1 થેસ્સલોનિકીઓ પત્રો 5
5
ઇસુ ખ્રિસ્તુ ફાચે આવુલો માટે તીયાર રેજા
1ઓ માઅ વિશ્વાસી પાવુહુ, ઇસુ ખ્રિસ્તુ ફાચે આવુલો સમયુ વિશે માને, તુમનેહે લેખુલો જરુરત નાહ. 2કાહાકા તુમુહુ જાંતાહા જેહેકી ચોર રાતી આવેહે, તેહેકીજ પ્રભુ ઇસુ ફાચે આવુલો સમય બી વેરી. 3જાંહા લોક આખી કા આપુહુ શાંતિકી જીવી રીયાહા, આને બાદો હારો હાય, તાંહાજ જીયુ રીતીકી ગર્ભવતી બાયુલે અચાનક પીડા વેરા લાગેહે, તેહેકીજ નાશ વેરા લાગી, આને તે તીયા મોડા દુ:ખુકી નાય વાચાય સેકે. 4પેન માઅ વિશ્વાસી પાવુહુ, તુમુહુ તા આંદારામે નાહ, કા પ્રભુ ઇસુ ખ્રિસ્તુ ફાચે આવુલો સમયુલે તુમાપે એક ચોરુ સમાન આવી પોળે. 5કાહાકા તુમુહુ તા ઉજવાળા આને દિહુ પોયરે હાય, આપુહુ નાહ રાતી આને નાય આંદારા પોયરે. 6ઈયા ખાતુરે આપુહુ બીજાં સારકા હુવતા નાય રેજી, પેન જાગતા આને સાવધાન રેજી. 7કાહાકા લોક રાતી વાદારે હુવતાહા, આને વાદારેકીને જે માતવાલા હાય તે રાતીજ પીતાહા. 8પેન આપુહુ જે દિહુ હાય, વિશ્વાસ આને પ્રેમુલે એક ઢાલુ સમાન હાય પોવી લેઅ જે રક્ષા કેહે આને ઉદ્ધારુ આશા ટોપ પોવીને સાવધાન રેઅ. 9કાહાકા પરમેહેરુહુ આપનેહે તીયાકી ક્રોધ વેઠા ખાતુરે નાહ પસંદ કેયા, પેન આપનેહે પોતા પ્રભુ ઇસુ ખ્રિસ્તુ મારફતે ઉદ્ધાર મિલવા ખાતુરે પસંદ કેયાહા. 10ખ્રિસ્ત આપુ ખાતુરે ઈયા માટે મોયો કા આપુહુ કાદાચ મોય ગીયા વેરી કા તીયા આરી સાદા જીવન વિતાવજી. 11ઈયા ખાતુરે એકબીજાલે સાંત્વના આપા, આને એકબીજાલે વિશ્વાસુમે મજબુત કેરા, જેહેકી કા તુમુહુ કેતાહા બી.
મંડળીલે ઉપદેશ
12ઓ વિશ્વાસી પાવુહુ, આમુહુ તુમનેહે વિનંતી કેતાહા કા જો પ્રભુ ઇસુ ખ્રિસ્તુમે તુમા આગેવાન હાય, આને તુમા વોચ્ચે મેહનત કેતાહા, આને તુમનેહે હિક્વુતાહા તીયાં આદર કેરા. 13જો કાય તે તુમા ખાતુરે કેતાહા, ઇ જાંયને તીયાં ખુબ આદર કેરા આને પ્રેમ કેરા, આને આપસુમે મેલ-મિલાપુકી રેજા. 14ઓ મેરાલાહા, આમુહુ તુમનેહે વિનંતી કેતાહા એહેડા લોકુહુને ચેતવણી આપા જે આલ્યાહા હાય, આને બીનારાહાને હિંમત આપા, આને વિશ્વાસુમે કમજોર હાય તીયાહાને તીયાં મદદ કેરા, આને બાદા આરી સહનસીલતાકી વેહવાર કેરા. 15ઇ ધ્યાન રાખા કા કેડો બી તુમા આરી ખોટાય નાય કે, તા બદલામે તીયા આરી ખોટાય માઅ કેરાહા, પેન સાદા એકબીજા આને બાદા ભલાય કેરા કોશિશ કેરા. 16સાદા ખુશ રેવુલો. 17સાદા પ્રાર્થના કેરા. 18દરેક પરિસ્થિતિમે ધન્યવાદ કેરા, કાહાકા તુમા માટે ઇસુ ખ્રિસ્તુમે પરમેહેરુ એજ ઈચ્છા હાય. 19પવિત્રઆત્મા કામુલે માઅ રોકાહા. 20ભવિષ્યવક્તા આખલી ગોઠીહીને ખારાબ માઅ હોમજાહા. 21બાદી ગોઠીહીને પારખા, ઇ જાંણા ખાતુરે કા કેલ્લી ગોઠ હાચી હાય, આને ગોઠ હાચી હાય તીયુ ગોઠીલે માની લ્યા. 22બાદી ખોટાયુકી દુર રેજા.
આશીર્વાદ
23શાંતિ આપનારો પરમેહેરુજ તુમનેહે પુરી રીતીકી પવિત્ર કે, આપુ પ્રભુ ઇસુ ખ્રિસ્તુ ફાચે આવે તામ લોગુ તુમા આત્મા આને જીવ આને શરીર પુરી રીતીકી નિર્દોષ રેઅ. 24તુમા હાદનારો હાચો હાય, આને તોઅ એહેકીજ કેરી.
25ઓ વિશ્વાસી પાવુહુ, આમા ખાતુરે પ્રાર્થના કેરા.
26બાદા વિશ્વાસી પાવુ-બોયુહુને પ્રેમુકી નમસ્કાર કેરા.
27આંય તુમનેહે પ્રભુ નાવુકી આજ્ઞા આપુહુ, કા ઓ પત્ર બાદા વિશ્વાસી પાવુ-બોયુહુને વાંચીને ઉનાવામે આવે.
28આપુ પ્રભુ ઇસુ ખ્રિસ્તુ કૃપા તુમાપે બોની રેઅ.
Currently Selected:
1 થેસ્સલોનિકીઓ પત્રો 5: DUBNT
Highlight
Copy
Compare
Share
Want to have your highlights saved across all your devices? Sign up or sign in
Dubli (દુબલી) Bible by The Love Fellowship is licensed under Creative Commons Attribution-ShareAlike 4.0 License.
