२ कोरिन्थी 6
6
1परमेश्वरका सहकर्मी भया हुनाले हाम तमनलाइ बिन्ति अद्दाउ, कि उनरो अनुग्रह व्यर्थ हुन जन दिय। 2क्याकि पबित्र सास्त्रमि परमेश्वरले भण्नाहान
ग्रहणयोग्य समयमि मइले तमरो पुकार सुण्या
रे मुक्तिका दिनमि मइले तमनलाइ सहायता अर्या।
सुण, ग्रहणयोग्य समय अइल हो, मुक्तिको दिन अइल हो।
पावलको संकष्ट
3परमेश्वरका साजेदारका रुपमि, हामरा सेवामि दोस जनमिलौ भणबर हाम कसइका मार्गमि बाधाको कारण बन्नाइन। 4तर यिन सब कुरणीमि हाम परमेश्वरका सेवकन हौ भण्न्या धेकाउनाउ, धैर्यतासित कष्ट, कठिनाइ, आपत बिपद सइबर, 5कुटाइ पिटाइमि, कैदमी, हुलदङ्गमि, परिश्रममि, उनिलो बस्स्या बेलामि, भोकमि, 6सुद्दतामि, ज्ञानमि, धैर्यतामि, दयामि, पबित्र आत्माका अगुवाइमी, साँचो प्रेममि, 7सत्य बोलिमि, रे परमेश्वरको सक्तिमि। हाम धार्मिकताको तरिका प्रयोग अरिबर आफ्नो प्रसंसा अददाउ, जो दाइन हात रे बाँउ हातका हतियार जसा छन। 8मान्सनले हामरो प्रसंसा अरन्ज्या अथवा तिननले हामलाइ घृणा अरन्ज्या, मान्सनले औरलाइ हाम ननिका छौ भणन्ज्या, अथवा निका छौ भणन्ज्या। हाम इमानदार छौ, तर तिननले भण्नाहान कि हाम झुटा छौ। 9कसइले हामलाइ सुपरिचित माण्या लगइ कसइले हामलाइ अपरिचित मान्स माणनाहान। मर्या जसा भया लगइ बाँच्याछौ, सजाय पाया लगइ मारिया आथिन। 10हामलाइ भौत दुःख भया लगइ सदाइ खुशी छौ। हाम गरिब भया लगइ भौतलाइ आत्मिक धनि बनाउनाउ। केइ नभया जसा भया लगइ सब चिज छ।
11कोरिन्थी सहरका बिश्वासिन हो, हामले तमनलाइ प्रष्टइ भणिदिया छौ हामरा हृदयमि तमरा निउति ठाउँ छ। 12हामले तमनकीलाइ आफ्नो प्रेम लुकाया आथिन। बरु तमनले हामकिलाइ आफ्नो प्रेम लुकाया छौ। 13आब यइका सट्टामी म आफनाइ बालखसित जसेरि भण्नउ, कि तमनले लगइ आफना हृदयले प्रेम अर।
बिश्वासि रे अबिश्वासी
14अबिश्वासिनसित साजेदार जन होउ। क्याकि धर्म रे दुष्ट काम बिचमि केइ मेल आथिन अथवा अनारासित उज्यालाको केइ सम्बन्ध आथिन। 15ख्रीष्ट सैतानसित सहमत हुन सक्दाइन। अथवा ख्रीष्टमी बिश्वास अद्दया ख्रीष्टमी बिश्वास नअद्दया सित सहमत हुन सक्दाइन।
16परमेश्वरको मन्दिरमि मुर्तिकी निउति केइ स्थान हुनइन, रे हाम जिबित परमेश्वरका मन्दिर हौ, जसेरि परमेश्वरले पबित्र सस्त्रामि भण्या छ,
म तिनन मान्सनमि बास अद्द्या हु, रे तिनरा बिचमि हिडडुल अद्द्या हु,
रे म तिनरा परमेश्वर हुन्या हु
रे तिनन मेरा प्रजा हुन्या हुन।
17तबइकिलाइ प्रभुले पबित्र सास्त्र बठेइ भण्नाहान, तमन तिनन अबिश्वासीनका बिच बठेइ निकलिबर आस,
रे तिनन बठेइ तमन अलग होउ, परमप्रभु भण्नाहान
असुद्द कुरणी बठेइ टाडा बस,
रे म तमनलाइ ग्रहण अद्दया हु।
18म तमरा पिता हुन्या हु
रे तमन मेरा चेलचेली हुन्या हौ,
सर्वसक्तिमान परमप्रभु भण्नाहान।
Currently Selected:
२ कोरिन्थी 6: DTYNT
Highlight
Copy
Compare
Share
Want to have your highlights saved across all your devices? Sign up or sign in
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.
