Mateus 21
21
Jesus yentra na Jerusalen
(Mar 11.1-10; Luk 19.28-40; Jon 12.12-16)
1Oca e na pertu Jerusalen, e ciga na Betfajé, tabanka na monti#Zak 14.4 di Olivera. Jesus manda dus disipulu, i fala elis: 2“Bo bai pa ki tabanka ku sta bo dianti. Bo na yentra son, bo na oja un buru maradu, ku si fiju lungu del. Bo ta dismancal, bo tisi elis. 3Si algin fala bos kualker kusa, bo ta fala kuma Siñor pirsisa delis. I ka na tarda i na manda elis.” 4E kusa tudu kontisi pa i pudi sedu suma ku palabra di anunsiadur fala:
5“Bo fala#Is 62.11; Zak 9.9 prasa di Sion:
‘Ali bu Rei na bin pa bo,
mansu,#Kap 11.29 montadu na un buru,
montadu na fijusiñu di buru, animal di kargu.’ ”
6Disipulus bai, e fasi suma ku Jesus manda elis. 7E tisi buru ku si fiju, e pui se ropa#2 Re 9.13 riba delis, e pui Jesus monta. 8Manga di jinti na distindi se ropa na kamiñu; utrus na korta ramus#Sir 23.40 di po, e na distindi na kamiñu. 9Multidon di jinti ku na baiba dianti, ku kilis ku fika tras, e na grita, e na fala: “Osana pa Fiju di Davi! Kil ku bin#Kap 23.39; Sal 118.26; Luk 13.35 na nomi di Siñor i mersi ngabadu. Osana pa Deus na seu!”
10Oca i na yentra na Jerusalen, jinti tudu na somna na prasa, e na punta: “Es i kin?” 11Multidon di jinti ruspundi elis: “Es i Jesus, anunsiadur di Nazaré di Galileia.”
Jesus na kasa di Deus
(Mar 11.15-18; Luk 19.45-48; Jon 2.13-22)
12Jesus yentra na kasa di Deus, i serka tudu kilis ku na bindiba la, e na kumpra; i bati mesas di torkiaduris di diñeru, ku asentus di kilis ku na bindiba pumba. 13I fala elis: “I sta skritu kuma Deus fala: ‘Ña kasa na comadu kasa di#Is 56.7; Jer 7.11 orason,’ ma abos bo fasil kau ku ladron ta sukundi nel.”
14Segus#Is 32.3; 35.5-6 ku mankus bai pa el na kasa di Deus; i kura elis. 15Ŝefis di saserdoti ku pursoris di lei oja ki milagris ku Jesus fasi, e obi mininus na grita na kasa di Deus, e na fala: “Osana pa Fiju di Davi!” E paña raiba, 16e punta Jesus: “Bu obi ke ku e mininus na fala?” Jesus fala elis: “Sin, N obi. Nunka bo ka lei na palabra di Deus:
‘Bu pui pikininus#Sal 8.2 ku mininus di mama
pa e yalsa se fala pa ngabau’?”
17I disa elis, i sai na prasa, i bai#Kap 26.6; Mar 11.11; Jon 11 Betânia, i pasa noti la.
Figera ku ka padi
(Mar 11.12-14,20-24)
18Di parmaña sedu, oca i na riba pa prasa, Jesus teneba fomi. 19I oja un figera pertu di kamiñu, i bai pa el, i ka oja nada la di kume, son pajas. I falal: “Nunka mas bu ka na padi fruta!” Na ki ora figera seku janan. 20Oca disipulus oja e kusa e punta dimiradu: “Kuma ku e figera seku asin dipresa?” 21Jesus fala elis: “Na bardadi, N na konta bos, si bo ten fe, bo ka#Kap 17.20; Tia 1.6 duvida, bo ka na fasi son kil ku fasidu na figera, ma te e monti, si bo falal pa i lanta, i bai dentru di mar, asin ki na sedu. 22Tudu kil ku bo pidi#Kap 7.7-8; Jon 14.13; Tia 5.15-16; 1 Jon 3.22; 5.14-15 na orason, si bo fia, bo na risibil.”
Batismu di Jon
(Mar 11.27-33; Luk 20.1-8)
23Oca Jesus yentra na kasa di Deus, i na nsina, ŝefis di saserdoti ku garandis di pobu e bai pa el, e puntal: “Kal diritu ku bu ten pa fasi e kusas? Kin ku dau e otridadi?” 24Jesus fala elis: “Ami tambi N na punta bos un kusa. Si bo kontan el, ami tambi N na konta bos kal diritu ku N ten pa fasi e kusas. 25Batismu di Jon i seduba di nunde? I di Deus o i di omis?”
