1 Tioni 1

Vaikala so mauli mupala'a

1Anu ane muxolu tei tei manina la nexi telomusou mo temaisou no iexi lavo'onu xe teutitiou mo tekasou no avoxe. Anu ne Vaikala so Mauli e nexi talavusou tapela'ingexu. 2Xo Mauli ne mupala'a xe temaisou laso nexi taa'aloxu noxinge. Nexi tapala'anixu Mauli e soko'u mo kaluxu uasi ne xo muxolu noxou Maminge no tualasou kaio mune'e mupala'a noxixe 'o. 3Nexi temaisou mo telomusou laso maixene tapala'anixu noxinge kalumo. Mo so axone la ngingi ngaxolu opongengi vilesisi noxixe xo nenge nenge'a taxolu oponenge vilesisi noxou Maminge ilou Olu Iesua Kalaisiti. 4Nexi takaukavunu vaikala aloxo 'o mo so osa noxinge nenge'a uxali lolonisi.

Mosinge ta'olu muamua'ixa'a no anu lamanasi

5La vaikala ane teno'u noxou Iesua Kalaisiti mo talanu noxinge aloxo 'o. Noxou Mosinge la lamanasi mo isivoxo sevile noxou uasisi. 6Laso loxo nenge ta'oxo lexe oponenge vilesisi noxou ia tamuamua'i no anu isivoxosi la takakalavoi to, xe mi ma'ia ta'oxonu la manina no anu uasi. 7Anu a uxoxolu no anu lamanasi, laso loxo nenge tamuamua'i no anu lamana anenesi la nenge nenge'a taxolu oponenge vilesisi, xe sialuxu Olu Iesua u'uinenge no anu susu mukalusi.

8Loxo nenge tavikala lexe, “Susu vile noxilo uasi,” la nenge menge takalavoinengesi ane, mo vaikala manina uxolu nonano noxinge to uasi. 9Ia loxo tapala'anixu susu noxinge noxou Mosinge la anu u'oxonu ilixo mulapu aloxo talopalanuxu. Anu oponu ulu'e no anu mi ne so utulu la uasi, kaio u'uinenge no anu nusou susu ne mukalusi. 10Xo loxo nenge ta'oxo lexe tasususu uasi la nenge tavikala lexe Mosinge anu ukakalavoi ane. Mo axone la upalasi lexe vaikalaou uxolu nonano noxinge uasi.

Currently Selected:

1 Tioni 1: ATA

Highlight

Copy

Compare