1 कुरिन्थियों 10
10
इस्राएला रे इतिहासा वै चेतावनी
1हे भाईयो हाऊं नांई चाहन्दा, कि तमे एसा गला का अनजान रहा की हमारे सबे पूर्वज बादला थहीं थी, होर सबे समुन्द्रा रे बीचा में का पार होई। 2होर सभी बादला में होर समुन्द्रा में मूसा व्यवस्था रे साबे रा बपतिस्मा लऊ; 3होर सभी एक आत्मिक (मना) धाम ना करू। 4होर सभी एक आत्मिक पांणी झुटू, किबेकि त्याह तेसा आत्मिक चटाना का झूटा, जोह त्याह संघे-संघे हांडा थी, होर सह चटान मसीहा थी। 5पर परमेश्वर त्याह में का बहू लोका का खुश नांई होऊ थी, तेबा त्याह बूणे खत्म होई।
6या गला हामा वै उदाहरण होई, की जेह्डा त्याह लालच करू, तेबा हामें बुरी चीजा रा लालच नांई करे। 7होर नाह तमे मूर्ति पूजा करन आले बणे, जेहड़ा की त्याह में बहू बणी, जेहड़ा लिखूदा साहा, की लोका खांदे पींदे बेठे, होर खेलदे लागे। 8होर नाह हामे व्यभिचार करे, जेहड़ा की त्याह लोका में बहु अधिकार करू, होर एकसा धियाड़ी तरेई हज़ार लोका मुये। 9होर नाह हामे परमेश्वर परेखे, जेहड़ा की त्याह धियाड़ी बहू लोका मसीह परेखणे री कोशिश करी, होर सभे सर्पा संघे नाश होई। 10होर नाह तमे कुडकुडाये, जेहडे साबे बहू कुडकूड़ाणे होर त्याह नाश हुणे आले संघे नाश हुणे। 11पर या गला जोह त्याह संघे होई थी होर त्या मेरी चेतावनी बे जोह संसारा रे अन्तिम वक्ता वै रहंदा, लिखुदा साहा।
12तेबा जोह समझा की हाऊं स्थिर साहा, सह ध्यान डाहे कि सह कई पडे नांई। 13तमे एड़ी मुसिबता में नांई पडे जोह मणशा रे सहने का बागे साहा, परमेश्वर सचअ बुशाह आलअ साहा, तेऊ तमे जोह समर्था का बागे परीक्षा में नांई इणे दींदअ, पर परीक्षा संघे निकास भी करना की तमे सहन करी सके।
मूर्ति पूजा रे वारे में चेतावनी
14तेबा मेरे प्यारे भाईयो मूर्ति पूजा का बचा। 15हाऊं तमावै बुद्धिमान होई करे बोला जोह हाऊं बोला, तेता तमे परेखा । 16सह धन्यवाद रअ कटोरे रअ जासु में हामा आशीष करा, कैह सह मसीहा रे लोहू री सहभागिता नांई सह रोटी जासु हामे चोडा सह मसीहा री देह नांई आंधी। 17तेबा कि एक रोटी साहा जोह हामे जोह बहू साहा एक देह साहा, किबेकि हामे सबे तेसा रोटी रे हिस्सेदार साहा। 18जोह शरीरा में इस्राएली साहा त्याह हेरा, कैह बलिदान रे खाणे आले बेदी रे सहभागी नांई आंधे। 19तेबा हाऊं यह नांई बोलदअ, की मूर्ति बे चढाई दी चीजा यह कि मूर्ति रा बलिदान कैह साहा। यह मूर्ति किछ साहा। 20पर जेहड़ा धर्मग्र्न्ता में बोल्लू दा साहा, पर जासु बलि चढ़ाऊदा सह परमेश्वरा बे नांई, कि जोह होरी जाति जोह बलिदान करे, पर दुष्टात्मा वै बलिदान करा होर नांई चाहंदे कि तमे दुष्टात्मा रे सहभागी होये। 21तमे परमेश्वरा रे कटोरे होर दुष्टात्मा रे कटोरे रे दुही मेंज़ा का नांई झूटी सकदे तमे परमेश्वरा री मेजा मे होर दुष्टात्मा री मेजा में दुही में हिस्सेदार नांई होई सकदे। 22कैह हामे परमेश्वरा वै दोष दिलाई सकदा कैह हामे तेऊका शक्तिमान साहा।
सब परमेश्वरा री महिमा वै
23सब चीजा माँह वै मर्जी री साहा पर सबे फायदे री नांई सबे चिजा माँह वै ठीक साहा पर सबे चिजा ठीक नांई। 24कोहे भी आपणी भलाई नांई सोचे पर दूजे री भलाई लोडा 25जोह कुछ कसाई रे अखे विकदा तेऊ खाये होर मना री बजहा किछे नांई पूछे। 26किबेकि धरती होर तेत्की भरपूरी परमेश्वरा री साहा। 27अगर अबिश्बासी में तमा कुण शादे होर तमे नाहणा चाहे, तेबा जोह किछे तमा जेह खाणे वै दे तेथी खाये, होर मना का किछे नांई पूछे। 28अगर तमावै कोई यह बोले कि यह मूर्ति जेह बलि चड़ाउदा साहा तेबा तेऊ खोज्ण आले री गल्ला शुणी करे मना रे बेहमा री बजा का नांई खाये। 29मेरा मतलव तेरी दया नांई पर तेऊ दूजे री भलाई, मेरी स्वतंत्रता दूजे रे मना का न्याय। 30अगर हाऊं धन्यवाद करी करे हिस्सेदार होए तेबा जासु पेन्दे हाऊं धन्यवाद करा तेत्का मेरी बदनामी किवै हुंदा।
31तेबा तमे चाहे खाये चाहे पिये चाहे जोह कुछ करे होर सबे साहा परमेश्वरा री महिमा री तणी करे। 32तमे नाह यहूदी, नाह यूनानी होर नाह परमेश्वरा री कलीसिया वै ठोकरा री बजहा बणे। 33जेहड़ा हाऊं कि सभी गल्ला में सभी खुश डाहे, होर आपणा नांई, पर सभी रे भले चान्ह्दा कि त्याह उद्धार पाये।
Currently Selected:
1 कुरिन्थियों 10: ISJNT
Highlight
Copy
Compare
Share
Want to have your highlights saved across all your devices? Sign up or sign in
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.
