MASMUR 12
12
Pertoton mindo penampat
1Masmur Daud.
2Sampati aku TUHAN,
kalak si bujur lanai lit tading
kalak si mehuli ukurna lanai lit i japa pe.
3Kerina kalak melasken cakap la tuhu man kalak si deban.
Salu cakap longgar, si tipun ia.
4O TUHAN, pesinik dilah kalak si percakap longgar!
Sompel babah kalak si ngerana megombang.
5Nina kalak megombang,
“Alu rananta dat kita kai ateta.
Kai siakap mehuli sibelaskenlah
labo lit si ngolangisa.”
6Nina TUHAN, “Tapi genduari reh me Aku,
erkiteken kalak musil enggo itindih dingen kalak si niayak-ayak
kelsehen perban suina.
Kubereken me man bana ketenengen si enggo ndekah iarapkenna.”
7Padan TUHAN terteki kap
sabap tulen bali ras pirak
si enggo pitu kali iane.
8-9Kalak jahat i japa pe lit,
kerina kalak muji-muji kejahaten.
O TUHAN jagai min kami lalap.
Currently Selected:
MASMUR 12: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
