Mateus 24
24
Jesus fala kuma kasa di Deus na batidu
(Mar 13.1-2; Luk 21.5-6)
1Oca Jesus na sai na kasa di Deus, si disipulus bai pa el pa e pudi mostral bonitasku#Jon 2.20 di kasa. 2I fala elis: “Bo oja e kusas li tudu? Na bardadi N na konta bos kuma, pedra#1 Re 9.7; Jer 26.9,18; Mik 3.12; Luk 19.44 ka na bin fika riba di ŋutru ku ka na batidu.”
Sufrimentu ku pirsigison
(Mar 13.3-13; Luk 21.7-19)
3Oca i sinta na monti di Olivera, si disipulus bai pa el aparti, e falal: “Kontanu kal tempu ku e kusas na kontisi. Kal sinal ku na mostra kuma bu na bin, kuma mundu na kaba?”
4Jesus ruspundi elis: “Bo toma sintidu pa ka ningin ngana#Jer 29.8; Ef 5.6; Kol 2.8,18; 2 Tes 2.3; 1 Jon 4.1 bos. 5Manga delis na bin#Kap 24.24; Jer 14.14; Jon 5.43 na ña nomi, e na fala kuma elis i Mesias. E na ngana manga di jinti. 6Bo na obi baruju di gera pertu, ku noba di gera lunju, ma ka bo panta, pabia e kusas ten ku kontisi, ma inda i ka fin di mundu. 7Nason na lanta kontra nason, renu kontra renu. I na ten fomi#At 11.28 ku tirmidura di con na manga di kau, 8ma tudu e kusas i suma purmeru dur di partu.
9“Bo na ntregadu#Kap 10.17; Luk 6.22; Jon 15.18-19; At 4.3; 5.40-41; 1 Ped 4.16; Apok 2.10 pa kastigu; e na mata bos. Tudu jinti na odia bos pabia di ña nomi. 10Na ki tempu manga di jinti na disvia, e na falsia#Kap 26.14-16 ŋutru, e na nfastia ŋutru. 11Manga di anunsiadur falsu#Kap 7.15; At 20.29; 2 Ped 2.1 na lanta, e na ngana manga di jinti. 12Manera ku pekadu na kirsi, amor di manga di jinti na fria, 13ma kil ku fika fiel#Kap 10.22; Eb 3.6,14; Apok 2.10 te na fin i ta salba. 14E Bon Noba#Kap 4.23; 9.35; Rom 10.18; Kol 1.6,23 di renu i na kontadu na tudu mundu pa sedu tustumuñu pa tudu rasa. Dipus, fin na ciga.”
Garandi sufrimentu
(Mar 13.14-23; Luk 21.20-24)
15(Kin ku na lei, pa i buska ntindi e kusa.) “Ora ku bo oja na lugar santu ki ‘nujentimenti#Dan 9.27; 12.11 meduñu’ ku anunsiadur Daniel fala del, 16kilis ku sta na Judeia pa e kuri pa montis. 17Kin ku sta riba di kankra pa ka i ria dentru di kasa pa toma un kusa di la. 18Kin ku sta na matu, ka i riba tras pa toma si ropa. 19Koitadi di preñadas, ku kilis ku na mamanta#Luk 23.29 na ki dias! 20Bo ora pa ka bo kurida sedu na tempu di cuba, nin na dia di diskansu, 21pabia na ki dia i na ten garandi foronta#Dan 9.26; 12.1; Joe 2.2; Zak 14.2 suma nunka i ka ten disna di kumsada di mundu te aos, nin nunka mas i ka na ten. 22Si Deus ka menusa ki dias, nin un kriatura bibu ka ta salba, ma, pa amor di kilis ki kuji, i na menusa ki dias.
23“Asin, si algin fala bos: ‘Ali Kristu#Luk 21.8 li!’ o ‘Alal la!’ ka bo fia, 24pabia i na lanta finjiduris ku na fala kuma elis i Kristu o elis i anunsiaduris. E na fasi manga di sinal#Lei 13.1-3; 2 Tes 2.9; Apok 13.13; 16.14 ku milagri, pa ngana, si e pudi, te mesmu kilis ku Deus kujiba ja. 25Ali N jumna N konta bos. 26Asin, si e fala bos: ‘Ala Kristu#Luk 17.23-24,37 la na lala,’ ka bo sai. O: ‘Alal la dentru di kasa,’ ka bo fia, 27pabia, suma ku relampagu ta numia seu na saida di sol te na si kaida, asin ki na sedu ora ku Fiju di omi na bin. 28Nunde ku kusa muri,#Jo 39.30 la ku jugude ta junta.
