I Kôrinti 4
4
1Yeṉo, azwè ga yeṉô g’inyôngô si Krist, na ga mongi wi ker’isam̃u y’iyumbuṉô y’Anyambyè. 2Ndô gôre mongi wi kera e belô nè, ôm’edu e ga lèngô ôma wi bekelyô. 3Ndô gôre myè ar’ôsam̃u ômwangô gô jèkèlyô ne ṉwè, ge n’ijèkèlya s’aṉaga; mi pa jèkèlya vangaṉ’ôkuṽi wam̃imè; 4konde mi pa jeṉ’ôkuṽi wam̃ ni ntyèmbô, ndô mi pa dwaṉizô ôgôre v’igamba mè; ayè yi jèkèlya myè ne Rerè. 5Yeṉo, ayèkèlyaṉ’ôsam̃u egômbe ṽyagaga ro, kaô Rerè abya, e be bag’isam̃u yi re jumbuṉô pa gô mpiri, aṽaga yô g’ôzange, awôm̃unya imôndo s’irèm̃a. Gambèṉè isum̃inya s’ôm’edu si be pila avila gôr’Anyambyè.
6Ndô awarera, my’are kamba p’agamba miṉo gôre myè na gôr’Apôlos g’ômwanji waṉi ko ṉwè nènga gôre zwè inè, aṉw’avyagaṉa nt’are tèndô pa, na inè, ôm’edu gôre ṉwè azôgwa g’ômwanja w’ôma gô sir’ôm̃ori. 7Konde e pango gô bangwaṉa na mongi mori mande? N’ezom̃a nde zi re na wè zi re zi pa pô wè? Na ja z’avenyô wè, gambèṉè ntiṉa nde yi sôgwo, egolaṉi ga zi re pô wè?
8Vèṉo aṉw’are jôra pa, vèṉo aṉw’are paga pa, aṉwè pangiṉa g’aga azwè zele. Gavoṉo aṉw’avangiṉi rèti, ko zwè kè pangiṉa ta na ṉwè. 9Konde mi jeṉa nè, Anyambyè are panga pa zwè, azwè rôm̃i, gô dwaṉa g’aṉum̃uṉa gôr’aṉaga, g’aṉaga wi re pô pa gw’ijuwa, konde azw’are twa p’ezom̃a zi mamô gô ntye, gôr’iyenjèl, na gôr’aṉaga. 10Azw’are dosu g’ômwanja wi Krist, ndô aṉw’are n’imya gôre Krist; azw’are dèla, ndô aṉw’are jola; aṉwè dubô, ndô azwè pèdyô. 11Kwanga gw’igwèra nyiṉo azwè jogo njaṉa, azwè jeṉ’esôve, azw’are tele; azwè dendiṉô mbe, azw’are mbôlangaṉaga; 12azwè janj’eṽilô n’ago mazômè; azwè toṽô, ko zwè saviṉa; 13azwè kombizô, ko zwè sindiṉa; azwè bèrinyô, ko zwè kambiṉa; azw’atweṉi ga wulu yi ntye yiṉo, ni pômbizô pa n’aṉaga waôdu, kwanga vèṉo.
14Mi pa tèndiṉa ṉwè isam̃u yiṉo gô jeṉiza ṉwè ntyoṉi, ndô mi tevuṉa ṉwè g’awaṉi wam̃ wi tondô. 15Konde vangaṉ’aṉw’alwaṉa n’igôm̃i nyi ntozèny ny’iṉèngi gôre Krist, aṉw’azele n’irerè inyenge, konde my’ayaṉi ṉwè gôre Yesu‐Krist vo Ntyangô Mbya. 16Sambô mi kwena ṉwè nkolo, inè, vèraṉi myè. 17Gô ntiṉa yiṉo my’are tôm̃a pe Timôte gôre ṉwè, ômwaṉi wam̃ wi tondô na wi bekelyô gôre Rerè; e be jônginya ṉwè intyale sam̃ gôre Krist, nte nènja myè mbôry’edu gw’imandô sôdu.
18Awèwo w’atweṉi n’ekale, mpaṉi ga mi ze tô kènde gôre ṉwè nyèṉè. 19Ndô mi be bya gôre ṉwè kwè, ja Rerè atonda; gambèṉè mi be mya arang’agamba, ndô ngulu ya mongi wi re n’ekale. 20Konde iṉongo ny’Anyambyè nyi zele gw’agamba, ndô gô ngulu. 21Aṉwè bela sèṉi? Mi ga ṽye gôre ṉwè ni mpava, ge n’itonda ni mpangiṉi y’ôkendekende?
Currently Selected:
I Kôrinti 4: MYE
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1927.
