चुन्ल आर भेज्ल चेलासब 12
12
हेरोद राजाकेद्वारा सतावट
1इहे समयमे हेरोद राजा मण्डलीके कुछु आदमीसिके दुःख दियैके लिए बन्दी बनैल्कै। 2ऊ चुन्ल आर भेज्ल चेला यूहन्नाके भैय्या याकूबके तलवार ल्याके जान मरवैल्कै। 3ऊसब जब यी देखल्कै कि यी बातसे यहूदी आदमीसब खुश भेलै छे, तब ऊसब पत्रुसके भी पक्डल्कै। यी घटना अखमिरी रोटीके पावन समयमे भेलै रहे। 4हेरोद राजा पत्रुसके गिरफ्तार करिके जेलमे कैद करिदेल्कै आर निस्तार पावनके बाद ओकरा जनताके समनामे आनैके विचार करिके ओकर पहरा करैके लिए सिपाहीके चारटा टोलीके जिम्मा लग्या देल्कै। 5पत्रुसके जेलमे बहुते दिन राख्ल गेलै, मगर ओकर लिए मण्डली पुरा मनसे परमेश्वरसे प्रार्थना कर्ते रहै।
6हेरोद राजा पत्रुसके विरुद्धमे मुकदमा चलाबेवाला दिनसे एक दिन पहेला पत्रुस दीटा सिक्कड ल्याके बान्हल अवस्थामे दीटा सिपाहीके बीचमे सुत्ल रहै। आर सिपाहीसब जेलके फाटकमे खडा भ्याके पहरा देते रहै। 7अचानक प्रभुके एकटा स्वर्गदूत पत्रुसके बगलमे दिखाई पड्लै, आर ओकर कोठरीमे उजेत चम्कलै। स्वर्गदूत पत्रुसके पाँजरमे हातसे मारिके जगैल्कै आर कहैल्कै, “जल्दी उठ्।” तब सिक्कडसब ओकर हातसे खुलिके गिर्लै। 8स्वर्गदूत ओकरा कहैल्कै, “कपडा पिन्ह आर जुत्ता पिन्ह।” तब ऊ ओहिने कैल्कै। ऊ ओकरा कहैल्कै, “चद्दर ओढिके हमर पाछु-पाछु या।” 9तब ऊ निक्लीके ओकर पाछु-पाछु लाग्लै। स्वर्गदूतसे कैल काम सच्कोरे छै कहिके ओकरा पते नैचल्लै। मगर हमे दर्शन देखैछियै कहिके ऊ सोचल्कै। 10तब ऊसब पहेला आर दोसर पहरा पार करिके लुहाके फाटक लगत पहुँचलै जे सहरमे खुल्ते रहै ते, उटा फाटक अपने आप खुली गेलै आर ऊसब बाहार निक्ली गेलै। जब ऊसब गल्लीके पार करि लेल्कै, एतनेंमे स्वर्गदूत पत्रुसके छोडिके चल गेलै। 11जब पत्रुसके सुध-बुध लौट्लै तब ऊ कहैल्कै, “आब हमरा सच्कोरे मालुम भेलै, कि प्रभु आपन स्वर्गदूत भेजिके हेरोद राजाके शक्तिसे आर यहूदी आदमीसिके अगुवासब जे करैले चहते रहै ऊ सभैसे हमरा छुटकारा देल्कै।”
12परमेश्वर ओकरा उद्धार कैल बात महसुस करिके, पत्रुस ऊ मर्कूसके मयाँ मरियमके घरमे गेलै। ओत्ते बहुते विश्वासीसब जमा भ्याके प्रार्थना कर्ते रहै। 13ऊ जब केबाड खटखटैल्कै रोदा नामके नोकरनी केबाड खोलैले ऐलै। 14पत्रुसके आवाज चिन्हलके बाद ऊ खुशी भ्याके केबाडे नैखोलिके भितर दौड्ते गेलै, आर पत्रुस केबाडीमे खडा छै कहिके खबर देल्कै। 15मगर ऊसब ओकरा कहैल्कै, “तुहें पागल छैं।” मगर ऊ जिद्दी करिके कहैल्कै, “हौं, ऊ पत्रुस ही छै।” ऊसब कहैल्कै, “तब ऊ पत्रुसके देखभाल करेवाला स्वर्गदूत हैतै।” 16मगर पत्रुस केबाड खटखटैते रहलै। केबाड खोल्लके बाद ओकरा देखिके सभेको चकित भेलै। 17ऊ चुप हु कहिके हातसे इशारा कैल्कै आर प्रभु ओकरा केरंके जेलसे निकाल्लकै कहिके ओकरासिके बतैल्कै। यी बातके समाचार याकूब आर दोसर भ्यासिके दिहैं कहिके ऊ बिदा भ्याके दोसरे जगहमे चल गेलै।
18उजेत भेलके बाद पत्रुस कते गेलै कहिके जेलके सिपाहीसिके बीचमे बडका हलचल मच्लै। 19हेरोद राजा सिपाहीसिके पत्रुसके खोजी करैके हुकुम देल्कै, मगर ऊ नैभेटलै। तब हेरोद राजा सिपाहीसिके पुछ-ताछ कैल्कै आर जब ऊसब हेरोद राजाके कोनो जबाब दिए नैसकल्कै तब ऊ सिपाहीसिके मौतके सजाय देल्कै आर हेरोद राजा यहूदिया प्रदेशके छोडिके कैसरिया सहरमे जैके कुछु समयके लिए रहे लाग्लै।
हेरोद राजाके मौत
20हेरोद राजा टुरोस आर सिदोनके आदमीसिके संगे बहुते गोसैल रहै। तब उटा सहरके आदमीसब एक दल भ्याके हेरोद राजाके भेट करैले पहुँचलै। सभैसे पहेला ऊसब राजाके मुख्य कर्मचारी बलस्तससे सहायता माँगल्कै। तब ऊसब हेरोद राजासे शान्ति माँगल्कै कहिनेकी ओकरसिके खाना-पिनाके चीजसब हेरोद राजाके देश ही ऐते रहै। 21हेरोद राजा उटा सहरके आदमीसिसे भेट करैके लिए एकटा दिन तय कैल्कै। उहे दिन हेरोद राजा आपन राजसी वस्त्र पिन्हीके फैसला करैके लिए आपन सिंहासनपर बैठ्लै आर ओकरसिके समनामे भाषण दिए लाग्लै। 22भाषण सुनिके आदमीसब जोर-जोरसे तारिफ करे लाग्लै, “यी ते आदमीके नै ईश्वरके बोली छै।” 23एरंके हेरोद राजा परमेश्वरके आदर नैदियैके कारणसे अचानक प्रभुके एकटा स्वर्गदूत ओकरा प्रहार कैल्कै आर ऊ पिल्लु फरिके मरि गेलै।
24परमेश्वरके वचन लगातार फैल्ले गेलै आर विश्वासीसिके संख्या लगातार बढले गेलै। 25यहूदिया प्रदेशमे भेल यहूदी विश्वासीसिके सहायता करैके लिए पैसा दियैके बाद, बरनाबास आर शाउल यरूशलेम सहरसे एन्टीओखिया सहरमे वापस ऐलै। मर्कूस भी ओकरसिके संगे रहै।
Currently Selected:
चुन्ल आर भेज्ल चेलासब 12: KYVNT
Highlight
Share
Compare
Copy
Want to have your highlights saved across all your devices? Sign up or sign in
Kayort (केवट) Bible by The Love Fellowship is licensed under Creative Commons Attribution-ShareAlike 4.0 License.
