I Kôrinti 5
5
1E jogaṉô inè, ôṽelaṉô w’antô wi re gôre ṉwè, n’ôṉongo w’ôṽelaṉô wi re wi zele gôr’aṉongo inè, ôma gôre ṉwè are n’ômwantô wa reri yè. 2Na gw’inyanga nyi jeṉ’ekèṽa, k’ôma are denda pe ndaga mè tômbô avila gôre ṉwè, aṉw’atweṉi n’ekal’eṽe! 3Konde myè, bangwaṉa pa na ṉwè n’ôkuṽa, ndô gw’iṉiṉa my’avegagi na ṉwè, my’are jèkèlya p’ôma are denda pe ndaga mè. 4Gw’ina nya Reri yazô Yesu‐Krist, aṉwè n’iṉiṉi nyam̃ dataṉa pa ta, ni ngulu ya Reri yazô Yesu, 5ôma mè e ga vô gôre Satan gw’ijiliza s’ôzôṉe, ko iṉiṉa sungiṉô gô ntyugu ya Rerè Yesu.
6Isôgwi saṉi si zel’ibya. Aṉwè pa mya nè, mwô’levèn wi pandize mpèmba yôdu? 7Rômbaṉi levèn nungu, ko ṉwè dwaṉe mpèmba nyoṉa, konde aṉw’are levèn fo; konde Krist ômwidombè wazô wi Paki ayônyô. 8Yeṉo azwè ga lende fèti, aranga ni levèn nungu, ge ni levèn yi ngambi ge ijanj’ibe, ndô ni mpèmba yi re levèn fo yi nkèrè na y’ôrèti.
9My’arèndiṉi ṉwè gw’ezangô zam̃ inè, alwaṉaṉi ta n’ibelaṉi, 10aranga nè, alwaṉaṉi du n’ibelaṉi yi ntye yiṉo, ge na mongi w’agasô m’aṉiva, ge n’igwèrisi, ge na mongi wi saviṉ’ikaṉa; arwe yeṉo, gambèṉè kaô aṉw’adubwa avila gô ntye yiṉo. 11Ndô vèṉo mi tèndiṉa ṉwè, inè, jog’ôm’afweyô inè, ômwarerè, adwaṉ’ebelaṉi, ge ôma w’ôgasô w’aṉiva, ge ôma wi saviṉ’ikaṉa, ge ôroṽisi, g’eyonga, ge ôgwèrisi, gambèṉè agangaṉaṉi n’ôma ôṉongo mè vangaṉe gô nya na yè. 12Ezom̃a nde zi re na myè gô jèkèlya waô wi re gw’igala? Aṉwè pa jèkèlya waô wi re gô mandô? 13Waô wi re gw’igala, wi jèkèlyô n’Anyambyè. Rômbaṉ’ôm’ombe mè avila gôre ṉwè.
Currently Selected:
I Kôrinti 5: MYE
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1927.
