Numerus 2
2
Ordi di jorsons na kampamentu
1SIÑOR da Moisés ku Aron e ordis: 2“Fijus di Israel ten ku pui se tendas tudu na roda di tenda di juntamentu, kada kin bas di si bandera,#Kap 1.52 konformi emblema di si familia. 3-9Na ladu di saida di sol, kilis ku sta bas di bandera di kompañia di Judá e na pui tendas konformi se jorsons, kada jorson ku si ŝef, de manera:
| Di Judá, | ŝef Naason, fiju di Aminadab | 74.600 |
| di Isakar, | ŝef Netanel, fiju di Zuar | 54.400 |
| di Zebulon, | ŝef Eliab, fiju di Elon | 57.400 |
| Total | 186.400 |
Kompañia di Judá na marŝa purmeru.
10-16“Na ladu di sul, kilis ku sta bas di bandera di kompañia di Ruben ena kampa konformi se jorsons, ku se ŝefis, de manera:
| Di Ruben, | ŝef Elizur, fiju di Sedeur | 46.500 |
| di Simeon, | ŝef Selumiel, fiju di Zurisadai | 59.300 |
| di Gad, | ŝef Eliasaf, fiju di Deuel | 45.650 |
| Total | 151.450 |
Kompañia di Ruben na sedu sugundu ku na marŝa.
17“Dipus de dus kompañia, levitas na marŝa ku tenda di juntamentu. Konformi manera ke kampa, asin ke na marŝa, kada kompañia na si lugar, ku si bandera.
18-24“Na ladu di kaida di sol kilis ku sta bas di bandera di kompañia di Efrain e na kampa konformi se jorsons, ku se ŝefis, de manera:
| Di Efrain, | ŝef Elisama, fiju di Amijud | 40.500 |
| di Manasés, | ŝef Gamaliel, fiju di Pedazur | 32.200 |
| di Benjamin, | ŝef Abidan, fiju di Jideoni | 35.400 |
| Total | 108.100 |
Kompañia di Efrain na marŝa na terseru lugar.
25-31“Na ladu di norti, kilis ku sta bas di bandera di kompañia di Dan ena kampa konformi se jorsons, ku se ŝefis, de manera:
| Di Dan, | ŝef Aiezer, fiju di Amisadai | 62.700 |
| di Aser, | ŝef Pajiel, fiju di Okran | 41.500 |
| di Naftali, | ŝef Aira, fiju di Enan | 53.400 |
| Total | 157.600 |
Kompañia di Dan na marŝa na ultimu lugar, ku si bandera.”
32Asin fijus di Israel e kontadu konformi familias di se papes. Tudu omis ku kontadu na kompañias ku jorsons e seduba 603.550.#Kap 1.46 33Suma ku SIÑOR da Moisés ordi, levitas e ka kontaduba juntu ku utru israelitas.#Kap 1.47-49
34Fijus di Israel fasi tudu konformi ordis ku Deus da Moisés.#Kap 1.54 Asin ke kampa, bas di se banderas; asin tambi ke marŝa,#Kap 10.28; 24.2; Mar 6.39-40; 1 Kor 14.40 kada kin konformi si jorson ku si familia.
© 1993-2020, Instituto de Tradução e Alfabetização