E kumsa na diskuti entri elis, e na fala: “Si no fala kuma i di Deus, i na puntanu ke ku manda no ka fia nel, 26ma si no fala kuma i di omis, no ten medu di pobu, pabia tudu jinti e tene Jon#Kap 14.5 suma anunsiadur.” 27E ruspundi Jesus, e falal: “No ka sibi.” I fala elis: “Nin ami tambi N ka na konta bos ku kal otridadi ku N ta fasi e kusas.
Komparason di dus fiju
28“Ke ku bo oja? Un omi teneba dus fiju. I bai pa purmeru fiju, i falal: ‘Fiju, bai tarbaja aos na ña orta.’ 29Kila ruspundil: ‘N ka na bai.’ Ma dipus, i ripindi, i bai. 30Omi bai pa sugundu fiju, i falal mesmu kusa. Kila falal: ‘Sin Siñor, N na bai.’ Ma i ka bai. 31Kal de dus ku fasi ke ku se pape misti?” E falal: “Ki purmeru.” Jesus fala elis: “Na bardadi N na konta bos kuma, kobraduris di mpustu#Luk 7.29-30 ku minjeris ku ta bindi se kurpu e na jumna bos yentra na renu di Deus. 32Jon bin#Kap 3.1 pa nsina bos kamiñu retu, ma abos bo ka fial. Kobraduris di mpustu ku minjeris ku ta bindi se kurpu e fia nel, ma abos, mesmu ku bo oja ki kusa, bo ka ripindi pa bo fia nel.
Komparason di labraduris mau
(Mar 12.1-12; Luk 20.9-18)
33“Bo sukuta utru komparason. Un omi ku teneba un orta i paranta pes di uva, i pui tapada di volta, i koba koba pa masa uva, i kumpu kasa altu pa bisiadur, i luga#Is 5.1-7; Jer 2.21 labraduris ki orta, i bai bias na utru tera.
34“I ciga tempu di fruta; i manda si kriadus pa labraduris pa e dal si parti di fruta. 35Labraduris pega#Kap 22.6; 23.29-31; 2 Kron 36.15-16; At 7.52; 1 Tes 2.15; Eb 11.35-37 na kriadus, e da un pankada, e mata utru, e da utru ku pedras. 36Dunu di orta manda utru kriadus mas ciu di ki purmeru. Labraduris fasi elis mesmu kusa ke fasi ki purmerus. 37Na kabantada i manda si fiju pa elis, i fala: ‘E na rispita ña fiju.’ 38Ma labraduris kaba oja fiju son, e fala entri elis: ‘Es ku na#Sal 2.7-8; Eb 1.2 yarda. Bo bin no matal, no ta toma konta di si yardansa.’ 39E pegal, e tiral#Sal 2.2; Jon 11.53; At 2.23; 3.15; 4.27 fora di orta, e matal. 40Ora ku dunu di orta bin, ke ki na fasi ki labraduris?”
41E fala: “I na kaba#Luk 21.24 ku ki labraduris mau na un manera meduñu; i na luga orta pa utru labraduris#At 13.46-47 ku ta dal si parti di fruta na si tempu.” 42Jesus punta elis: “Nunka bo ka lei na Skritura kuma:
‘Pedra#Sal 118.22; Is 28.16; At 4.11; Ef 2.20; 1 Ped 2.6-7 ku pedrerus nega
i bin sedu purmeru pedra di kantu;
es i kusa ku Siñor fasi, ku no oja, no dimira’?
43“E ku manda N na konta bos, bo na tiradu renu#Kap 8.12 di Deus; i na bin dadu pa utru nason ku ta da si frutu. [ 44Kin ku kai riba de pedra#Is 8.14-15; Rom 9.32-33; 1 Ped 2.8 i na bida padas. Si i kai riba di algin, si dunu na fika#Dan 2.34,44; Zak 12.3 suma foriña.]”
45Ŝefis di saserdoti ku fariseus e obi e palabra, e ntindi kuma i na papiaba pa elis. 46E na buskaba manera pa prindil, ma e medi pobu, pabia e teneba Jesus suma anunsiadur.#Kap 21.11
© 1993-2020, Instituto de Tradução e Alfabetização