SAKARIA 4
4
Pepatongawa kono potunda ncilo
4:1-14
1Rata woʼu malaʼeka anu mompaumo pai yaku mangalike yaku, ewa mangalike tau anu yore. 2Meoasi ri yaku ndatoʼo, “Nunjaa anu nukita?”
Mesono yaku kutoʼo, “Sambaʼa potunda ncilo wuyawa. Ri wuntunya ndate kareʼe lananya, pai mantolilimi inceʼe njau silo papitu, sambaʼa-sambaʼa seʼe reʼe papitu sumbunya. 3#Pepat. 11:4 Ri tondo mokaii pai mokana potunda ncilo setu njau radua mpuʼu saitu.”
4Ungka lairia meoasi yaku ri malaʼeka setu kutoʼo, “Tua, petondoni nunjaa anu natuju waʼa aga-aga setu?”
5Mesono malaʼeka setu ndatoʼo, “Ara bareʼe nuincani?
Mesono yaku kutoʼo, “Bareʼe kuincani Tua!”
10b #
Pepat. 5:6
Ndatoʼo malaʼeka setu ri yaku, “Silo papitu setu inceʼemo mata i mPue anu mampetiro sambawo lino.”
11 #
Pepat. 11:4
Nepa meoasi woʼu yaku kutoʼo, “Nunjaa posokinya puʼu saitu radua anu njau ri kaii kana potunda ncilo setu? 12Pai nunjaa woʼu posoki radua raʼa saitu ri sori radua pipa wuyawa poili lana setu?”
13Ndatoʼoka yaku, “Ara bareʼe nuincani?”
Mesono yaku kutoʼo “Bareʼe kuincani tua.”
14Ndatoʼoka yaku, “Incetu inceʼemo tau radua anu roo Ndapilisi i mPue tumpu ntau-A pai yangi anu ndapakanoto mamporiokoi Sira.”
Janji i mPue ri Serubabeli
4:6-10a
6 #
Es. 5:2
Malaʼeka setu mampokau yaku da mangantoʼoka i Serubabeli nuntu mPue ewaseʼi, “Banya ua roso ncurodado pai banya woʼu ua rosomu ngkaliomu mampapowua tetalamu, paikanya pai Inosa-Ku. 7Mau ewa pounda-unda buyu ntano anu mancalempori da tewawence ungka ri suaramu. Siko da mawali wangu muni Banua-Ku, pai ri tempo pampatundamu watu mpancuʼu ri kareʼenya, waʼa ntau da meboo natoʼo, “Adee, ara madolidisa!”
8Nepa rata woʼu nuntu anu ntaninya ungka ri Pue. 9Ndatoʼo, “I Serubabeli madikamo pondasi Banua-Ku, pai siʼa da mamparoo pombangunaka seʼi pura-pura. Ane tepewalimo inceʼe da naincanimo waʼa ntau-Ku ka-Yakunya anu mampokaumo siko Sakaria ri tau seʼe. 10aReʼe tau anu mampemaa-maa anu mewali seʼi. Paikanya da nakita ntau seʼe da napampaliu i Serubabeli pawangunaka Banua-Ku, pai da mawongko raya ntau seʼe.”
Currently Selected:
SAKARIA 4: LAIPMF
Highlight
Share
Compare
Copy
Want to have your highlights saved across all your devices? Sign up or sign in
