प्रेरित 6

सात सेबका रा चुनणा

1त्या धयाडी जेबा चेले बढ़दे लागे थी, तेबा यूनानी भाषा बोलन आले इब्रानी भाषा बोलन आले बे कुडकुडाई बोलदे लागे बोलदे लागे रोज-रोज की सेबकाई में माह री बिधबा कोहे नांई पुछदअ। 2तेबा त्याह बारह चेले री मण्डली आपु सेटा शदाई करे बोलू, यह ठीक नांई कि हामे परमेश्वरा रअ बचन छाडी करे खिलाणे-पिलाऊणे री सेवा में रहे। 3तेबा हे भाईयो, आपणे मेंज़ा का सात सुनाम मणश जोह पवित्र आत्मा होर बुद्धि संघे परिपूर्ण साहा त्या चुना, कि हामे त्याह तेऊ कामा बे ठहराए। 4पर हामा तअ प्रार्थना में होर बचाना री सेबकाई में लागी रंहणा। 5यह गअल सभी रांबड़ी लागी होर त्याह स्‍तीफनुस ना रअ एक मणश जोह बुशाहे संघे होर पवित्र आत्मा संघे परिपूर्ण थी, होर फिलिप्पुस होर प्रुखुरुस, होर निकानोर, होर तीमोन, होर परमिनास, होर अन्ताकिया बासी निकोलास जोह यहूदी मता में आओ थी, होर सह चुनू। 6या प्रेरिता रे सामने खड़े करी होर त्याह पैंदे प्रार्थना करी हाथ डाही। 7होर परमेश्वरा रअ वचन फैलदअ रहू होर यरूशलेमा में चेले री संख्या बढ़दी रही, होर याजका रा एक बडअ समाज एऊ बुशाहा मानण आलअ होऊ।

स्तिफनुस री गिरफ्तारी

8स्‍तीफनुस अनुग्रह होर सामर्थे संघे भरी करे बड़े-बड़े चमत्कार होर चिन्ह रिहाऊंदा थी। 9तेबा एऊ प्रार्थना घरा मे जासु बे लीबिया तीनो कहलाऊंदा, होर कुरेनी होर सिकंदरिया होर किलिकिया होर आसिया रे लोकां मेंज़ा का एक ऊठी करे स्‍तीफनुस संघे ओहरी-पोहरी झगडदअ लागअ। 10पर तेऊ ज्ञान होर तेसा आत्मा रा जासू संघे त्याह गाला करा, त्याह रा सामना नांई करी सके। 11एता पैंदे त्याह कई लोका एडे तयार करी होर बोलदे लागे, हामे यह मूसा री व्यवस्था होर परमेश्वरा रे बिरोधा में गला करदअ होर निन्दा करदअ शूणु। 12होर लोका होर प्राचीनों होर शास्त्री, याजक भड़काई करे हमले करदे आए होर सभी ढाकी करे महासभा में आणू। 13होर झूठे गुआही खड़े करी त्याहे बोलू, यह मणश एक पवित्र जागहा होर व्यवस्था रे बिरोधा में बोलणा नांई छाडदअ। 14किबेकी हामे यह बोलदअ शूणु कि यीशु नासरी यह जागहा ढोलनी, होर त्याह रीति बदलनी जोह मूसा हामा बे दीनी दी आसा। 15तेबा सभी लोके जोह महासभा में बेठे दे थी, तेऊ पैंदे हेरदे लागे, तेबा तेऊरअ मुंह स्वर्ग दूता साही हेरू।

Currently Selected:

प्रेरित 6: ISJNT

Highlight

Copy

Compare