Popular Bible Verses from २ कोरिन्थी 6

Share

अबिश्वासिनसित साजेदार जन होउ। क्याकि धर्म रे दुष्ट काम बिचमि केइ मेल आथिन अथवा अनारासित उज्यालाको केइ सम्बन्ध आथिन।

परमेश्वरको मन्दिरमि मुर्तिकी निउति केइ स्थान हुनइन, रे हाम जिबित परमेश्वरका मन्दिर हौ, जसेरि परमेश्वरले पबित्र सस्त्रामि भण्या छ, म तिनन मान्सनमि बास अद्द्या हु, रे तिनरा बिचमि हिडडुल अद्द्या हु, रे म तिनरा परमेश्वर हुन्या हु रे तिनन मेरा प्रजा हुन्या हुन।

तबइकिलाइ प्रभुले पबित्र सास्त्र बठेइ भण्नाहान, तमन तिनन अबिश्वासीनका बिच बठेइ निकलिबर आस, रे तिनन बठेइ तमन अलग होउ, परमप्रभु भण्नाहान असुद्द कुरणी बठेइ टाडा बस, रे म तमनलाइ ग्रहण अद्दया हु। म तमरा पिता हुन्या हु रे तमन मेरा चेलचेली हुन्या हौ, सर्वसक्तिमान परमप्रभु भण्नाहान।

ख्रीष्ट सैतानसित सहमत हुन सक्दाइन। अथवा ख्रीष्टमी बिश्वास अद्दया ख्रीष्टमी बिश्वास नअद्दया सित सहमत हुन सक्दाइन।