1 कुरिन्थियों 12
12
आत्मिक बरदान
1हे भाईयो हाऊं नांई चाहन्दा की तमे आत्मिक ज्ञाना रे बारे में अनजान रहा। 2तमे जाणा की, जेबरे तमे अन्यजाति थी, तेबा तमे गुंगी मूर्ति पीछे जेहड़ा तमावै बोला तेहडा तमे शुणा थी। 3तेबा हाऊं तमावै चेतावनी दिंदा की जोह कोई जोह परमेश्वर री आत्मा संघे बोला, सह नांई बोलदअ की यीशु श्रापित साहा, होर नाह कोई पवित्र आत्मा रे बिना बोली सकदअ की यीशु प्रभु साहा।
4वरदान तो कईये तरहा रे साहा, पर आत्मा एक साहा। 5होर सेवा भी कई तरहा री साहा, पर परमेश्वर एक साहा। 6होर प्रभाबशाली काम कई तरहा रे साहा, पर परमेश्वर एक साहा जोह सभी तरहा रे कामा में प्रभाव् पैदा करदा।
7पर सभी रे लाभ में पूजणे री तणी, हर एकी वै आत्मा रा प्रकाश दिंदा। 8किबेकि एकी तअ आत्मा संघे बुद्धि री गला दिंदा होर दूजे वै तेसी आत्मा संघे ज्ञाना री गला दिंदा। 9कासु वै तेसकी आत्मा संघे बुशाह होर कासु वै तेसी आत्मा संघे ठीक हुणे रा वरदान दिंदा। 10तेबा कासु वै सामर्थ्य दीण री शक्ति होर कासु वै भविष्यवाणी होर कासु वै आत्मा री परेखणे होर कासु वै कई प्रकार री भाषा होर कासु वै भाषा रा अर्थ खोजणा। 11पर याह सबे प्रभाव आले काम, सह एक आत्मा करा जोह सह चाहन्दा तेता बांडे।
देह एक अंग कईये
12किबेकि जेऊ सावै देह एक साहा होर अंग खासे साहा तेसा देहा रे खासे अंग हुणे री का भी सभी मिलाई करे एक देह साहा, तेऊ साबे मसीह भी साहा। 13किबेकि हामे सभी कैह यहूदी, कैह यूनानी, कैह नोकर होर कैह स्बतन्त्र, एकी ही आत्मा संघे एकी देह हुणे री तणी बपतिस्मा लउदा साहा, होर हामे सभी वै एक ही आत्मा पिलाई दी साहा।
14तेबा की देहा में एक अंग नांई, पर बहु साहा। 15अगर टाग बोला, कि हाऊं हाथ नांई, तेबा देह रअ नांई, तेबा एऊ साबे देहा रे नांई? 16अगर कनेट बोला, हामे आछी रे नांई तेबा देहा रे नांई, तेबा कैह सह, एऊ साबे देह रे नांई? 17अगर सारी देह आछी री हुंदी, तेबा शुणना कधा का हुंदा? अगर सारी देह कनेटा री हुंदी, तेबा शीगणा कधा का हुंदा। 18पर सची परमेश्वर अंगा आपणी ईच्छा संघे एक करी करे देहा में डाही दे साहा।
19अगर त्याह सारी एक अंग हुंदे, तेबा देह् कदा का हुणी? 20पर अगर अंग बहू साहा, पर देह एक साहा। 21आछ नांई बोली सकदी की माँह तेरी जरूरत नांई आंदी, होर नाह मुंड यह बोली सकदअ की माँह ज़ाघा री जरूरत नांई आंदी। 22पर देहा रे त्याह अंग जोह कमज़ोर साहा जोह होरा का कमज़ोर लागे, त्याह बहू जरूरी साहा। 23होर देहा रअ अंग जासकी हामे आदर नांई करदे , त्याह ही वै हामे ज्यादा आदर करा। होर जोह हमारी शोभा दीण आले अंग होर भी शोभा दिंदा। 24तेबा भी मेरी शोभा आले अंग एतकी जरूरत नांई आंधी, पर परमेश्वर देह एडी बणाईदी, जासु अंगा में कमी थी, तेता होर भी आदर भेटा।
25कि देहा में फुट ना होए, पर अंग एकी दूजे बरावर चिंता करे। 26अगर एक अंग दुखी साहा तेबा सबे अंग तेता संघे दुखी हुंदा अगर एकी अंगा री बड़ाई हुंदा, तेबा सारे अंग खुश हुंदा।
27एऊ साबे तमे सबे मिली करे मसीहा री देह साहा होर अलग अंग साहा। 28होर परमेश्वर कलीसिया में अलग तरहा रे वरदाना आले चुनीदे साहा, पहिले प्रेरित, दूजे भविष्यद्वक्ता होर चीउणे शिक्षक, तेऊकी सामर्थ्या रे कामा करन आले होर तेऊकी चंगे करन आले, होर प्रबंधा करन आले, होर कई तरहा री भाषा बोलन आले। 29कैह सभे प्रेरित साहा? कैह सभे भविष्यद्वक्ता साहा? कैह सवै उपदेशक साहा? कैह सभे सामर्थ्या रे कामा करन आले साहा? 30कैह सभी चंगे करने रा वरदान भेटा दा साहा? कैह सभी कई तरहा री भाषा बोला? 31कैह सवै भाषा समझा? तमे बडे का बडे वरदाना री धूना में रहा, पर माँह तमावै होर भी शोभली गला खोजणी।
Currently Selected:
1 कुरिन्थियों 12: ISJNT
Highlight
Copy
Compare
Share
Want to have your highlights saved across all your devices? Sign up or sign in
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.
