SAKARIA 3
3
Pepatongawa kono Tadu mPanyomba Bangke
3:1-10
1 #
Es. 5:2, Pepat. 12:10 Ri pepatongawa anu ntaninya woʼu, i Pue mampapakitaka yaku Tadu mPanyomba Bangke njau mekakore ri suara malaʼeka i mPue. Ri sambali i Yosua mekakore sambaʼa Seta anu tikalimo da mantuluri siʼa. 2#Yud. 9 Ndatoʼo malaʼeka i mPue ri Seta, “Tuarapa i Pue mangahuku siko ee Seta! Mbolimo i Pue mampokapuru Yerusale pai mahuku siko. Tau seʼi jamo ewa tompo ayuta anu ndanoʼosaka ungka ri reka apu.”
3I Yosua mekakore njairia mampake rengko anu maʼai ngkakeʼonunya. 4Inceʼe painaka natoʼo malaʼeka setu ri waʼa ntoporioko ri suruga, “Tajikamo rengko anu keʼonu anu napake ntau seʼi.” Nepa natoʼoka i Yosua, “Salaamu roomo kutaji, siko da kuwaika rengko anu dawoʼu.”
5Nepa napokau waʼa ntoporiokonya mampataka suruba anu bareʼe keʼonu ri woʼo i Yosua. Nawianaka ntau seʼe, roo setu napatakaka rengko anu dawoʼu i Yosua, naole-oleka malaʼeka i mPue.
6Roo ewanceʼe, malaʼeka i mPue setu mamparataka i Yosua pau i mPue ewaseʼi, 7“Ane nululu waʼa mpadika-Ku pai nuwianaka waʼa ntetala anu Kuwaika siko, maya siko mpaliu mewali topombawanaka ri raya Banua-Ku pai mampasilolongani tambalenya. Yaku da mampedongeka waʼa mpekakaimu, ewa kupampedongeka waʼa mpekakai malaʼeka anu reʼe ri sori-Ku. 8#Yer. 23:5, 33:15, Sak. 6:12 Pedongekamo ee Tadu mPanyomba Bangke Yosua, ewanceʼe seʼe komi waʼa ntadu mpanyomba anu mewali yununya, komi pura-pura mewali petondoni reme da rata anu madago. Ri tempo setu Yaku da mangampokau watua-Ku anu ndapapotoʼo, ‘I Wayonya’. 9Kudika ri suara i Yosua saogu watu anu mosuno papitu anu da Kuwoti pai waʼa uki. Ri raya anu sandeme da Kutaji salaa ungka ri tana seʼi. 10#Mi. 4:4 Ane ratamo eo setu, sambaʼa-sambaʼa tau da mangancale tau samposori banuanya da maʼi mangamposiepe dago pai kalindo ri tongo waʼa bonde anggoro pai waʼa mpuʼu aramu.”
Currently Selected:
SAKARIA 3: LAIPMF
Highlight
Share
Compare
Copy
Want to have your highlights saved across all your devices? Sign up or sign in
