Isaias 40
40
Speransa pa pobu di Israel
1Bo Deus fala: “Bo konsola ña pobu,
bo konsola elis.
2Bo papia ku bondadi pa Jerusalen,
bo kontal klaru kuma kastigu di si maldadi i kaba ja,
kuma pres di mal ki fasi i pagadu ja;
tambi i risibi di mon di SIÑOR
dus bias#Kap 61.7 mas pa tudu si pekadu.”
3Algin#Kap 62.10; Mal 3.1; Mat 3.3 na grita:
“Bo purpara kamiñu pa SIÑOR na lala;
bo filanta un strada la pa no Deus.
4Tudu kobon na incisidu;
tudu monti, garandi ku pikininu, na justandadu;
strada#Kap 49.11 ku jingi na filantadu;
kamiñu ku ka bali na niveladu.
5Gloria di SIÑOR na bin manifesta;
jinti di tudu mundu na ojal,
pabia i SIÑOR ku fala asin ku si boka.”
6Vos fala: “Grita!”
Algin punta: “Ke ku N na grita?”
“Tudu jinti#Kap 51.12; Tia 1.10; 1 Ped 1.24-25 i suma paja;
tudu se bonitasku i suma floris di matu.
7Paja ta seku, si floris ta konkoñi
ora ku SIÑOR supra si folgu riba delis.
Na bardadi, jinti i suma paja.
8Paja ta seku, si floris ta konkoñi,
ma palabra di no Deus#Mar 13.31 ta manti pa sempri.”
9Abo, kontadur#Kap 41.27 di bon nobas pa Sion,
subi na un monti altu.
Abo, kontadur di bon nobas pa Jerusalen,
yalsa bu vos ku forsa;
yalsal, ka bu medi,
bu fala prasas di Judá:
“Ali bo Deus!”
10Ali SIÑOR Deus na bin ku puder;
si mon na domina;
i na bin ku si premiu,
ku pagamentu#Kap 62.11; Apok 22.12 pruntu na si mon.
11I na toma konta#Kap 49.10; Jer 3.15; 23.4; 31.10; Ez 34.11-23; 37.24; Jon 10.11; Eb 13.20; 1 Ped 2.25; 5.3-4; Apok 7.17 di si karnelis suma bakiadur;
i na lambu karnelsiñus,
i leba elis na si mon;
kilis ku na mamanta,
i ta leba elis ku mansesa.
12Kin#Dit 30.4 ku ciga di midi yagu di mar ku si mon,
o kin ku ciga di midi seu ku palmu di si mon?
Kin ku ciga di midi reia di con ku kaneka,
o i pesa monti, garandi o pikininu, na balansu?
13Kin ku ciga di gia Spiritu di SIÑOR,
o kal konsijadur#Jo 21.22; Rom 11.34; 1 Kor 2.16 ku ciga di nsinal?
14Kin ku SIÑOR ciga di pidi konsiju,
pa dal ntindimentu,
pa mostral kamiñu sertu,
pa nsinal jiresa
o pa fasil sibi kamiñu di kuñisimentu?
15SIÑOR ta jubi nasons
suma pingu di yagu na baldu,
suma puera na balansu;
i ta pesa jius suma mon di reia.
16Nin tudu arvuris di Líbanu ka ciga
leña pa fugu di altar,
nin si limarias ka ciga pa ofertas kemadu.
17Tudu nasons sedu suma nada#Dan 4.35 si dianti;
i ta jubi elis suma nada,
suma kusa ku ka bali.
18Nta kin ku bo na parsinti#Kap 40.25; 46.5; Sai 15.11; Lei 4.15; At 17.29; Rom 1.23 ku Deus?
ke ku bo na komparal ku el?
19Omi jitosu ta kumpu#Kap 41.6-7; 44.12-19; Jer 10.3-4 imaẑen;
urivi ta kubril ku uru,
i kumpu korentis di prata pa el.
20Un omi koitadi, ku ka pudi ranja
un kusa karu suma kila,
i ta kuji madera ku ka ta lestu di podri,
i buska algin jiru pa labral imaẑen
ku ta firma diritu, sin jingi-jingi.
21Nta bo ka sibi?
O bo ka obi?
O bo ka kontadu e kusa disna di kumsada?
Bo ka ntindi kuma ku mundu formadu?
22Deus sta sintadu na tronu
riba di globu di mundu,
ku si moraduris ta parsi
na si uju suma firmingas.
El ku ta distindi seu#Kap 44.24; 51.13; Jo 9.8; Sal 104.2; Jer 10.12; 51.15 suma kurtina;
i ta disdobral suma tenda pa mora nel.
23Reis ku ŝefis di mundu,
i ta bidanta elis#Jo 12.21 suma nada.
24E sta suma planta ku kumsa sumiadu,
ku si rais ka sta suguru na con.
Deus ta supra riba delis;
e ta seku;
bentu ta buanta elis suma paja seku.
25Deus Santu punta: “Kin ku sta suma mi#Kap 40.18
ku bo na parsintin ku el?”
26Bo yalsa uju pa riba,
bo jubi kin ku kumpu ki kusas,
ku ta tira ki manga di strela#Sal 147.4 un son un son,
i coma elis pa se nomis.
Pabia di si garandi forsa ku puder,
nin un son ka na falta.
27Jakó! Israel! Ke ku manda
bu na papia asin, bu fala kuma
bu kamiñu sta sukundidu di uju di SIÑOR,
kuma bu Deus ka na mporta
si bu ka na fasidu justisa?
28Bu ka sibi?
Bu ka obi kuma ki Deus
ku ka ten kumsada nin kabantada,
ku sedu SIÑOR,
kil ku kumpu tudu parti di mundu,
i ka ta kansa, nin si forsa ka ta kaba?
Ningin ka pudi sibi#Sal 147.5; Rom 11.33 ke ki na pensa.
29I ta da forsa pa kil ku sta kansadu,
i ta fortifika kil ku sta fraku.
30Jovens na kansa, e na pirdi forsa;
rapasis nobu e na bin kai,
31ma kilis ku na pera na SIÑOR
e na arnoba#2 Kor 12.9 se forsa.
E na subi ku asas suma agia,
e na kuri sin kansa,
e na yanda sin pirdi forsa.
Currently Selected:
Isaias 40: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
