Mateus 20
20
Komparason di tarbajaduris ku se pagamentu
1“Renu di seu i asin. Un omi ku teneba ortas i sai mandrugada pa bai buska tarbajaduris pa si orta di uva. 2I ruma pa paga elis un mueda di prata pa un dia di tarbaju, i manda elis pa si orta. 3Banda di novi ora di parmaña i sai, i oja utrus na prasa ku ka na fasiba nada. 4I fala elis: ‘Abos tambi bo bai tarbaja na orta; N na paga bos kil ki justu.’ Elis e bai. 5Pertu di me-dia i torna sai; tris ora di tardi i sai mas, i fasi mesmu. 6Pertu di sinku ora di tardi i sai, i oja utrus ku ka na fasiba nada tambi. I punta elis: ‘Ke ku manda bo sta li, bo ka na fasi nada disna di parmaña?’ 7E falal: ‘Pabia ningin ka danu tarbaju.’ I fala elis: ‘Bo bai tambi pa ña orta.’
8“Oca sol na noti, dunu di orta fala si nkargadu: ‘Coma tarbajaduris, bu paga elis se diñeru. Kumsa na ultimu, bu kabanta na purmeru.’ 9Kilis ku pegaba tarbaju pertu di sinku ora e ciga; kada un risibi un mueda di prata. 10Kilis ku pegaba purmeru e bin, e kuda kuma e na risibi mas ciu, ma kada un delis risibi un mueda di prata suma ki utrus. 11Oca e risibil, e na ŋuniŋuni kontra dunu di orta, 12e na fala: ‘E ultimus e tarbaja son un ora; bu paga elis suma nos ku nguenta fadiga di dia tudu, ku kalur.’ 13Dunu di orta ruspundi, i fala un delis: ‘Amigu, N ka na fasiu injustisa. Nta bu ka filanta ku mi pa un mueda di prata? 14Toma kil ki di bo, bu bai. N misti da es ultimu suma ku N dau. 15Nta N ka ten diritu di fasi ke ku N misti#Rom 9.21 ku kil ki di mi? Pabia di ke ku bu na oja mal na bon kusa ku N fasi?’
16“Asin, kilis di tras#Kap 19.30 e na pasa dianti; kilis di dianti e na fika tras.”
Jesus fala di si mortu
(Mar 10.32-34; Luk 18.31-34)
17Oca Jesus na bai pa Jerusalen, na kamiñu i coma si dozi disipulu aparti, i fala elis: 18“Bo sukuta, no na bai pa Jerusalen nunde ku Fiju di omi na bai ntregadu#Kap 16.21; Mar 15.1; At 3.13 pa ŝefis di saserdoti ku pursoris di lei. E na kondenal pa mortu. 19E na ntregal na mon di jinti ki ka judeu. E na fasil trosa, e na sutal, e pregal na krus, ma dipus di tris dia i na lantandadu di mortu.”
Pididu di fijus di Zebedeu
(Mar 10.35-45)
20Minjer di#Kap 4.21 Zebedeu, kumpañadu ku si dus fiju, i bai pa Jesus, i finka juju si dianti pa fasil un pididu. 21Jesus puntal: “Ke ku bu misti?” Minjer ruspundi: “N misti pa bu da ordi pa e ña dus fiju pudi#Kap 19.28 sinta, un na bu direita, utru na bu skerda, na bu renu.” 22Jesus ruspundi, i fala elis: “Bo ka sibi ke ku bo na pidi. Nta bo pudi bibi na kopu#Kap 26.27-28,39; Jon 18.11 ku N na bibi nel?” E falal: “No pudi.” 23I fala elis: “Na bardadi bo na bibi#At 12.2; Rom 8.17; Apok 1.9 na ña kopu, ma pa sinta na ña direita o ña skerda, i ka ami ku na da ki diritu, ma i pa kilis ku ña Pape purparal pa elis.” 24Oca ku ki des obi e kombersa, e paña raiba kontra ki dus ermon. 25Jesus coma elis pa e pertu el, i fala: “Bo sibi kuma gubernaduris di utru nasons e ten forsa nelis; se garandis e ten otridadi forti#Luk 22.25-27 riba delis, 26ma na bo metadi#Kap 18.4; 23.11; Mar 9.35; 1 Ped 5.2-3 i ka asin ki na sedu. Kil ku misti sedu garandi na bos, el i na sedu bo sirbidur. 27Kualker na bo metadi ku misti sedu purmeru, i na sedu bo katibu, 28suma Fiju di omi, ku ka bin pa i sirbidu, ma pa#Jon 13.14 sirbi, i pa da si vida#Is 53.10; Gal 1.4; Ef 1.7; 5.2; 1 Tim 2.6; Titu 2.14; Eb 9.12,28; 1 Ped 1.18-19 pa libra manga di jinti.”
Dus segu di Jerikó
(Mar 10.46-52; Luk 18.35-43)
29Oca e na sai na Jerikó, multidon di jinti fika tras di Jesus. 30Dus segu#Is 32.3 sintaba lungu di kamiñu. E obi kuma i Jesus ku na pasa, e grita e fala: “Siñor, Fiju di Davi, ten pena di nos!” 31Jinti na raprindiba elis pa e kala, ma elis, kada bias e mas na grita, e na fala: “Siñor, Fiju di Davi, ten pena di nos!” 32Jesus para, i coma elis, i punta: “Ke ku bo misti pa N fasi bos?” 33E falal: “Siñor, pa bu yabrinu uju.” 34Jesus sinti garandi pena delis, i toka elis na uju. Ki ora uju yabri ku elis. E pega tras di Jesus.
© 1993-2020, Instituto de Tradução e Alfabetização