प्रेरित 5

हनन्याह होर सफीरा

1हनन्याह ना रअ एक मणश होर तेऊरी लाड़ी सफीरा कुछ जमीन बेची। 2होर तेता के बदले कुछ बांधा डाहू; होर यह गअल तेऊरी लाड़ी भी जाणदा, होर तेता कअ एक भाग प्रेरितों री जांघा सेटा डाहू। 3पतरसे बोलू हे हनन्याह! कि शैतान तेरे मने यह गअल किबे आणी कि तूह पवित्र आत्मा बे झूठ बोले, होर भूमि रे दामा मेंज़ा का कुछ डाहे? 4जेबरे तणी सह ताह सेटा, कह सह तेरी नांई थी? होर जेबा बिकी केह तेरे अधिकार में नांई थी? तांई आपणे मना में यह गअल किबे सोची? तांई मणशा का नांई, पर परमेश्वरा का झूठ बोलू। 5या गला शूणी हनन्याह नेहटे पडू होर तेभरी मुंअ होर सब शूणन आले डरी। 6तेबा जुआने मणशे उठी होर तेऊरी अर्थी बणाई बागे नी करे सह आटू। 7लगभग चीई घंटे बाद तेऊरी लाड़ी, जोह कुछ होऊ नांई जाणी करे भीतर आई। 8तेबा पतरस तेसाबे बोलू, महा बे खोज कि तमे यह जमीन एथरे में बची थी? 9पतरसे तेसाबे बोलू, यह कह गअल साहा कि तमे दुईए परमेश्वरा री आत्मा री परीक्षा री तणी एडा करू? हेर तेरअ मर्दा आटन आले दुआर सेटा खडे साहा, होर ताह भी बागे नीले। 10तेबा सह तेभरी तेऊरी टांगा सेटा पड़ी, होर प्राण छाडी, होर जुआने सह भीतर इच्छी करे सह मुंईदी हेरी, होर बागे नी करे तेसके मर्दे संघे सह आटी। 11पूरी कलीसिया पैंदे याह सभी गला रा, सभी शूणन आले पैंदे बडी डर होई।

चिन्ह होर अदभुत काम

12प्रेरितों रे हाथा का बहू चिन्ह होर चमत्कारा रे काम लोका बीच रिहाऊंदा, होर त्याह सभे एकमन होई करे सुलैमाना रे कुण्डा में कठे हुंदा। 13पर होरा में कासी भी घमड नांई हुंदा, कि त्याह में त्या मिली तेबा भी ठींगा त्याह री बड़ाई करदा। 14बुशाह करण आले बहू मर्द होर वेटडी परमेश्वर री कलीसिया में बड़ी संख्या में मिलदे रही। 15अखे तणी कि लोके मरीज लाई सडका डाहणे, मांजे होर खटोल पैंदे लाई लटाई डाहणे। कि जेबरे पतरस इच्छे तेबा सीधी छांईट ही त्याह पैंदे कासु एकी बे पड़े। 16यरूशलेमा रे आसा-पासा रे शहरा में भी बहू बीमार लोका होर दुष्टात्मा संघे सताई दे लोका कठे हुंदा, होर सभी ठीक करदा थी।

प्रेरितों री गिरफ्तारी

17तेबा महायाजक होर तेऊरे सभे सा जोह सदूकी रे पन्था का, जलन संघे भरी। 18होर प्रेरितों ढाकी करे जेला बे नींउ होर बंद करू। 19पर राची परमेश्वरा रअ एक स्वर्गदूत जेला रे दुआर खोली त्याह बागे आंणी होर बोलू, 20नांहा, मंदिरा में खड़े होई करे एऊ जीबना री सारी गला ठिंगा बे शूणा। 21त्याह यह शूणी करे व्यालक हुंदे ही मंदिरा में नांही करे उपदेशा दिंदे लागे। तेबा महायाजक होर तेऊरे साए ईछी करे महासभा होर इस्राएलियों रे सभी बजुर्ग कठे करी, होर जेला बे फरमान भेजू कि त्याह आणा। 22पर प्यादों तखे पूजी करे त्या जेला में नांई भेटे, होर फिरी करे सन्देश दिना। 23हामे जेल बड़ी सुरक्षा संघे बंद करूदअ थी होर पहरा करण आले बागे दुआरा सेटा खड़े साहा; पर जेला रअ दुआर खोलू तेबा भीतर कोहे नांई भेटअ। 24तेबा मंदिरा रे सरदार होर प्रधान याजक या गला शूणी, तेबा त्याह रे बारे में भारी चिंता में पड़ी कि त्याह रा केह होऊ। 25ऐतर में कासु ईछी करे खोजू, हेरा जूंणा तमे जेला में डाही दे थी, बंद करी त्याह मणशा, मंदिरा में खड़े होई करे उपदेशा दिंदे लागे दे आसा। 26तेबा सरदारे प्यादे संघे नाठअ, होर त्याह आंणी, पर ज़ोर-जबरदस्ती संघे नांई थी, किबेकी त्याह लोका कअ डरा थी, कि कंही त्याह हामा पैंदे पाथर ना फेके।

