi tovotovoto noxou Uluaou mu'oki la xaixai noxixe no taingengi mulapau vitanisi.
Timoti mulivunoxu latailivuxu la Poluena mi'osa
6Ioxe, tanexilili axone ia Timoti mulivu muxali 'o. La latailivuxu laixe xo mua'aloxu lopala mo sexela noxinge. Mo mua'alo lexe ngingi ngaxolu tangenginexe. Mo opongengi utatama so ngamaisixe a loxo oponexi utatamasinge ne. 7La tavivixe, nexi tatavulenu navunavusou tu'utu'umaxu 'o ia telomu lexe pumungenge no anu lopala noxinge laso mumamatolanexi. 8Nexi telavu lexe pakia'inge noxou Tatananenge laso nexi taxolu tamaulisi. 9Mo aloxo 'o la ta'osa misevile mo tavivikala noxou Mosinge. Tavikala laixe noxou ia vaikalamexi loxo umomomo uasi, ululusou osa noxixe uasi. 10La kakau olovoxo tama no oponexi noxou Mosinge lexe tamaisou iengela. Mo so nenge'a taxolu xe loxo lopala noxinge no anu ngiou vile mamalaxu sevile la ta'oxonu pakia'inge no anu. 11Nexi oponexi lexe Mosinge anu Maminge ilou Iesua anu Tatananenge i'oxonu vote'isixe so tane'e noxinge. 12Mo tamasaxau lexe Tatananenge u'oxonu sexela noxinge ngato'o loxo uleme mo utila. Mo axone noxi'a tamitema mukalusi a iou vilesisi loxo nexi tasexelangenge 'o. 13Mo axone la u'oxonu xoluxolu noxinge pumuxu mo malemalengasi. Laso voxosou lailivuxu Tatananenge Iesua oli'a tamitemaou mu'isalili la Mosinge anu Maminge utongongengi lexe mi vile masua noxinge uasi.
Currently Selected:
1 Tesalonaika 3: ATA
Highlight
Share
Compare
Copy
Want to have your highlights saved across all your devices? Sign up or sign in
Copyright 1999 New Tribes Mission, Sanford, FL 32771-1487