Fiju di omi na bin
(Mar 13.24-27; Luk 21.25-28)
29“Dipus di ki dias di foronta, sol na bida#Is 13.10; Joe 2.10,31; Am 5.20; At 2.20; Apok 6.12 sukuru, lua ka na da si lus, strelas na kai di seu, puderis di seu na bulbulidu. 30Ki ora i na ojadu na seu sinal di Fiju di omi. Tudu rasa na mundu na cora; e na oja#Kap 16.27; At 1.11; Apok 1.7 Fiju di omi na bin riba di nuvens di seu, ku puder ku garandi gloria. 31Ora ku korneta na toka ku forsa, i na manda si anjus#1 Kor 15.52; 1 Tes 4.15-17; 2 Tes 1.7 pa kuatru kantu di mundu pa e junta jinti ki kuji, desdi un ladu di mundu te na utru.
Lison di figera
(Mar 13.28-31; Luk 21.29-33)
32“Bo toma lison di pe di figu. Ora ku si ramus na bida moli, pa rebenta pajas, bo ta sibi kuma tempu di kalur pertu. 33Asin tambi, ora ku bo oja e kusas tudu na kontisi, bo pudi sibi kuma i sta pertu, mesmu#Tia 5.9 na porta. 34Na bardadi N na konta bos#Kap 16.28 kuma, e jorson ka na kaba tementi e kusas tudu ka kontisi. 35Seu ku tera na pasa, ma ña palabra#Is 51.6; Eb 1.10-12 ka na pasa.
Ningin ka sibi dia nin ora
(Mar 13.32-37; Luk 17.26-30,34-36)
36“Ningin ka sibi di ki dia#At 1.7; 1 Tes 5.2; 2 Ped 3.10 ku ora, nin anjus di seu, nin Fiju di Deus; son ña Pape ku sibi.
37“Suma ki kontisi na tempu di Noe, asin tambi ki na sedu ora ku Fiju di omi na bin. 38Na tempu antis di diluviu, jinti na kumeba, e na bibi, e na kasa, e na da se fijus pa kasamenti, te na dia ku Noe yentra#Kum 6.16; 7.7-23; 1 Ped 3.20 na barku. 39E ka toma sintidu tok diluviu bin, i kaba ku elis tudu. Asin tambi ki na sedu ora ku Fiju di omi na bin. 40I na sta dus omi na matu. Un son na lebadu, utru na fikadu. 41I na sta dus minjer na pila. Un son na lebadu, utru na fikadu.
42“Bo toma sintidu, pabia bo ka sibi kal ora#Kap 25.13; Luk 21.34-36 ku bo Siñor na bin. 43Bo pensa, si dunu di kasa sibiba kal ora di noti ku ladron na bin, i na#Luk 12.39; 1 Tes 5.2; 2 Ped 3.10; Apok 3.3; 16.15 bisiaba; i ka ta disal pa i romba si kasa. 44Asin bo sta tambi pruntu, pabia Fiju di omi na bin na ora ku bo ka pensa.
Komparason di tarbajaduris
(Luk 12.41-48)
45“I tenba un servu jiru, di fiansa, ku si patron#At 20.28; 1 Kor 4.2; Eb 3.5 pui riba di utru servus di kasa, pa i pudi da elis se kumida na ora sertu. 46Sortiadu i ki servu ku si patron, ora ki bin, i ojal#Apok 16.15 i na fasi asin. 47Na bardadi N na konta bos, i na nkargal#Kap 25.21-23; Luk 22.29 di tudu kusas ki tene. 48Ma si ki servu i mau, i na pensa asin: ‘Ña patron na tarda pa ciga.’ 49I na kumsa suta si kolegas, i na kume, i na bibi ku camiduris. 50Patron di ki servu na bin na un dia ki ka na peral, na un ora ki ka sibi. 51I na kastigal risu, i na pul na kau di finjiduris, nunde ke na cora, e na ñeme#Kap 8.12; 25.30 dinti.
© 1993-2020, Instituto de Tradução e Alfabetização