Mateus 8
8
Kura di un omi ku teneba mpincu
(Mar 1.40-45; Luk 5.12-14)
1Oca Jesus ria na monti, manga di jinti#Kap 5.1; Mar 3.7; Luk 14.25 na binba si tras. 2Un omi ku tene duensa di mpincu#Sir 13.45-46; Luk 17.12-19 bai finka juju si dianti, i falal: “Siñor, si bu misti, bu pudi limpan.” 3Jesus distindi#2 Re 5.11 mon, i tokal, i falal: “N misti; fika#Mar 4.39; 5.41; 7.34; 9.25; Luk 7.14; Jon 11.43 limpu!” Na ki ora omi fika kuradu di mpincu. 4Jesus falal: “Jubi, ka bu konta#Kap 9.30; 12.16-19; 17.9; Mar 5.43; 7.36 ningin, ma bai pa saserdoti, bu mostral#Sir 13.2; 14.2; Luk 17.14 bu kurpu, bu da Deus oferta ku Moisés manda, pa i pudi sirbi elis di tustumuñu kuma bu sta kuradu.”
Kura di kriadu di kapiton
(Luk 7.1-10)
5Oca Jesus ciga na Kafarnaun, i bai pa el un kapiton#Kap 27.54; At 10.1 di tropa romanu, i fasil e pididu: 6“Siñor, ña kriadu dita na kasa duenti tok i ka pudi bulbuli kurpu; i na sufri ciu.” 7Jesus falal: “N na bai kural.” 8Kapiton ruspundil: “Siñor, ami N ka mersi#Kap 3.11; Luk 15.19,21 pa Ñu yentra na ña kasa; basta son Ñu papia#Num 20.8; Sal 33.9; 107.20; Mar 1.25-27 un palabra, pa ña kriadu fika kuradu. 9Ami tambi i un omi ku sta bas di otridadi; N tene soldadus bas di ña ordi; si N fala#Mar 4.39-41; Luk 4.35-36,39 es: ‘Bai!’ i ta bai. Si N fala utru: ‘Bin!’ i ta bin; si N fala ña kriadu: ‘Fasi asin!’ i ta fasil.”
10Jesus kaba obi ki palabra, i dimira, i rabida i fala jinti ku na binba si tras: “Na bardadi, N na konta bos, N ka oja ningin na Israel ku fe garandi suma es. 11N na konta bos kuma, manga di jinti na bin di saida#Kap 24.31; Luk 13.28-29; 14.23-24; Apok 7.9-10 ku kaida di sol, e na sinta na mesa ku Abraon, Isak ku Jakó, na renu di seu, 12ma jinti ku pertensi renu e na botadu fora#Kap 7.22-23; 13.42,50; 21.43; 22.11-13; 25.30; Jud 13 na sukuru, nunde ke na cora, e ñeme dinti.”
13Dipus, Jesus fala ki kapiton: “Bai; suma ku bu fia, asin#Kap 9.29-30; 15.28 ki na sedu ku bo.” Na ki mesmu ora si kriadu kuradu.
Jesus kura manga di jinti
(Mar 1.29-34; Luk 4.38-41)
14Jesus yentra na kasa di Pedru, i oja mame di minjer di Pedru ditadu ku febri. 15I tokal#Kap 20.34; Mar 1.41 na mon; na ki ora febri sai nel; i lanta i sirbi elis.
16Di tardi e tisi Jesus manga di jinti ku teneba dimoniu. Jesus papia un palabra, i serka dimonius na ki jinti, i kura tudu duentis, 17pa i pudi fasidu kil ku anunsiadur Isaias#Is 53.4 fala:
“I karga no frakesa; i leba no duensa.”
Sigi Jesus
(Luk 9.57-62)
18Jesus oja manga di jinti rodial, i da ordi pa si disipulus kamba ku el pa utru banda. 19I bin pertu del un pursor di lei, i falal: “Mestre, N na bai#Luk 22.33 bu tras te na kau ku bu na bai.” 20Jesus falal: “Timbas tene se koba, kacus#Sal 84.3; 104.17 di seu tene se niñu, ma Fiju di omi ka tene kau#Luk 2.7,12,16; 2 Kor 8.9 di ngosta kabesa.”
21Utru di si disipulus pidil: “Siñor, disan purmeru pa N bai ntera ña pape.” 22Jesus falal: “Sigin, bu disa mortus ntera se mortus.”
Jesus kalma mar
(Mar 4.35-41; Luk 8.22-25)
23Jesus kamba na barku; si disipulus tambi bai ku el. 24I bin lanta un garandi turbada#Kap 14.24-33 na mar; kuas maron na kubriba barku, ma Jesus ditaba, i na durmi. 25Si disipulus bai kordal, e falal: “Salbanu, Siñor, pabia no na muri!” 26Jesus punta elis: “Pabia di ke ku bo sta ku medu, omis di puku fe?” Dipus i lanta, i raprindi bentu ku maron; logu tudu keta yem. 27Ki omis dimira,#Kap 15.31 e punta: “Es i kal koldadi omi? Te bentu ku mar ta obdisil!”
Dus omi ku tene dimonius
(Mar 5.1-20; Luk 8.26-39)
28Oca e ciga na utru banda, na tera di gadarenus, dus omi ku tene dimonius sai na simiteriu pa bai kontra ku Jesus. E torna brabu tok ningin ka ta osa pasa na ki kamiñu. 29E kumsa na grita de manera: “Ke ku no ten ku bo, Fiju di Deus? Bu bin pa kastiganu antis#2 Ped 2.4; Jud 6 di tempu?”
30Un bokadu lunju di ki kau i staba manga di purku#Sir 11.7; Luk 15.15-16 ku na ferferiba. 31Logu dimonius pidi Jesus e falal: “Si bu na serkanu, mandanu pa ki purkus.” 32Jesus fala elis: “Bo bai.” E sai, e bai yentra na purkus. Purkus kumsa janan na kuri, e ciga na un riada, e kai na mar, e muri fogadu. 33Bakiaduris di purku kuri, e ciga na prasa, e konta tudu e kusas ku pasa ku ki omis ku teneba dimonius. 34Tudu jinti di ki prasa e sai pa kontra ku Jesus. Oca ke ojal, e pidil#At 16.39 pa i sai na se tera.
© 1993-2020, Instituto de Tradução e Alfabetização