Isaias 41
41
Israel dibi di fiansa son na Deus
1“Jius, bo kala#Zak 2.13 ña dianti!
Nasons pa e arnoba se forsa,
pa e ciga ku se palabra;
no bai juntu pa fasi justisa.
2“Kin ku lantanda#V 25; Kap 44.28; 45.1,13; 46.11 un justu na saida di sol,
i comal pa i pertu el?
Kin ku ntregal nasons,
pa i domina riba di reis?
I na mata elis ku si spada tok e sedu suma reia;
ku si mansasa i na pajiga elis
suma paja ku bentu na leba.
3I na serka elis;
nada ka na ojal.
I na bai dianti na un kamiñu
ku nunka i ka ciga di yanda.
4Kin ku pui e kusa pa i sedu,
ku lantanda manjuandadis, un son un son,
disna di kumsada?
Ami, SIÑOR, N sta#Kap 43.10; 44.6-7; 46.10; 48.12; Apok 1.8,17; 22.13 disna di purmeru
te na ultimu delis, ami propi.”
5Jius ojal, e medi,
jinti di kabantada di mundu tirmi,
e ciga pertu, e bin.
6Kada kin ta judaba si kumpañer,
e ta fala ŋutru: “Pega tesu.”
7Loibe na anima urivi;
kil ku na filanta ku martel
na anima kil ku na suta na bigorna,
i na fala aserka di idulu ke na kumpu:
“I soldadu diritu.”
Dipus i ta tesantal ku pregus
pa ka i kai.
8“Ma abo, Israel, ña servu,
abo, Jakó, kil ku N kuji,
jorson#Kap 44.1; 2 Kron 20.7; Tia 2.23 di ña amigu Abraon,
9abo ku N tira, N comau
na kantus mas lunju di mundu;
N falau kuma abo i ña servu;
N kujiu, N ka negau.
10Ka bu medi, pabia N sta#Kap 43.5; Lei 31.6,8; Mat 28.20; At 18.9-10 ku bo;
ka bu panta; ami i bu Deus,
N na dau forsa, N na judau,
N na nguentau ku mon direita
ku ta fasi kusas diritu.
11“Tudu kilis ku raiba kontra bo
e na kunfundidu, e na pasantadu#Kap 45.24 borgoña;
kilis ku lanta kontra bo
e na pirdi, e na sedu suma nada.
12Bu na buska bu inimigus,
ma bu ka na oja elis.
Kilis ku geria kontra bo
e ka na sedu nada.
13Ami, SIÑOR bu Deus,
N pegau na bu mon direita, N falau:
Ka bu medi, pabia N na judau.
14Abo, Jakó, bicusiñu,
pobu pikininu di Israel,
ka bu medi, pabia N na judau.”
Asin ku SIÑOR, Deus Santu di Israel
ku libertau, i fala.
15“N fasiu pa bu sedu suma makina nobu
di masa#Mik 4.13 arus, ku tene dintis gudu.
Bu na masa montis, bu na pila elis;
montisiñus na bida suma burburis di paja.
16Bu na buanta elis suma arus na bentu;
bentu forti na pajiga elis,
ma abo, bu na kontenti na SIÑOR,
bu na sinti orgulyu na Deus Santu di Israel.
17“Koitadis na se foronta e na buska yagu,
ma i ka ten;
e tene sedi tok se lingua seku.
Ma ami, SIÑOR, N na bin obi elis;
ami, Deus di Israel, N ka na bandona elis.
18N na pui rius pa e kuri#Kap 35.6-7; 43.19; 44.3; Sal 107.35 na montis
nunde ku paja ka ten,
N na yabri fontis na metadi di kobons.
N na bidanta lala pa laguas di yagu;
tera seku na tene uju di fonti.
19N na paranta arvuris na lala,
suma sedru, akasia, murtera ku olivera.
Na kau seku N na pui faia,
olmeru ku álamu, tudu juntu,
20pa tudu jinti oja, e sibi,
e pensa, e ntindi kuma,
i mon di SIÑOR ku fasi e kusa;
i Deus Santu di Israel ku pui pa i sedu.”
21SIÑOR, Rei di Jakó, i fala deusis falsu:
“Bo pursenta bo asuntu,
bo proba kuma bo ten roson.
22Bo bin kontanu#Kap 42.9; 43.9; 45.21; 48.3 kusas ku na bin sedu;
bo kontanu kusas ku pasa ja
pa no pudi pensa nelis diritu,
pa sibi se kabantada.
23Bo kontanu kusas ku na bin sedu#Kap 44.7-8; 46.10; Lei 18.22; Jer 28.9 na futuru,
pa no pudi sibi kuma abos i deusis.
Bo fasi kualker kusa, nin si i bon#Jer 10.5 o i mau,
pa no ojal, no panta.
24Abos, tudu ku kusas ku bo ta fasi,
bo ka bali nada.
Ki algin ku kuji bos i nujenti.
25“N na lantanda algin di saida di sol#Kap 41.2
ku ta coma#Esd 1.2 ña nomi.
I na bin di ladu di norti
pa ataka regulus, i masa elis
suma ku kumpudur di puti
ta masa lama.
26Kal di bos ku konta e kusa disna di kumsada,
antis di i bin sedu,
pa no pudi sibi, no fala: ‘I tenba roson’?
Ma i ka ten ningin ku kontaba
antis di i bin sedu,
ku fadi kin ku obiba e palabras na bo boka.
27Ami ki purmeru ku fala Sion:
‘Ali e na bin!’
N manda algin pa Jerusalen
pa i konta#Kap 40.9 bon noba.
28Oca ku N jubi, i ka tenba ningin,
nin na se metadi#Kap 63.5 i ka tenba konsijadur,
o algin ku teneba palabra
pa ruspundi ña purguntas.
29Bo oja elis tudu falsu;
nunka e ka fasi nada;
se imaẑens fundidu e sedu son bentu.
Currently Selected:
Isaias 41: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
