หม 97
97
ลอง เฌาพรา อึบ โตต โมยว อี มึห ปวน
1เฌาพรา มูห อี อึบ โตต ดอน โมยว. เฆ ดูอี อี กอย แดง กาดาย, แตห เฆ ดาคึย. บอ เฆ ดูอี อี กอย แดง ฆูน อึม, แตห บอ เฆ ดาคึย.
2บอ ฆลาย บอ อึณอูะ ว็อง แฮะ กอย โรบ อัน เฌา. อัน เฌา บอ โบง นา หมาน นา หมึอม เซเซ. อึณ ปี อี ซืร อี หมาน บอ อี หมึอม อี โดบ ดารา แฮะ แบน เจณ มาลาง โดง ตูต อัน เฌา.
3เฌาพรา แตห เงา แยต ดี อาต อัน, แตห อึณ กาซึม รันซู อัน อี กอย ดอน นา ดอน โปละ.
4อัน เฌา บอ โบง ปลัะ อึณเปลต, แตห อึณ บลาง แดง กาดาย. อึณ ปี กาดาย ฮี ยึร บอ โยว ดียูห ดีเยณ.
5นอน ดี ลาต ฌึอม ปี บลัม, เซ เฌาพรา อี อึบ โตต ดอน โมยว แดง กาดาย กอย โคบ เฆ.
6ฆางหราว ดี บอ กาลาง แตห อึณ ลึห ลอง น็อห ซืร น็อห หมาน อัน เฌา. บอ อาโมยว ดูอี บอกาเฆลียด, เฆ ดี ยึร อาพูง ดังโคว อัน เฌา.
7อึณ ยี มูห เฆ อี กรึบ อารึบ, เฆ อี น็อห ตาง ดี อารึบ, เฆ ดอน อี ดี หมึอม ซาย. แคะ กอย เฌา อารึบ บอกาเฆลียด ดี วี กรึบ เฌาพรา.
8เฆ ดูอี อี กอย แคง มืง ฌีโอน, เฆ ฮี ยึร ลอง อัน ตี, เฆ ดี บอ โคย. บอ เฆ ดูอี อี กอย แคง อืง ยูดา ดี บอ ดาคึย. โคว, แม เฌาพรา, แม ซูงพยาด อามู อี โดบ ดารา.
9แม เฌาพรา, แม มูห เฌาพรา อี อึบ โตต ดอน โมยว แดง กาดาย นี. แม เฌา แฮะ กาอาบ อืบ มยูก หลึอม เฌา แบน กาดัง แบน กาดัง ปี กรึบ ดูอี เฮา.
10อึย เบ ดูอี อี ร็อก เฌาพรา, แตห เบ นับ ดี กาอีห โมยว ตู บอด ตู หมึอม. อัน เฌา บอ บัร รีด อาซาก เฆ ดูอี อี โดบ ซีคยา อัน. อัน บอ จอย แตห เฆ เลห ตัะ ดูอี มืก.
11เฆ ดูอี อี โดบ ดารา, เฆ ดี ยึร นา บลาง. เฆ อี น็อห ซืร น็อห หมาน, เฆ ดี โบยว ดาคึย.
12อึย เบ ดูอี น็อห ซืร น็อห หมาน, แตห เบ ดาคึย โดบ เฌาพรา, แตห เบ อืบ อัน เฌา อี บอด กาเซา.
© 2021, Wycliffe Bible Translator, Inc. All rights reserved.