1 कुरिन्थियों 13

प्रेम सभी का महान

1अगर हाऊं मणशा होर स्वर्गदूता री भाषा बोलू, होर प्रेम ना करू तेबा हाऊं ठनठनाता पीतल होर झनझनाती झाज साहा। 2होर हाऊं अगर भविष्यवाणी करे, होर सभी भेदो होर सभी तरहा रा ज्ञान समझी सका होर माँह अखे तणी पूरा बुशाह होउ कि हाऊं पहाड़ा भी हटाई सका, पर प्रेम नांई डाहे, तेबा हाऊं किछे नांई। 3अगर हाऊं आपणी सारी सम्पति कंगला वै देलअ या आपणे शरीरा जालने वै होर प्रेम नांई डाहे, तेबा महा किछे लाभ नांई।

4प्रेम धीरज साहा, होर कृपालु साह, प्रेम आपणी बड़ाई आपे नांई करदा, होर फुलदा नांई, 5सह बुरा काम नांई करदअ चलदअ, होर आपणी भलाई आपे नांई करदअ, झुझलाउन्दा नांई, बुरा नांई मनदअ। 6कुकर्म का खुश नांई हुंदा, पर सची गल्ल कअ खुश हहुंदा। 7सह सबे गल्ला सहन करा, सबी गल्ला जाणा, सबी गल्ला री आशा डाहदा, सभी गल्ला में बुशाह होर धीरज डाहदा।

8प्रेम कधी नांई टलदा; भविष्यवाणी खत्म हुणी, भाषा खत्म हूणी ज्ञान भी खत्म हुणा। 9किबेकि हमारा ज्ञान अधूरा साहा, होर हमारी भविष्यवाणी अधूरी; 10पर जेबरे सर्बसीधी ईलअ, तेबा अधूरा खत्म हुणा।

11जेबरे हाऊं शोहरू थी, तेबा हाऊं शोहरू जेहडी गल्ला करदा थी, शोहरू साही मन थी, शोहरू साही समझ थी; पर जेबरे सियाणअ होऊ तेबा शोहरू री गल्ला छाड़ी। 12एवा हामा शीशे में भी निहारा हेरदा, पर तेऊ वक्ते आमने सामने हेरण, एऊ वक्ते मेरा ज्ञान अधूरा साहा, पर तेऊ वक्ते एडी पूरी तरहा पछेणने, जेहड़ा हाऊं पछेणू। 13पर एवा बुशाह, आशा, प्रेम यह चिण स्थाई साहा, पर या मे सभी का बडअ प्रेम साहा।

Currently Selected:

1 कुरिन्थियों 13: ISJNT

Highlight

Copy

Compare