1 कुरिन्थियों 16
16
बुशाह करने वै दान
1एबा तेऊ दाना रे बारे में जोह पवित्र लोका वै करदा, जेड़ी आज्ञा मांय गलातियो री कलीसिया वै दीनी तेडा तमे भी करा। 2हप्ते री पहिली धियाड़ी तमामें हर एक मणश आपणी आमदानी सघे धख आपू सेटा डाहे माँह ईहंण तक दान ना करना पडे। 3होर जेबरे माँह इंहणा, तो जासु तमे चाहन्दा त्याहब चिठ्ठी देई करे भेज़लअ की थारा दान यरूशलमा में पजेरणा। 4अगर मेरा नाहणा ठीक होऊ, तेबा त्या माई सघे नाहणा। 5माह मकिदुनिया होई करे तमा सेटा ईहंणा, किबैकी माँह मकीदुनिया होई करे नाहणा ही आऊआ।
पौलुसा री यात्रा रा कार्यक्रम
6पर एडा की थारे अखे रहणा चाह्न्दा की थारे अखे ही रूकू, होर शरद रीतू अखे ही काटू, तेबा जासु संगे नाहणा तेऊ तक तमे माँह पजेरे। 7किबेकि हाऊं एबा तमा बाता निहालअ नांई रहू, पर माँह आशा साहा की अगर प्रभु चाहे तेबा हाऊं थोडे वक्त तणी तमे सघे साहा। 8पर हाऊं पिन्तकुस्त तक इफिसुस में रहणा। 9किबेकि माँह वै तखे एक बडअ फायदे रअ दुआर खुलूदअ साहा। होर तेत्के बिरोधा में भी बहू साहा।
10अगर तिमोथी ईछे, तेबा हेर की सह निडर होई करे रहण किबेकि सह माँह साही प्रभु रा काम करा। 11तेबा की कोहे तेऊ बुरअ ना समजे, तेबा तमे तेऊ कुशल सावै माँह सेटा पजेरे, किबेकि हाऊं तेऊरी बाट जोहदा लगदअ की सह भाई संघे ईछे। 12भाई अपुल्लोस का माए बड़ी बिनती करी की हे मेरे भाई सघे नाह पर तेऊये तेऊ बक्ते नाही करे कोई इच्छा नांई करी, पर जेबरे मोका इहला तेवरे आपे नाहणा।
आखरी आज्ञा होर अभिवादन
13जागद रहा होर बुशाह में पाक रहा, पुरुषार्थ करा, बलबंत होआ। 14जोह कुछ तमे करा तेऊ प्रेम सघे करे। 15हे भाईयो होर भिहीणो! हाऊ तमा का बिनती करा तमे स्तिफनास रे घराने जाणा की त्याह अखया होर पहिले फल साहा, होर पवित्र लोका री सेवा करण री तणी तैयार रहंदा 16तेबा हाऊं तमा का बिनती करा, एडे रे अधीन रहा, हर एकी रे जोह एऊ कामा में महनती होर सहकर्मी साहा। 17होर में स्तिफनास होर फुरतुनातुस होर अखईकुस रे ईहंण का खुश हुंदा किबेकि त्याह थारी घटी पूरी करी। 18होर त्याह मेरी होर तरी आत्मा बे शांति दिन्नी दी एतकि तणी एडे मना।
19आसिया री कलीसिया का तमावै नमस्कार; अक्विला होर प्रिस्का रे होर त्याह रे घरा र होर त्याह री कलीसिया रे भी तमा वै प्रभु में बड़ा नमस्कार। 20सभी भाई बहना तमा लोका बे नमस्ते बोला का, शांति रे पवित्र चूमें सघे तमावै नमस्कार। 21माँह पौलुसा वै आपणे हाथा लिखूदा नमस्कार। अगर कोइ प्रभु का प्रेम नांई डाहे तेबा सह श्रापित हो। 22अगर तमा लोका में का कोई प्रभु का प्रेम नांई करलअ सह शापित हो हे हमारे प्रभु इहण आल़अ साहा! 23प्रभु यीशु रा अनुग्रह तमा पेन्दे हहुंदा रहे। 24मेरा प्रेम मसीह यीशु में तमा सभी सघे हुंदा रहे। आमीन।
Currently Selected:
1 कुरिन्थियों 16: ISJNT
Highlight
Copy
Compare
Share
Want to have your highlights saved across all your devices? Sign up or sign in
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.
