1 कुरिन्थियों 15
15
मसीहा रा पुनरुत्थान
1हे भाईयो, एबा हाऊं तमावै सह सुसमाचार खोजणा जोह पहिले सुणाई मुकादा जोह तमे मनु भी, होर जासु में तमे पाके भी साहा। 2तेऊ सघे थारा उद्धार भी हुंदा, अगर तेऊ सुसमाचारा बै जोह माँइ तमावै शुणउदा साहा तेता तमे याद डाहे नांई तअ थारा बुशाह करना थोगे साहा।
3एई सावै की माँय तमा वै सभी का पहिले याह गला पजेरी की, जोह माँह जेह पूजीदी थी, कि पवित्र शास्त्रा रे वचना रे साबे यीशु मसीहा हमारे पापा री तणी मुये, 4होर सह दबाऊ, होर पवित्र शास्त्रा री गला संघे सह चीउणी धियाडी जिऊंदअ होऊ। 5होर कैफा बै तेऊकी सह सभी बारह चेले जिऊंदअ होई करे हेरू। 6तेऊकी सह पांज़ा शआ लोका भाईयो एकी बारी हेरू, त्याह में एबरे भी एखा वर्तमान साहा पर एखा सुतदे साहा। 7तेऊकी सह याकूबे हेरू होर तेता बाद सभी प्रेरिता हेरू। 8सभी हेरणे का बाद माँह भी हेरू, जोह मना अधूरे धियाड़ी में जनमु साहा।
9किबेकि हाऊं प्रेरिता में सभी का होच्छो साहा प्रेरित हुणे लाइक भी नांई आन्धअ किबेकि माय परमेश्वरा री कलीसिया सताई थी। 10पर हाऊं जोह भी साहा, परमेश्वरा रे अनुग्रह संघे साहा, तेऊरा जोह अनुग्रह जोह माँह में होऊ सह थोगे नांई होऊ, पर माइ त्याह सभी का ज्यादा मेहनत भी करी, तेबा भी यह मेरी तरफा का नांई होऊ, पर परमेश्वरा री कृपा माँह पेन्दे होई। 11तेबा अगर चाहे हाऊं हो चाहे त्याह हो, हामा एथीरा प्रचार करा, होर एथी पेन्दे तमे बुशाह करु।
मुएदे रा पुनरुत्थान
12तेबा की जोह यह प्रचार हुंदा की मसीह मुएदे में का जिऊंदअ होऊ, तेबा तमामें केतरे बोला कि मुएदे रा पुनरुत्थान साहा या नांई? 13अगर मुएदे रा पुनरुत्थान नांई आन्ध, तेबा मसीहा भी जिऊंदअ नांई हुन्दअ। 14अगर मसीह जिऊंदअ नांई होऊ, तेबा हमारा प्रचार करना थोगे हुणा होर थारा बुशाह भी थोगे हुणा। 15तेबा हांमे परमेश्वरा रे झूठे गुआही हुणे, तेऊये मसीह जिऊंदअ करू होर एतकी गुआही दीनी अगर नांई जिऊंदअ करू, तेबा मुएदे जिऊंदे नांई हुंदे।
16अगर मुएदे जिऊंदे नांई होले, तेबा मसीह भी जिऊंद नांई हुन्द। 17अगर मसीह जिऊंदअ नांई हुन्दअ, तेबा थारा बुशाह थोगे साहा। होर तमे एबरे तणी आपणे पापा में फसिदे साहा। 18पर जोह यीशु मसीहा में सुतदे साहा त्याह भी नष्ट होई, 19अगर हामे सीधी एउ जीबना में यीशु मसीहा में आशा डाहंदा, तेबा सभी मणशा का अभागे साहा। 20पर सची मसीह मुएदे में जिऊंदअ होऊ, होर जोह सुतदे साहा त्याह में सह पहिलअ फल होऊ। 21किबेकि जेबा मणशा री बजहा का मउत आई, तेबा मणशा संघे ही मुयदे रा पुनरुत्थान भी आऊआ। 22होर जेडा आदमा में हामे सबे मरदा, तेहडडे हामे, मसीहा में जिऊंदे भी हुणे। 23पर हर एक आपणी-आपणी बारी का, पहिले फल मसीह, तेऊकी मसीहा रे हुणे आले लोका।
24एता बाद अंत हुणा, तेऊ वक्ते सारी प्रधानता, होर सारा अधिकार, होर सामर्थ्या रा अंत करी करे राज्य परमेश्वर पिता रे हाथे दीणा। 25किबेकि जेबरे तक सह आपणे शत्रु वै आपणी जांघा थाईं नांई पाये, तेवरे तणी तेऊ राज करणा जरूरी साहा। 26सभी का बडअ शत्रु जोह नाश करणअ सह मउत साहा। 27किबेकि परमेश्वरा सवै साह तेऊरी जांघा थही डाहूदा साहा। पर जेबरे सह बोला की सबे साहा तेऊरे अधीन करूदा तेबा स्पष्ट साहा की, जासु साबे साहा तेऊरे अधीन करूदा साहा, सह आपु अलग रहू। 28होर जेबा सवै साहा तेऊरे अधीन हुणा, तेबा पुत्र आपे भी तेऊरे अधीन हुण। जासुये सव साहा तेऊरे अधीन करू, की सभी में परमेश्वर ही सवै साहा। 29नांई तेबा, जोह लोका मुयदे री तणी बपतिस्मा लउनदा त्याह कैह करणा, अगर मुएदे जिऊंदे नांई हुंदे, तेबा किवै त्याह वै बपतिस्मा दिंदा। 30होर हामें भी किवै एसा धियाड़ी में दुखा में रहंदा। 31हे भाईयो होर भीणओ तमे हमारे प्रभु यीशु मसीहा में थारी कसम खाई करे बोला की माँह हर धियाड़ी मऊता रा सामना करना पड़ा। 32अगर हाऊं मणशा री रीति पेन्दे इफिसुस में बन पशु संघे लडू तेबा महा केह फायदा? अगर मुएदे जिऊंदे नांई हुणे, तेबा इच्छा खाणा पीणा किबेकि काला एडे भी मरणा। 33धोखा नांई खाए, बुरी संगत ठीक मणशा भी बिगाड़दा। 34धर्मा री तणी जागा, होर पाप ना करे; किबेकि कुछ एडा साहा जोह परमेश्वर नांई जाणदअ। हाऊं तमा वै यह लज्जित करने री तणी यह बोला।
