SAKARIA 2
2
Pepatongawa kono wayaa mpontubu
2:1-5
1Ri pepatongawa anu mantonda kukita sambaʼa tuama anu mantangke wayaa mpontubu.
2Meoasi yaku kutoʼo, “Da malai ri mbeʼi?”
Mesono sira ndatoʼo, “Da njoʼu mantubu Yerusale, da rayaku mangaincani sangkuja karate pai kabini ngkota setu.”
3Nepa kukita malaʼeka anu mompaumo pai yaku, melinja ndeki suara pai sambaʼa malaʼeka anu ntaninya madadu siʼa. 4Malaʼeka anu kaʼisa mompau ri malaʼeka anu karadua natoʼo, “Njoʼumo maliga-liga ri pamuda sinjau, pai toʼoka siʼa Yerusale da nabuketi ntau anu maʼai ngkasondonya pai pinatuwu painaka bareʼe mewali ndawangu tembo anu mantolilimi. 5Roo ndajanji i mPue, Sira ngkalioa anu da mewali bente apu anu mantolilimi kota setu da mantatondoi pai Sira da maroo-roo njairia ri kakuasa-A pai peawa-A.”
Waʼa ntau ndatawani ndapeboo mewalili
2:6-13
6-7Ndatoʼo i mPue ri waʼa ntaua, “Yaku mawuraga komi ri mbeʼi-mbeʼi. Paikanya seʼi-seʼi ee waʼa ntau ndatawani, ndipoloncomo ungka ri Babeli ndipewalilimo ri Yerusale. 8Isema anu maungku komi, inceʼe mangaungku wua ndayaku.”
Inceʼe painaka i Pue Anu Makuasa mampokau yaku mamparata nuntu seʼi ri waʼa banca anu roomo mampamurui waʼa ntau-A. 9“I Pue ngkalioa anu da maewa komi! Pai komi da napamurui waʼa mbatuami owi.
Ane tepewalimo inceʼe nepa da ndiincani kaʼi Pue Anu Makuasanya mampokau yaku.”
10Ndatoʼo i mPue, “Pongayumo ri kawongko ndayamu ee bangani Yerusale. Yaku da maroo-roo ri oyomi!”
11Ri tempo setu maria banca anu da rata ri Pue da mewali tau-A. Siʼa da maroo-roo ri oyomi, pai da ndiincanimo kaʼi Puenya anu mampokau yaku ri komi. 12Sangkani woʼu Yahuda da mewali anu ndapatani tila i mPue ri tana-A anu magali, pai Yerusale da mewali kota anu maʼai ndapampomawo.
13Ndikarodomo komi pura-pura ri suara i mPue! Maka Sira maʼimo ungka ri kareʼe mpeari-A ri suruga.
Currently Selected:
SAKARIA 2: LAIPMF
Highlight
Share
Compare
Copy
Want to have your highlights saved across all your devices? Sign up or sign in