27त्याह आंणी होर महासभा रे सामने खड़े करी; तेबा महायाजक त्याह का पुछु, 28कह हामे तमाबे बोलू, होर आज्ञा दीनी, कि तमे एऊ ना का उपदेश नांई दे? तेबा भी हेरा, तमे सारा यरूशलेम आपणे उपदेशा संघे भरू होर एऊ मणशा रा लोहू माह रे गलआ पैंदे लाऊंणा चांहदा। 29जेबा पतरस होर होरी प्रेरितों उतर दीना, मणशा री आज्ञा बढ़ीकरे परमेश्वर री आज्ञा रा पालन करणा हमारा फर्ज साहा। 30माह रे बजुर्ग रे परमेश्वर यीशु जिऊंद होऊ, जूंण तमे क्रुसा पैंदे लटकाई करे मारू थी। 31सह परमेश्वर होर उद्धारकर्ता ठहराऊ, आपणे दाहिने हाथा पैंदे ऊछटअ करू, कि सह इस्राएलियो रे मन फिराव री शक्ति होर पापा री क्षमा प्रदान करे। 32हामे याह गला रे गुआही सा होर एढ़ी तरह पवित्र आत्मा भी, जूंण परमेश्वरे त्याहबे दीनी जोह त्याह री आज्ञा मानदा।

33या गला शूणी त्याह जली होर त्याह मारने चाही। 34पर गमलीएल ना रअ एक फरीसी जोह सलाह दिहंणे आले होर सभी लोका में माननीय, महासभा में खड़े होई करे प्रेरितों बे थोड़ी देर बागे काहडने री आज्ञा दीनी। 35तेबा तेऊ बोलू, हे इस्राएलियों, तमे जोह याह मणशा संघे लाऊदा केह करणा, सोची समझी करे। 36किबेकी याह धयाडी का पहिले थियुदास यह बोलदअ उठअ कि हांऊ भी कुछ सा; होर चार शअ मणश तेऊ संघे मिली होर सह मारू होर जेतरे भी लोका तेऊ मना थी, सभे तितर-बितर होई होर खत्म होई। 37तेता बाद ना लिखाई रे धयाडे में यहूदा गलीली उठू, होर कुछ लोका आपु फेरा बे करी, त्याह भी नष्ट होई होर जेथरे लोका तेऊ मना, सब तितर-बितर होई। 38तेबा एबा हाऊं तमाबे बोलदा, याह मणशा का दूर ही रहा होर याह कअ किछे भी काम नांई डाह, किबेकी यह धर्म मणशा री तरफा कअ होला तेबा मिटणा; 39पर ज़ेबा परमेश्वरा मनण आले साह, तेबा तमे याह संघे नांई मिटाई सकदे। कंही एडा ना हो कि तमे परमेश्वरा संघे लड़ने आले ठहरे।

40तेबा त्याह गला मानी; होर चेले शदाई करे चीकू, होर यह आदेश देई करे छाडू कि यीशु रे ना का भी गला ना करे। 41त्याह ऐसा गला का खुशी होई करे महासभा रे सामने नाठे, कि हामा तेऊरे ना का आपमानित हूंणे रे लायक ठहरी। 42त्याह रोज मंदिरा में होर घरे-घरे समझाऊन्दे होर ऐसा गला रा सुसमाचार शूणाऊंदा थी, कि यीशु ही मसीह आसा।

Currently Selected:

प्रेरित 5: ISJNT

Highlight

Copy

Compare