หม 91
91
ลอง เฌาพรา แตห เอ กอย ซีคยา
1ดูอี บึง ซีคยา เฌาพรา อี อึบ โตต ดอน โมยว, อัน ดี ปึอน ดี กอย ซีคยา. โคว, อัน เฌา ดี บัร รีด อาซาก อัน.
2โอว บอ ต็อห ดี เฌาพรา, “แม เฌา มึห โดง ดี ปึอน โอว เครียง. แม เฌา มึห โดง ดี ปึอน โอว กอย ซีคยา. แม มูห อัน เฌา ปี บึง โอว.”
3อัน เฌา ดี แตห แม ลอด แคง ยอต ปี ดีณ อี เฮา. อัน ดี แตห แม ลอด บอ เซา รอฆา ดอน โมยว.
4อัน เฌา ดี บัร รีด แม, แตห อึณ ปี ฆอน มาซีม กอย ครึม เพียง มา อัน. แม ดี บอ กอย ดาคึย โกบ ลึมลา อัน เฌา ดี แม. เฌาพรา ดี โบง นา หมาน นา หมึอม ดี แม เซเซ, แตห อึณ ปี แม มึห มัง ฆ็อง อี แร อี ฆ็อง แม.
5แคง หมึร แม ตู โลว โยว อี ตู หมึอม. บอ กาแต ซีแง แม ตู โลว โยว บลา อัะ ปี บัณ อี.
6บอ รอฆา อี นับ ดี ปยาต อี แคง หมึร, บอ อาเพ อาเร อี นับ ดี แตห อี ชึม ดอ กาแต ซีแง, แม ตู โลว โยว.
7อึณ ปี บอ มึห ดูอี อู แหรณ วี, อี ดี เกห โคบ แม, อึณ ปี บอ มึห ดูอี อู หมึณ วี, อี ดี ยัม บลาก อาอัห แม. มาแล, อึณ ยี ตู ดึร โดว แม.
8แม ดี ปึอน ดี ยึร ปี โบง เฌาพรา ดี เฆ ดูอี มืก. แม ดี บอ ยอด ดอ คัม เฆ หมาบ เฆ.
9เซ แม บึง เฌาพรา, เซ แม บอ กอย รึม โดบ เฌาพรา อี อึบ โตต ดอน โมยว,
10อัน เฌา มืร ตู แตห โมยว อี ตู หมึอม ตัห ฌัม ดี แม. อาเพ อาเร แบน โมยว แบน โมยว แม มืร ตู โลว คัม.
11ดอ ฮาว แม โดบ อึณเตณ, อัน เฌา ดี จัร เฆ อามู อามาด อัน แตห เฆ ลึมลา ยอด ซีคยา แม.
12เฆ ดี หน็อะ บัร แม ตา แด เฆ, แกวะ แตห เปลา แม ตา ดูห ดี มาว.
13แม ดี บอ แณต ฆีณ มาครังซี ฆาย ฆีณ ฮัณ เฆรา. แม ดี บอ ทูทีต ยัม มาครังซี ฆาย มาฮัณ.
14เฌาพรา แฮะ ต็อห ลอง แม, “อัน แฮะ ร็อก โอว. โคว, โอว ดี คยอด อัน. โอว ดี แร ดี ฆ็อง อัน โกบ โฆม อัน ดี โอว.
15ดอ ซาคึร อัน ดี โอว, โอว ดี บอ โทม ปี ซาคึร อัน. ดอ กาดูห อัน ดูก, โอว ดี กอย รึม โดบ อัน. โอว ดี คยอด อัน บอ แตห อัน มึห ซาเร.
16โอว ดี ม็องการา แตห อาซาก อัน โต็ง. โอว ดี คยอด อัน.”
© 2021, Wycliffe Bible Translator, Inc. All rights reserved.