Kantiga di Salomon 6
6
1Abo, minjer mas bonitu na metadi di utrus,
nunde ku bu amadu bai?
Kal kamiñu ki bai nel
pa no judau buskal?
Noiva
2Ña amadu i bai pa si jardin,
na kanterus di bálsamu,
pa i goza si jardin,
pa i kuji floris.
3Ami#Kap 2.16 i di ña amadu;
ña amadu tambi i di mi.
El i ta sta kontenti na metadi di floris.
Noivu
4Ña amigu, abo i bonitu suma prasa di#Jos 12.24 Tirza,
sabi suma Jerusalen.
meduñu suma tropas ku banderas.
5Tira bu uju na mi;
bu na mbariantan.
Bu kabelu#Kap 4.1-3 i suma koral di kabra
ku na salta pa ria na monti Jilead.
6Bu dintis i suma koral di karnel
ku kumsa labadu.
Kada un tene si jemia;
nin un ka fika el son.
7Bu testa na metadi di kabelu
i suma un padas di roman.
8Rei pudi ten sesenta raiñas, oitenta kumadris,#1 Re 11.1
bajudas ciu tok e ka pudi kontadu,
9ma un son ki ña pumba, sin difeitu,
un son na si mame,
mas amadu di kil ku padil.
Si bajudas ojal, e ta comal sortiadu;
raiñas ku kumadris ta ngabal.
10Es i kin ku parsi suma mandrugada,
bonitu suma lua, ku na lampra suma sol,
meduñu suma tropas ku banderas?
11N bai pa orta di nogera,
pa oja fruta nobu na kobon,
pa N jubi#Kap 7.12 si pe di uva flora,
si pe di roman padi ja.
12Sin N ka spera,
N sinti vontadi di sta na karus
di ña bon pobu.
Kumpañeris
13Riba, riba, o sulamita,
riba, riba, pa no pudi ojau.
Noivu
Ke ku manda bu na jubi pa sulamita
suma kin ku na jubi baju di dus filas?
Currently Selected:
Kantiga di Salomon 6: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
