Asi Filipe Ebaanihi
Ebaanihi
Onguundu o ncomi ŋa Eroope o Pole atoosi Ncya e Mve omakaaha onguundu o Filipe, nsta ngaala e Rome e kala (na ntaana mo kwoho olumi). Eki ma opiinga a o jwele e Pole anaani Okuha omo (Ac 16.12-40). Esibi eke eyira, nde oki okini nca ongeneŋe (ake ndi ŋa Efeje, maamo ndi Sesare si kali Rome; Afil 1.7), ntuma oteendi asi Filipe osaangumu ove. Nde asahi ompa bo leve ma apuhi a bo ma tumi na Epafrodite o ntini e nde anku aki nca ampasi. Nde se asahi oyaasa bo mo oka tele bɨla Krisi, bo i ma yuha eyiisihi mo oca oca ma enyuniŋi o mpaniŋi e bo ni.
Ma ebaaniŋi (1.1-11), Pole aswere bɨla o ntini e nde acimiŋa ma akritye a Filipe. Omana ŋa nde oya awobo o maami a nde anku. Mo (1.12-2.30), Pole awobo ma oswere eli o mpaniŋi e nde bɨla asi Filipe. Nde ayaasa bo mo mbari e Njyami.
Mo (3.1-4.9) nde ajiima acwi a baari ma yiriha na anjyami mo oca oca. Baari ove aki nca oduusu, tii ngo ejiihi e Nkʉmu ma antininma lembɨsa.
Pole oma kusuha lemvuuru le kuna o Filipe. Osaagumu o ki nde ateendi co ontini e nde aki mo ongeneŋe ŋa Efeje (baari maamo ndi o Rome). Nde ampa asi Filipe leve mo osuumbu a bo ma yamaŋa nde ma adoro. Nde atuma ancya a nde, nde se aduha bo ma okeese eso Krisi. Epafrodite bɨla Timote ma kusaha bo.
Pole alaha osuumbu a nde ama nyila maami aso ma olwono Krisi (3.9). Nde vwoho ma leku kali, nde ampa Njyami leve mo osuumbu a nde ali mwo mo otooso Ncya e Mve. Nde aduha asi filipe olwono nde, le lesa le maami mva Krisi. Be lekyeli abuha mva baari ma ali bɨla Jesu Krisi (2.5).
Na mbari na lobi, ove saabe leyuhi ombila ndi: «Lemono ove!», oswere ojyaha ma oyalihi.
Ma oselehe oje na vusu
Obari o (2.6-11) ewobo ma lebihi le Krisi, Njyami a jaa jaa bɨla mvuuru a jaa jaa. Nca osaangumu ki se ma wobo o maami ma Adam asi. Mo se ali nca osaangumu Esayi. Maami kuna ma vunuŋa o kari: ekiihi e Njyami mva mvuuru omwo, levusuha le baari ma omwo, leku o yula lembanji na lekʉma nkara yulu.
Currently Selected:
Asi Filipe Ebaanihi: MDT
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES