MASMUR 13
13
Pertoton mindo penampat
1I bas Daud nari.
2O TUHAN, asa kai nari dekahna kam lupa man bangku?
Rasa lalap kin?
Kasa kai nari dekahna ibunikenNdu
diriNdu i bas aku nari?
3Asa kai nari dekahna aku nggengken kiniseran?
Asa kai nari dekahna mesui pusuhku suari ras berngi?
Asa kai nari dekahna aku italuken imbang-imbangku?
4O TUHAN Dibatangku, perdiateken aku, begikenlah pertotonku.
Bere gegeh man bangku ola pelepas mate aku.
5Ola pediat musuh-musuhku ngerana, “Enggo sitaluken ia.”
I bas perjurembatku, ola pelepas puas iakapna.
6Ernalem aku ku bas keleng ateNdu si tetap.
Meriah ukurku perbahan ipulahiNdu aku.
O TUHAN rende aku man banNdu.
Sabap lalap mehuli perbahanNdu man bangku.
Currently Selected:
MASMUR 13: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
