Numerus 3
3
Fijus di Aron
1Es i familia di Aron#Sai 6.20 ku Moisés, na tempu ku Deus papia ku Moisés na monti Sinai. 2Nomis di fijus di Aron#Sai 6.23; 28.1; 1 Kron 6.3; 24.1 e seduba Nadab, ku padidu purmeru, Abiu, Eleazar ku Itamar. 3Ki fijus di Aron e unjidu pa sedu#Sai 28.41; 40.12-16; Sir 8; 9 saserdotis; se mon dedikadu pa fasi sirvis di saserdoti, 4ma Nadab ku Abiu muri dianti di SIÑOR, oca ke leba fugu si dianti, fora#Kap 26.61; Sir 10.1-2; 1 Kron 24.2 di lei, na lala di Sinai; e ka teneba fijus. Eleazar ku Itamar e sirbiba suma saserdotis lungu di se pape Aron.
Levitas ten ku juda saserdotis
5SIÑOR fala Moisés: 6“Ciganta jorson di#Kap 1.47-53; 8.6-26; 16.9-10; 18.2-6; Sai 32.25-29; Lei 10.8; 1 Kron 23.28-32; 26.20-28 Levi, bu pursenta elis dianti di saserdoti Aron, pa e pudi sirbil. 7E ten ku judal, e juda tudu pobu tambi dianti di tenda di juntamentu, manera ke na fasi sirvis la na tenda. 8E na toma konta di tudu ekipamentu di tenda di juntamentu, e na tarbaja la na konta di fijus di Israel. 9Asin bu na da levitas pa Aron ku si fijus; e tiradu na metadi di fijus di Israel pa pudi dedikadu pa elis, 10ma bu na pui Aron ku si fijus pa e fasi sirvis di saserdoti.#Kap 18.7 Utru algin ku ciga pa fasi ki sirvis ten ku matadu.”
11SIÑOR fala Moisés: 12“N toma levitas na metadi di fijus di Israel pa e sta na lugar di tudu purmeru fijus#Kap 3.41,45; Sai 12.29; 13.2,12-15; Sir 27.26 di minjeris di Israel. Levitas e sedu di mi, 13pabia tudu purmeru fiju i di mi. Disna di ki dia ku N mata tudu purmeru fijus na tera di Ejitu, N marka pa mi tudu purmeru fiju na Israel, di omi o di limaria; e na sedu di mi. Ami N sedu SIÑOR.”
Numeru di levitas
14SIÑOR papia ku Moisés na lala di Sinai, i falal: 15“Fasi konta di levitas, konformi familias di se papes, bu reẑista kada macu di idadi di un mis#Kap 26.62 o mas.” 16Asin Moisés fasi konta delis, konformi ordi ku SIÑOR dal.
17Nomis di fijus di Levi#Kap 26.57-58; Sai 6.16-19; Jos 21; 1 Kron 6.1,16-47; 15.5-7 i Jerson, Koat ku Merari.
18Nomis di fijus di Jerson#Kap 3.21; 1 Kron 23.7-11; 26.21 i Libni ku Simei.
19Fijus di Koat#Kap 3.27; 1 Kron 23.12-13,18-20 i Anran, Izar, Ebron ku Uziel.
20Fijus di Merari#Kap 3.33; 1 Kron 23.21-23; 24.26-30 i Mali ku Musi. Na jorson di levitas esis e seduba papes di familias ku tene se nomis.
21Jorson di Jerson tene familias di libnitas ku simeitas. 22Numeru di macus di idadi di un mis o mas ku kontadu i 7.500. 23Jersonitas ten ku pui se tendas tras di tabernakulu, pa kaida di sol. 24Ŝef di jorson i seduba Eliasaf, fiju di Lael. 25Kargu di fijus di Jerson#Kap 4.24-28; 7.7; 10.17; Sai 26.1-14,36-37; 36.8-19,37-38; 40.19,28 na tenda di juntamentu i seduba pa toma konta di tenda ku si kubertura, ku kurtina na entrada, 26ku kurtinas di kintal#Sai 27.9-16; 35.18 ku ta rodia tenda ku altar, suma tambi kordas, ku tudu sirvis ligadu ku ki kusas.