पुनरुत्थाना रा शरीर
35एवा कासु यह बोलणाा, मुडदे केहडे जिऊंदे होई सका, होर केहडे शरीरा संघे इच्छा? 36हे निर्बुधि! जोह तुह बऊंदा, जेबरे तणी सह नांई मरे तेवरे तणी नांई जिऊंदअ। 37होर जोह तुह बउंदा यह सह शरीर नांई जोह भी पैदा हुणे आले साहा, पर निरा दान साहा, चाहे गिहू रअ हो चाहे होरी नाजारअ। 38पर परमेश्वर आपणी इच्छा रे साबे तेऊवै शरीर दिंदा होर एकी बेजा तेऊरा शरीर आसा। 39सबे शरीर एकी साबे रे नांई मणशा रा शरीर होरी साबे, होर चेलू रा शरीर होरी साबे रे, होर घोड़े रा शरीर होरी साबे रा, होर माच्छी रा शरीर होरी साबे रा साहा। 40सरगा री देह भी साहा होर पार्थिव शरीर भी साहा पर स्वर्गा री देह रा तेज होर साहा, होर पर्थिव होर साहा। 41धिहाड़ी रा तेज होर साहा, होर जोह राची रा तेज होर एकी तारे रा दुजे तारे रे तेजा में अन्तर साहा।
42मुड़दे रा जिऊंणा भी एड़ा साहा। शरीर माडे साबे बणा होर, पुनरुत्थान रे साबे जिऊंद होई सका। 43पर जासू बोउंदा, होर सह दीन-दीन साहा जोह जिउंदा सह महिमा सघे साहा संघे जोह बोउंदा, सह कमजोर साहा, जोह जिऊंदअ हुंदा सह शक्तिशाली साहा होर सामर्थ्य संघे जिउंदा। 44स्वाभाविक शरीर बोउंदा, होर आत्मिक शरीर जिऊंदअ हुंदा जेबा कि स्वाभाविक शरीर होर आत्मिक शरीर एक साहा। 45एडा लिखुदा भी साहा, कि पहिलअ मणश आदम जिऊंदअ प्राणी बणू। होर आखिर में जिउंदी आत्मा बणी। 46पर जोह पहिल साहा सह आत्मिक नांई, पर शारीरिक थी एता वाद आत्मिक बणू। 47पहिलअ मणश माटे रअ थी; दूजअ मणश स्वर्गीय साहा। 48जेहडअ सह माटे रअ थी, तेहडे त्याह भी साहा, जोह माटे रअ साहा होर जेहड़ा त्या स्वर्गीय साहा, तेहड़ त्याह भी साहा, जोह स्वर्गीय साहा। 49होर जेहड़ा हामे तेऊरा रूप जोह माटे रअ थी तेहड़ ही तेऊरा रूप धारण करा तेहडे ही तेऊ स्वर्गीय रा रूप धारण करा।
50हे भाईयो! हाऊं यह बोला कि शरीर होर लोहू परमेश्वर रे राज्य रे अधिकारी नांई होई सकते, होर नांह अविनाशी अधिकारी होई सकता। 51होर हाऊं तमावै भेदा री गल्ला खोजा, हामे सभे नांई सुतणे, पर सभे बदलणे, 52हाउ तमाबे एक गलअ खोजा की हामे सबे नांई मरने होर या सभे पलक झपाकात ही हुणे, किबेकि तुरही वाजणी होर हामा सभी आपणा रूप बदलना, होर तूहरी बाजणी होर मुएदे होर अविनाशी भी जिऊंदे हूँणे। 53किबेकि जरूरी साहा यह नशवान शरीर अविनाशी वणे, होर मरने आला शरीर अमरता वाने। 54होर जेबरे एउ नशवान अविनाशी बनण होर मरण रअ मूर्त बनणी, तेबा जोह वचन लिखुद साहा पुरअ हुणअ जय मृत्यु निगली। 55हे मृत्यु, तेरी जय कई रही? हे मृत्यु तेरा डंक कई रहू। 56मृत्यु रा डंक पाप साहा, होर पापा री सामर्थ्य व्यवस्था साहा। 57पर परमेश्वर रा धन्यवाद करा जोह हामे हमारे यीशु मसीहा री जय करदा। 58तेबा हमार प्यार भाईयो, दृढ़ होर अटल रहा, होर प्रभु रे कामा में सदा बडदे रहा, किबेकि तमे यह जांणदा की थारा परिश्रम प्रभु में थोगे नांई साहा।
Currently Selected:
1 कुरिन्थियों 15: ISJNT
Highlight
Copy
Compare
Share
Want to have your highlights saved across all your devices? Sign up or sign in
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.
