Kantiga di Salomon 1
1
1Kantiga#1 Re 4.32; Is 5.1 di kantigas, ku sedu di Salomon.
Noiva#1.2: Noiva: Nomi di kin ku na papia, suma noiva, noivu, kumpañeris, i ka sta na Biblia ebraiku, ma i pudu li pa tenta judanu ntindi minjor.
2N misti pa bu beẑan ku bu boka,
pabia bu amor i mas minjor#Kap 4.10; 7.9 di ki biñu.
3Bu purfumus ta cera#Jon 12.3; 2 Kor 2.14-16; Fil 4.18 sabi;
bu nomi i suma purfumu ku darmadu;
e ku manda bajudas ta amau.
4Leban ku bo; no ta kuri juntu!
Rei yentrandan na si kuartus.
Kumpañeris
No ta kontenti ku bo, no ta fika alegri;
no ta lembra di bu amor mas di ki biñu.
Jinti ten roson di amau.
Noiva
5Minjeris di Jerusalen, N tene kor sukuru,
N bonitu.
N tene kor sukuru suma tendas di Kedar,
N bonitu suma kurtinas di Salomon.
6Ka bo jubin suma ku N sedu sukuru,
pabia i sol ku keman.
Fijus di ña mame paña raiba di mi,
e pun pa N bisia ortas di uva;
kil ki ña orta N ka pudiba bisial.
7Abo ku N ama di korson,
kontan nunde ku bu ta bakia bu karnel.
Nunde ku bu ta leba elis pa e diskansa na me-dia?
Ke ku manda N na parsi suma kin ku yara ku kamiñu,
N na yanda-yanda pertu di karnel di bu kumpañeris?
Noivu
8Abo, minjer mas bonitu di ki tudu, si bu ka sibi,
sai, bu bai tras di pe di karnel,
bu bakia bu kabras pertu di tendas di bakiaduris.
9Ña amadu, N parsintiu
suma un di kabalus femia#2 Kron 1.16-17 di karus di Faraó.
10Bu rostu, na metadi di bu fajamentus, i bonitu,
ku bu garganti ku fius.
11No na fasiu fajamentu di uru
ku prata jagasidu.
Noiva
12Kontra rei staba na mesa,
ceru di ña purfumu inci kau.
13Ña amadu i sedu pa mi suma un ramu di mira
na metadi di ña pitu.
14Ña amadu i sedu pa mi suma un kanteru di floris
ku ta cera sabi na ortas di uva di#Jos 15.62 En-Jedi.
Noivu
15Abo i bonitu, ña amadu.
Abo i bonitu; bu ujus ta lampra suma di pumbas.
Noiva
16Ña amadu, bu bonitu, bu simpatiku.
Paja verdi na sedu no kama.
Noivu
17Sedrus na sedu suma asna di no kasa;
no kankra sedu madera di sipresti.
Noiva
Currently Selected:
Kantiga di Salomon 1: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