27Jorson di Koat tene familias di anramitas, izaritas, ebronitas ku uzielitas. 28Numeru di macus di idadi di un mis o mas ku kontadu i 8.600. E tenba konta di santuariu. 29Familias di Koat tenba ku pui se tendas na ladu di sul di tabernakulu. 30Ŝef di jorson i seduba Elizafan, fiju di Uziel. 31Se kargu#Kap 4.4-15; 7.9; Sai 25.10-40; 26.31-33; 27.1-8; 30.1-10; 37 seduba pa toma konta di arka, mesa, kanderu, altaris, ku vasus ku ta usadu pa sirvis di santuariu, ku kurtina di kau mas sagradu, ku tudu sirvis ligadu ku ki kusas.
32Ŝef riba di tudu ŝefis di levitas i seduba#Kap 4.16; 20.25-28 Eleazar, fiju di saserdoti Aron. I tenba konta di kilis ku teneba sirvis na santuariu.
33Jorson di Merari tene familias di malitas ku musitas. 34Numeru di macus di idadi di un mis o mas ku kontadu i 6.200. 35Ŝef di jorson di Merari i seduba Zuriel, fiju di Abiail. E tenba ku pui se tendas na ladu di norti di tabernakulu. 36Kargu di fijus di Merari i seduba taguas di#Kap 4.29-33; 7.8; Sai 26.15-29,32,37; 27.9-19; 35.11,18; 36.20-38; 38.17-20; 39.33 tabernakulu, ku si varas, si firkijas ku pes ke ta mitidu nel, tudu si ekipamentu, ku tudu sirvis ligadu ku ki kusas, 37suma tambi firkijas na roda di kintal ku pes ke ta mitidu nel, stakas ku kordas.
38Moisés ku Aron ku se fijus tenba ku pui se tendas dianti di tabernakulu na ladu di saida di sol. E staba nkargadu pa toma konta di santuariu, na konta di fijus di Israel. Kualker utru algin ku ciga pertu di santuariu ten ku matadu.
39Numeru di tudu macus di levitas di idadi di un mis o mas ku Moisés ku Aron fasi konta delis na se familias, konformi ordi di SIÑOR, i seduba 22.000.#Kap 26.62
Levitas bai na konta di purmeru fijus
40SIÑOR fala Moisés: “Fasi konta di tudu macus di fijus di Israel ku sedu purmeru fijus di se mames, di idadi di un mis o mas, bu reẑista se nomis. 41Ami ku sedu SIÑOR. Toma levitas pa mi na konta di tudu purmeru fijus#Kap 3.12,45; Kap 8.5-22 di Israel, bu toma tambi limarias di levitas na konta di tudu limarias di Israel ku sedu purmeru fijus di se mames.”
42Moisés obdisi ordi di SIÑOR, i fasi konta di tudu purmeru fijus di israelitas. 43Numeru di tudu purmeru fijus reẑistadu, di idadi di un mis o mas, i seduba 22.273.
44SIÑOR fala Moisés: 45“Toma levitas na konta di tudu purmeru fijus di Israel, ku limarias di levitas na konta di se limarias. Levitas na sedu di mi; ami i SIÑOR. 46Suma ku numeru di purmeru fijus di Israel i mas di ki numeru di levitas, ki 273#Kap 3.39,43 ku sobra e ten ku kumpradu. 47Bu pudi toma sinku mueda#Kap 18.15-16; Sir 27.6 di prata pa kada un, 48bu da Aron ku si fijus ki diñeru ku sobra di ki israelitas ku kumpradu.” 49-50Asin Moisés toma ki diñeru na mon di purmeru fijus di Israel, na konta di kilis ku kumpradu, ku sedu ki 273 ku sobraba; ki diñeru rindi 1.365 mueda di prata. 51Moisés da ki diñeru pa Aron ku si fijus, konformi ordi ku SIÑOR dalba.
© 1993-2020, Instituto de Tradução e Alfabetização