I Kôrinti 13
13
1Vangaṉe mi tô kamb’inkambiṉi s’aṉaga na s’iyenjèl, ja my’azele n’itonda, gambèṉè my’atweṉi ga nyènyè yi pang’ôtogo, ge g’enjanja zi kamba. 2Na vangaṉe my’adwaṉa ni ngulu yi poga, n’imya s’isam̃u yôdu y’iyumbuṉô n’ikôtiza sôdu; vangaṉe my’adwaṉa n’ibekelya sôdu kwanga gô tômb’inômba, ja my’azele n’itonda, gambèṉè my’arang’ezom̃a. 3Na vangaṉe mi tô ker’igumbi nyam̃ nyôdu gô nyez’ikuge, na vangaṉe mi tô p’ôkuṽi wam̃ gô pezô, ja my’azele n’itonda, gambèṉè mi pa dèng’ezom̃a vovo.
4Itonda si sindiṉa, si re ralye ni nkèngo; itonda si pa jeṉe ñandi; itonda si pa sôgwa, si zel’ekale, 5si pa dende mbe, si pa bute yom̃i yèmè, si pa benda, si pa pikilye mbe, 6si pa jeṉ’ibe mbya, ndô si jeṉ’ôgiligili mbya; 7si sindiṉ’isam̃u yôdu, si bekely’isam̃u yôdu, si dôṽ’isam̃u yôdu igum̃u, si jolya isam̃u yôdu.
8Itonda si pa jila du. Ipoga si be suka, ikamb’iṉèm̃è s’aṉongw’am̃ori si be maṉa, imya si be pyagaṉa. 9Konde azw’avôrô kaô mw’ezom̃a, azwè poga kaô mw’ezom̃a; 10ndô gô be by’isam̃u yi re mèpa pa, gambèṉè isam̃u imyangô yiṉo y’apyagaṉa. 11Gw’avegagi myè ômwaṉa, my’agambagi g’ômwaṉa, my’avikilyagi g’ômwaṉa, my’agenjagi g’ômwaṉa; ndô gw’arweṉi myè ôma, my’awal’isam̃u y’ômwaṉa. 12Vèṉo azwè jeṉa g’eyèṉo, iwômbe, ndô egômbe mè azwè be jeṉaṉa ôzô g’ôzô; vèṉo mi mya kaô mw’ezom̃a, ndô egômbe mè mi be mya ga nt’are myè myô pa.
13Ndô vèṉo dwaṉ’ibekelya, igum̃u, n’itonda; ndô isam̃u yiṉo irarô ômpôlô n’itonda.
Currently Selected:
I Kôrinti 13: MYE
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1927.
