1 कुरिन्थियों 8
8
मूर्ति वै चडाऊ दा भोजन
1बलि एवा मुरती जेह बलि चढाई दी चीजा रे बारे में हामे जाणदा कि हामा सभी ज्ञान साहा। ज्ञाना का घमण्ड हुंदा, पर प्रेमा का उन्नति हुंदा। 2अगर कुण समझे कि हाऊं कुछ जाणा, जेहड़ा तेऊ जान्णु लोडी थी तेहड़ा सह नांई जाणदअ। 3पर अगर कुण परमेश्वरा का प्रेम डाहे, तेबा परमेश्वर तेऊ जाणदा।
4पर मूर्ति जेह बलि चढाई दी चीजा खाणे रे बारे में हामे जांणदा कि एउ संसारा में मूर्ति कोहे चीज नांई आहंदी, होर एकी परमेश्वरा छाड़ी कोह परमेश्वर नांई आंहद। 5पर सरग होर धरती में बहू वै परमेश्वर बोला; (जेहड़ा कि बहू परमेश्वर होर बहू प्रभु साहा) 6तेबा भी हामा नेड एक परमेश्वर साहा पर पिता जासु का सभे चीजा साहा होर तेऊवै साहा होर एक ही परमेश्वर साहा, पर यीशु मसीहा जासु का सभे चीजा होई, होर हामें भी तेऊका साहा।
7पर सभी यह ज्ञान नांई आंधा, पर कुण मूर्ति जेह बलि चढाई दी चीजा कै चिजा समझी करे खांदा। होर त्याहा रा मन कमजोर होई करे अशुद्ध हुंदा। 8धाम ना हामा परमेश्वरा जेह नांई पजेरदा। अगर हामे नांई खाये तेबा हामा किछ हानि नांई आंधी। होर तेबा खाये तेबा भी किछ लाभ नांई।
9पर साबधान रहा! कई एडा नांई होए कि थारे या अधिकार कही कमजोरा वै ठोकरा री बजाह ना होये। 10किबेकि अगर कुण ज्ञानी ताह मूर्ति रे मन्दिरा में धाम ना करदे हेरे होर सह कमज़ोर मणश होए, तेबा कैह तेऊरे मने मूर्ति जेह बलि चढाई दी चीजा खाणे री हिम्मत नांई पडणी। 11एऊ साबे तेरे ज्ञाना री वजहा का सह कमज़ोर भाई जासुवै मसीह मुअ, खत्म होऊ। 12तेबा भाईयो रा अपराध करने का होर तेऊरे कमज़ोर मन चोट हुणे का तमे मसीहा रा अपराध करा। 13एउ सावै अगर मेरा धाम ना मेरे भाई वै ठोकर लागे तेबा हाऊं सदा कासू सावे भी मांस नांई खालअ, एडा नांई होए कि हाऊं भाई वै ठोकरा री बजा होए।
Currently Selected:
1 कुरिन्थियों 8: ISJNT
Highlight
Copy
Compare
Share
Want to have your highlights saved across all your devices? Sign up or sign in
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.
