2 થેસ્સલોનિકા પત્રો 1
1
આભાર
1આપુ બાહકા પરમેહેર આને પ્રભુ ઇસુ ખ્રિસ્તુમે થેસ્લોનિકા શેહેરુ મંડળી વિશ્વાસી લોકુ માટે પાઉલ, સિલાસ આને તિમોથી વેલેને ઓ પત્ર લેખવામે આલોહો. 2આપુ બાહકો પરમેહેર આને પ્રભુ ઇસુ ખ્રિસ્ત તુમનેહે કૃપા આને શાંતિ આપે.
ન્યાયુ દિહ
3ઓ માઅ મેરાલાહા, તુમા વિશે આમનેહે પરમેહેર બાહકા ધન્યવાદ કેરા જોજે આને એહેકી કેરુલો આમા માટે હારો હાય, ઈયા ખાતુરે કા ઇસુ ખ્રિસ્તુપે તુમા વિશ્વાસ ખુબુજ વાદતો જાહે, આને એકબીજા આરી તુમા પ્રેમ ખુબુજ વાદતો જાહે. 4ઈયા ખાતુરે આમુહુ પરમેહેરુ મંડળીમે તુમામે તુમા વિશે ઘમંડ કેતાહા, કા જોતો દુઃખ આને સતાવ તુમુહુ વેઠતાહા, તીયા બાદામે તુમા ધીરજ આને ઇસુ ખ્રિસ્તુમે તુમા વિશ્વાસ દેખાહે. 5તુમુહુ દુઃખે ઉઠાવી રીયાહા ઇંજ તુમનેહે પરમેહેરુ રાજ્યામે વિહુલો યોગ્યો બોનાવી રીયોહો, આને ઇ પરમેહેરુ હાચા ન્યાયુ ખેરી સાબિતી હાય.
6કાહાકા જો હાચો હાય તોંજ પરમેહેર કેરી, તોઅ તીયા લોકુપે દુઃખ લાવી જીયાહા તુમનેહે દુઃખ પોચવુતેહે. 7આને જાંહા પ્રભુ ઇસુ ખ્રિસ્ત પોતા સામર્થી હોરગાદુતુ આરી ધગ-ધગતી આગીમે હોરગામેને આવી સામર્થી હોરગામેને દુતુ આરી ધગ-ધગતી આગીમે હોરગામેને આવી, તાંહા તુમનેહે જે દુઃખ વેઠતાહા આમા આરી શાંતિ આપી. 8આને જે લોક પરમેહેરુલે નાહ જાંતા, આને પ્રભુ ઇસુ ખ્રિસ્તુ હારી સુવાર્તાલે નાહ જાંતા, તીયાહાને શિક્ષા આપી. 9તે લોક પ્રભુ આને તીયા મહિમાકી દુર વી જાય. આને પરમેહેર તીયાહાને એહેડો દંડ આપી, કા તે સાદા માટે નાશ વી જાય. 10એ ગોઠયા તાંહા વેરી, જાંહા પ્રભુ ઇસુ ખ્રિસ્ત પોતા પવિત્ર લોકુ આદર આને મહિમા મિલવા ખાતુરે ફાચે આવી. તીયા સમયુલે તુમુહુ બી તીયામે શામિલ રીહા, કાહાકા જો આમુહુ આખલો તીયાપે તુમુહુ વિશ્વાસ કેયોહો. 11ઈયા ખાતુરે આમુહુ સાદા તુમા માટે પ્રાર્થના બી કેતાહા, કા પરમેહેર તુમનેહે તીયા જીવનુ યોગ્યો બોનાવી દેઅ, જીયાલે જીવા ખાતુરે તુમનેહે હાધ્યાહા. આને બાદે ભલાયુ કામે કેરુલો ઈચ્છાકી આને વિશ્વાસુકી કેલા બાદા કામુહુને તોઅ પોતા સામર્થુકી પુરો કેરી. 12આમુહુ એ પ્રાર્થના કેતાહા, કા આપુ પરમેહેર આને પ્રભુ ઇસુ ખ્રિસ્તુ કૃપા અનુસાર, આપુ પ્રભુ ઇસુ ખ્રિસ્તુ નાવ તુમામે મહિમા પામે આને તુમુહુ તીયામે મહિમા પામા.
Currently Selected:
2 થેસ્સલોનિકા પત્રો 1: DUBNT
Highlight
Copy
Compare
Share
Want to have your highlights saved across all your devices? Sign up or sign in
Dubli (દુબલી) Bible by The Love Fellowship is licensed under Creative Commons Attribution-ShareAlike 4.0 License.