I Kôrinti 8
8
1G’ômwanja wi ṽèrè jirô pa gw’ikaṉa, azw’avôrô nè, azw’are n’imya. Imya si pang’ekale, ndô itonda si nuginya. 2J’ôm’edu atanga nè, avôrô ôsam̃u, gambèṉè e pa twa gô mya ga nt’are kwèkwè. 3Ndô j’ôm’edu atond’Anyambyè, ayè mèmô amyenyô yè. 4Sambô g’ômwanja wi nyèṽèrè jirô pa gw’ikaṉa, azw’ avôrô inè, ôgaṉa arang’ezom̃a du, na inè, e zel’Anyambyè nyèṉè kaô mori. 5Konde vangaṉ’adwaṉe yom̃a yi fweyô nè, inyambyè g’ôrôṽa ge gô ntye, ga nt’ar’inyambyè inyenge, n’irerè inyenge, 6ndô gôre zwè ar’Anyambyè mori, ya Rerè, are yom̃a yôdu y’avili gôre yè, azwè kè azw’are gôre yè; n’Ôvangiṉi kè ôm̃ori, Yesu‐Krist, are vo yè dwaṉe yom̃a yôdu, n’azwè kè vo yè.
7Ndô imya siṉo si zele gôr’aṉaga waôdu. Awèwo, mèṉa pa n’ôgaṉa kwanga na ṉèṉo, wi nye ṽèrè mèyoṉo mpaṉi ga yi re jirô pa gw’ikaṉa, n’irèm̃i yaô gôre yô dèla yi fwevizô gô ntiṉa mè. 8Inya si pa mèpiza zwè gôr’Anyambyè: j’azw’anya sô, azw’aweve n’igamba mè; j’azwè pa nya sô, azw’amèpe kè n’igamba mè. 9Ṽandam̃iṉaṉ’inyangi nyaṉi nyiṉo nyi vende dwaṉ’ibaku gôre mongi wi re dèla. 10Konde, awè wi re n’imya, ja w’ajeṉô baru gw’inya gô nagô y’ikaṉa, gambèṉè ôrèm̃a w’ôma mè wi re dèla, w’ayolizô gô nye ṽèrè yi re jirô pa gw’ikaṉa? 11Yeṉo ayè yi re dèla e be pera gô ntiṉa y’imyi so, ômwarerè ayuṉô ne Krist g’ômwanji wè! 12Na yeṉo, gô janja ṉwè mbe gôr’awarerè, awonj’irèm̃i yaô ilèli, aṉwè janj’ibe gôre Krist. 13Yeṉo, j’inya s’apange ’mwareri yam̃ gô pôm̃ô ibaku, gambèṉè my’any’eṽèrè nyèṉè, ko ’mwareri yam̃ avôm̃ô n’ibaku.
Currently Selected:
I Kôrinti 8: MYE
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1927.
