1 कुरिन्थियों 9
9
प्रेरित रा अधिकार होर कर्तब्य
1कैह हाऊं स्वतंत्र नांई आंधअ? कैह हाऊं प्रेरित नांई आंध? कैह माई यीशु बे जोह हमारअ प्रभु साहा नांई हेरू? कैह तमे प्रभु में मेरे बणाई दे नांई आंधे। 2अगर हाऊं होरी वै प्रेरित नांई आंध, तेबा भी तमावै साहा; किबेकि तमे प्रभु में मेंरी प्रेरिताई पेन्दे छाप साहा।
3जोह महा परेखा त्याह वै मेरा यह उतर साहा। 4कैह हामा बे खाणे पीणे रा अधिकार नांई आंधा 5कैह हमारा यह अधिकार नांई, की कासू मसीहा बहीणे संगे ब्याह करी करे तेसा संघे रहू, जेड़ा होरी प्रेरित होर प्रभु रे भाई होर कैफा करदा, 6यह सीधी माँह होर बरनबासा वै यह अधिकार नांई कि काम करना छाडे। 7कुण कव्र आपणे खाई करे सिपाई रा काम करा? कुण दाखा री बारी लाई करे तेत्के फल नांई खांदे? कुण फुआल त्याहा रा दूध नांई झूटदे?
8यह हाऊ सादी जिंदगी रे साबे नाही बोलदअ लागदअ साहा पर व्यवस्था भी यह बोला; 9किबेकी मूसा री व्यवस्था में लिखू दा आसा, “तमे दंबरी करदे बलदा रे मुहा में मोहर नाई लाए कैह परमेश्वर बलदा री चिंता साहा?” 10यह खासकर हामा वै लिखुदा साहा, हाँ हामी वै ही लिखुदा साहा, किबेकी जरूरी साहा कि जुडण आल आशा संघे जूडे होर दबाऊण आल हिस्सेदार हुणे री आशा में दाबनी करे।
11पर जेवा हामें तमावै आत्मिक चिजा भेजी, तेबा कैह यह बड़ी गल्ला नांई आंधी। कि थारे शरीरा री चिजा री फसल काटे। 12जेवा होरी रा तमा पेन्दे ऐतरा अधिकार साहा, तेबा कैह हमारा त्याका हिस्सेदार नांई हुणा? पर हामे यह अधिकार कामा में नांई आणू; पर सबे अधिकार मना कि हामा का मसीहा रे सुसमाचारा में किछे रोक नांई होए।
13कैह तमे नांई जांणदे कि जोह मन्दिरा री सेवा करदा, त्याह देहुरे मेंजा का खांदा होर जोह बेदी री सेवा करदा होर तेत्के भागी साहा? 14एउ साबे परमेश्वर भी ठहराई कि जोह सेबकाई करे होर सुसमाचार शुणाउदा त्याह री जिंदगी सुसमाचारा का हुंणी। 15पर हाऊं याह सभी गल्ला कामा मे नांई आणी सका, होर मांई याह गल्ला तेबा नांई लिखी कि महा वै एडा करे किबेकि एता में मेरा मरणा ही भला साहा कि कुण मेरे घमण्डा थोगे ठहराये।
16अगर हाऊं सुसमाचार शुणऊ, तेबा माँह वै किछे घमडा री गल्ल नांई, किबेकि यह जरूरी साहा, अगर हाऊं सुसमाचार नांई शुणऊ, तेबा माँह पेन्दे हाय। 17किबेकि हाऊं अगर आपणी इच्छा संघे बुशाह करदा तेबा माँह तेत्की मजदूरी भेटा होर अगर आपाणी इच्छा संघे नांई करे, तेबा भी भंडारी माँह वै भेजू दअ साहा। 18तेऊकी तेबा कुण मजबूरी साहा? यह कि सुसमाचार शुडाऊणे में हाउ भी मसीहा रे सुसमाचारा सेंत-मेंत करु अखे तणी कि सुसमाचारा में जोह मेरा अधिकार साहा तेता भी हाऊं राम्बडे कामा में आणू। 19किबेकि सभी का स्बतन्त्र हुणे पर भी हाऊं सभी रअ नोकर बणू कि बहू लोका आणी सके। 20हाऊं यहूदी वै यहूदी बणू त्या आपणे री तणी जोह लोका री व्यवस्था रे अधीन साहा त्याह वै व्यवस्था में नांई हुंदे भी हाऊं व्यवस्था रे अधीन होऊ त्याह आपणी री तणी।
21व्यवस्था नांई जाडन आले वै हाऊं (जोह परमेश्वर री व्यवस्था रे अधीन साहा, पर मसीहा री व्यवस्था रे अधीन नांई साहा) व्यवस्था साही बना कि व्यवस्था हीन खिची आणे। 22हाऊं कमज़ोरा वै कमज़ोर बणू की त्याह आणू हाऊं सभी मणशा वै कैहडे ना कैडे साबे कईये रा उद्धार करू। 23हाऊं एता सभी सुसमाचार री तणी करा कि होरी संघे तेत्के भगीदार होई सके।
मसीहा ठुरना
24कैह तमे नांई जांणदे कि ठुरणे में तो सभे ठुरा, पर जीता एक? तमे एहडे ही ठुरा की जीते। 25हर एक पहलवान सभी साहा रा सयम करे; त्याह एकी मुझाईदे मुकटा पाऊणे री तणी यह सभे करा, पर हामे तअ तेऊ मुकुटा री तणी करा जोह नांई मुरझाऊन्दअ। 26तेबा हाऊं एहडे ही साबे ठुरणा पर लक्ष्य हीन नांई; हाऊं भी एडा ही साबे लड़ा, पर तेऊ जेहड़ा नांई जोह बागरी संघे मूके संघे लडा पर तेऊ जेह हबा संघे लडा। 27पर हाऊं आपणे शरीरा वै मारदा होर सेवा बे तयार करदा एडा नांई होए कि होरा वै प्रचार करदा हाऊं आपू ही निक्कामो होउ ।
Currently Selected:
1 कुरिन्थियों 9: ISJNT
Highlight
Copy
Compare
Share
Want to have your highlights saved across all your devices? Sign up or sign in
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.
