Mateus 23
23
Jesus raprindi fariseus ku pursoris di lei
(Mar 12.38-40; Luk 11.37-54; 20.45-47)
1Jesus fala multidon ku si disipulus de manera: 2“Gosi pursoris di lei ku fariseus e sta na lugar#Ne 8.4-8; Mal 2.7; Rom 2.19-24 di Moisés. 3Asin, tudu kil ke fala bos, bo para sintidu, bo fasi, ma ka bo fasi suma ke ta fasi, pabia e ta fala, e ka ta pratika. 4E ta pui lei kansadu riba di jinti suma ke na karganta elis#At 15.10 un kargu pisadu ku kuas i ka pudi nguentadu. Elis gora, nin ku un dedu e ka misti toka na ki kargu. 5Tudu ke ta fasi, e ta fasil pa jinti pudi oja#Kap 6.1-2,5,16 elis. E ta mara fita largu na testa ku ta tene palabra di Deus nel, e ta ronka ku ropa#Num 15.38; Lei 6.6-8 franjidu ku tene borla. 6E gosta di lugaris di rispitu#Luk 14.7; 3 Jon 9 na festas, ku asentus di dianti na kasas di juntamentu. 7E gosta tambi di faladu manteña di rispitu na prasas; e misti pa omis coma elis: ‘Mestre, Mestre’.
8“Ma abos, ka bo misti pa jinti coma#Tia 3.1; 1 Ped 5.3 bos ‘Mestre’, pabia un son ki bo Mestre; abos tudu i ermons. 9Ka bo coma ningin na mundu bo pape, pabia un son#Kap 6.9; Mal 1.6; Jon 14.8-11,20-21; Gal 4.6-7 ki bo Pape, kil ku sta na seu. 10Nin ka bo comadu ŝefis, pabia un son ki bo ŝef, ku sedu Kristu. 11Mas garandi na bo metadi#Kap 20.26-28; Luk 9.48 i na sedu bo kriadu. 12Kualker#Luk 14.11; 18.14; Tia 4.6,10; 1 Ped 5.5-6 algin ku yalsa si kabesa i ta baŝadu. Kualker ku baŝa si kabesa i ta yalsadu.
13“Koitadi di bos, pursoris di lei ku fariseus, finjiduris! Bo ta fica porta di renu di seu na rostu di jinti. Abos bo ka ta yentra; nin kilis ku sta pa yentra, bo ka ta seta elis yentra.
[ 14“Koitadi di bos, pursoris di lei ku fariseus, finjiduris! Bo ta splora kasas di viuvas nkuantu bo na fasi orason kumpridu di finjimentu. E ku manda bo na risibi kastigu mas duru.]
15“Koitadi di bos, pursoris di lei ku fariseus, finjiduris! Bo ta kamba mar, bo yanda-yanda teras pa pudi ngaña un konvertidu. Dipus di bo ngañal, bo ta fasil mersidur di nfernu dus bias mas di ki bos.
16“Koitadi di bos, gias#Kap 23.24; 15.14 segu! Bo ta fala: ‘Kin ku jurmenta#Kap 5.33-34 pa kasa di Deus, es i ka nada, ma kin ku jurmenta pa uru di kasa di Deus, i ten obrigason di pui si juramentu na pratika.’ 17Abos bo tulu, kaba bo segu! Kal ki mas importanti: uru o kasa di Deus ku ta santifika uru? 18Bo ta fala kuma kin ku jurmenta pa altar,#Sai 29.37 ki kusa i ka nada, ma kin ku jurmenta pa oferta ku sta riba di altar, i ten obrigason di pui si juramentu na pratika. 19Abos segus! Kal ki mas importanti: oferta o altar ku ta santifika oferta? 20E ku manda, kin ku jurmenta pa altar, i jurmenta pa el ku tudu ku sta riba del. 21Kil ku jurmenta pa kasa#1 Re 7.51; 8.12-13; Sal 132.14 di Deus, i jurmenta pa el ku kil ku mora nel. 22Kin ku jurmenta pa seu i jurmenta pa tronu#Kap 5.34; Sal 11.4; At 7.49 di Deus, tambi pa kil ku sinta nel.
23“Koitadi di bos, pursoris di lei ku fariseus, finjiduris! Bo ta da Deus un na kada des kusa di orta, suma malgeta ku bagic ku kanja, ma bo ta diskisi di kusas mas importanti#Kap 9.13; Os 6.6; Mik 6.8; Luk 18.12 di lei, ku sedu yanda diritu, ten pena di jinti, ku sedu algin di fiansa. Bo dibi di fasi e kusas sin diskisi di ki utrus. 24Gias segu! Bo ta kuspi miskitu, bo nguli kamelu!
25“Koitadi di bos, pursoris di lei ku fariseus, finjiduris! Bo ta limpa kopu#Mar 7.4 ku pratu pa fora, ma pa dentru i inci furtu ku kubisa. 26Fariseu segu! Purmeru, limpa dentru di kopu ku pratu; asin parti di fora ta limpu tambi.
27“Koitadi di bos, pursoris di lei ku fariseus, finjiduris! Bo parsi kasa di nteru#Jon 7.24; At 23.3 kaiadu. Pa fora i ta parsi bonitu, ma dentru i inci os di mortus ku tudu koldadi susidadi. 28Asin tambi abos, pa fora i ta parsi na uju di jinti kuma bo na yanda diritu, ma dentru bo inci finjimentu ku maldadi.
29“Koitadi di bos, pursoris di lei ku fariseus, finjiduris! Bo ta kumpu kasasiñus nunde ku anunsiaduris nteradu. Bo ta faja monumentus di jinti ku yandaba diritu. 30Bo ta fala: ‘Si no matiba na tempu di no papes, no ka ta tomaba parti na darma sangi di anunsiaduris.’ 31Asin bo na da tustumuñu kontra bos propi, kuma bo sedu fijus di kilis ku mata#At 7.51-52 anunsiaduris. 32Bo pinca pa dianti, bo kabanta#Kum 15.16; 1 Tes 2.16 kil ku bo papes kumsaba!
33“Serpentis! Jorson#Kap 3.7 di kobras! Kuma ku bo na kapli kondenason di nfernu? 34Asin N na manda bos anunsiaduris, jinti jiru ku pursoris. Bo na bin mata#Jon 21.18-19; At 5.40; 7.58; 22.19; 2 Kor 11.23-25 utrus, bo prega elis na krus; bo na suta utrus na bo kasas di juntamentu; bo na pirsigi elis na kada prasa, 35pa i pudi kai riba di bos tudu sangi di jinti justu ku darmadu na con, desdi sangi di ki omi justu, Abel,#Kum 4.8; 2 Kron 24.20-21; Eb 11.4; 1 Jon 3.12; Apok 18.24 te sangi di Zakarias, fiju di Barakias, ku bo mata entri lugar sagradu ku altar. 36Na bardadi, N na konta bos kuma, e kusas tudu e na bin kai riba di jinti di aos.
37“Ai Jerusalen,#Luk 13.34-35 Jerusalen, ku ta mata anunsiaduris, bu ta da ku pedras jinti ku Deus mandau! Kantu bias ku N misti junta bu fijus suma galiña#Sal 57.1 ta junta si fijus bas di si asas, ma bu ka seta! 38Jubi bo kasa bandonadu! 39N na konta bos kuma, disna di gosi, bo ka na ojan mas te dia ku bo fala: ‘Kil ku bin na nomi#Kap 21.9 di Siñor i mersi ngabadu.’ ”
© 1993-2020, Instituto de Tradução e Alfabetização