หม 96
96
ลอง เฌาพรา อึบ กาดาย
1แตห เอ ต็อห โหมว กามาย อี อืบ เฌาพรา. ดูอี บอกาเฆลียด อี กอย แดง กาดาย, แตห เอ ต็อห โหมว ดี เฌาพรา.
2แตห เอ ต็อห โหมว บอ อืบ มยูก อัน เฌา. ดอน ซีแง ดอน ซีแง, แตห เอ กาลาง ลอง เฌาพรา คยอด อี.
3กาลาง, แตห ดูอี บอกาเฆลียด นับ แคะ ตาง อาพูง ดังโคว อัน เฌา. กาลาง บอ อี หมึอม อาม กาเซา แปะ แฮะ โบง อัน เฌา, แตห ดูอี ดอน โมยว กอ นับ.
4โคว, เฌาพรา แฮะ บอด มยาด กาเซา, แฮะ กาอาบ เอ อืบ อัน เฌา. อึณ แฮะ กาอาบ เอ โยว, เอ โรวเซ เฌาพรา หลึอม อี เฮา โรวเซ เฌา ปี กรึบ เฆ แบน กาดัง แบน กาดัง.
5เฌา ปี กรึบ เฆ ดูอี อาโมยว เฮา บอกาเฆลียด มูห มี อารึบ ราง. อี มูห เฌาพรา อาคาคัร, อัน ยี พาน แตห อึณ มึห เบลณ เฆ ฆางหราว.
6อัน เฌา บอ มึห ปวน เฆ อาพูง ตาง กาเซา. แคง โฮว อี มูห โดง กอย อัน, ปวน อัน บอ อาโรง อัน แฮะ ลึห ซีคยา.
7อึย เบ ดูอี อี กอย แดง กาดาย บอกาเฆลียด, แตห เอ อืบ เฌาพรา. แตห เอ อืบ ปวน อัน บอ อาพูง ดังโคว อัน.
8แตห เอ อืบ เฌาพรา, แตห อึณ กาอาบ แคะ ตาง อาพูง ดังโคว อัน. แตห เอ บอ แรน บอ ปี ดี หลู, ตัห หลู แคง แวง โฮว อัน เฌา.
9แตห เอ อืบ อัน เฌา ดอ ลึห อาพูง ดังโคว อัน ดี เอ. แตห เอ อี กอย แดง กาดาย บอ โยว เฌาพรา.
10แตห เอ บอ แค ดี ดูอี ดอน ฌึร ดอน ครึร ต็อห, “เฌาพรา อี อึบ โตต ดอน โมยว.” แคะ กอย ดอน โมยว แดง กาดาย, อึณ กอย มัน ซีคยา, อาว ฮู ปึอน รัร, อาว ฮู ปึอน ดียูห ดีเยณ. เฌาพรา ดี บอ ซูงพยาด นา มูห นา หมาน ดี ดูอี ดอน อี.
11แตห บอ ฆางหราว บอ กาดาย โคย ดาคึย. บอ อึม นัมมูกซารา บอ โดว ซัดดาวา อี กอย แคง อึม ตี, แตห เฆ ดีงึณ ฮัม ตาง.
12บอ โดง นา บอ โมยว อี กอย แคง โดง นา ดอน โมยว, แตห เฆ บอ โคย ดาคึย. ดอ อัน ตี บอ เฮ เฆ หรัง อี กอย แคง แปร, เฆ ดี บอ ดาคึย ปี ดูอี อี ต็อห โหมว ดาคึย, อืบ เฌาพรา.
13เฆ ดี ต็อห โหมว ดี เฌาพรา โกบ ดี ตัห อัน เฌา. อัน ดี ตัห แตห อัน ปึอน ดี ซูงพยาด อามู ดูอี แดง กาดาย นี. อัน เฌา ดี ซูงพยาด ซืร ซืร, หมาน หมาน ดี ดูอี อี กอย แดง กาดาย นี ดอน อี.
© 2021, Wycliffe Bible Translator, Inc. All rights reserved.