Kantiga di Salomon 2
2
1Ami N sedu suma un rosa#Is 35.1-2 di Saron,
un liriu#Mat 6.28-29 ku lanta na kobon.
Noivu
2Suma liriu na metadi di fididas,
asin ki ña amadu na metadi di bajudas.
Noiva
3Suma pe di masan na metadi di arvuris di matu,
asin ki ña amadu na metadi di jovens.
N gosta ciu di sinta bas di si#Is 4.6; 25.4; 32.2 sombra;
si fruta i sabi na ña boka.
4I leban pa sala di festa;
si bandera riba di mi i amor.
5Bo fortifikan ku uvas seku,
bo arnoban ku masan,
pabia N na dismaja ku amor.
6Si mon skerda#Kap 8.3 sta bas di ña kabesa;
si brasu direita na barsan.
7N roga bos, minjeris di Jerusalen,
na nomi di gazelas di matu;
ka bo korda,#Kap 3.5; 8.4 nin ka bo ntrumpi amor
te ora ki misti.
8Sukuta! Es i fála di ña amadu.
Ala i na salta pa bin riba di montañas,
i na jukuta riba di montis.
9Ña amadu parsi gazela,
o suma fiju macu di gazela.
Ala i sta tras di no paredi,
i na jubi na janelas,
i na jimpini na grelias.
10Ña amadu papia ku mi, i falan:
“Lanta, ña kiridu, minjer bonitu, lanta bu bin.
11Tempu di friu pasa, cuba bai ja.
12Floris rebenta ja na con;
tempu di kanta ciga;
fãla di pumba na obidu na no tera.
13Figera padi ja si fijusiñus;
pe di uvas e tene ja flor, e na cera sabi.
Ña kiridu, minjer bonitu,
lanta bu bin.”
Noivu
14Ña pumba, ku na yanda na racas di pedras,
na kau di sukundi na ladu di monti,
mostran bu rostu, bu fasin sinti bu fála,
pabia bu fála i sabi, bu rostu i bonitu.
15Bo pañan kabras,
ki kabritus ku ta dana orta di uva,
pabia flor na rebenta ja na pe di uva.
Noiva
16Ña amadu#Kap 6.3; 7.10 i di mi; ami i di sil.
I ta bakia si karnel na metadi di lirius,
17tok bentu fresku#Kap 4.6 di parmaña lanta,
sombra pajiga.
Riba, ña amadu, bu sedu suma#Kap 2.9; 8.14 gazela,
o fiju macu di gazela riba di montis di Beter.
Currently Selected:
Kantiga di Salomon 2: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
