SAKARIA 14
14
Yerusale pai waʼa banca
14:1-21
1Eo mpobotusi i mPue mosumo. Inceʼe painaka Yerusale da ndapamurui pai waʼa aga-aganya da ndatila-tiola ri suaramu. 2I Pue da mampasingkanduru pura-pura banca mangaungku Yerusale. Kota setu da masua waʼa banuanya da ndapamurui pai waʼa mbeʼanya da ndajaʼati. Santongo ungka ri waʼa ntaunya da ndakeni ri pantawani, paikanya yabinya da maroo-roo mpaliu ri kota setu. 3Ungka lairia i Pue da ndeku moʼiwali maewa waʼa banca setu, ewa anu ndapowiamo iʼowi. 4Ri eo setu Sira da mekakore ri Pongkuntana Saitu ri tondo pebetea Yerusale. Maka Pongkuntana Saitu da mabira ua rato anu bangke, montepuʼu ungka ri pebetea rata ri kasoyoa. Santongo ungka ri pongkuntana setu da meencu tondo utara pai santongo woʼu da meencu tondo selata. 5Komi da molonco malulu rato anu mantila radua pongkuntana anu mewali radua setu. Komi da molonco ewa tau piamomi tempo mpolinduginya sindara mpoparenta i Usia mokole Yahuda. Nepa da rata i Pue Ala pueku, naaweri malaeka pura-pura.
6Ane ratamo eo setu, bareʼemo da reʼe raoa anu maranindi bara ue mewatu. 7Ri eo setu bareʼemo da reʼe kawani. Eo da merara mpaliu mau ri wengi. Paikanya podo i Pue anu maincani impia tempo da karata eo setu.
8 #
Yeh. 47:1, Yoh. 7:38, Pepat. 22:1 Ri eo setu ue anu maranindi da moili ungka ri Yerusale; santongo ungka ri ue setu da moli njoʼu ri Tasi Mate pai santila woʼu da njoʼu ri Tasi ri Tongo. Ue setu da moili mpaliu sangkarate ntaʼu, ri turo mpauja bara ri turo mporeme. 9Pai i Pue da momparenta ewa sambaʼa datu ri samalele lino seʼi; sambaʼa-sambaʼa tau da manyomba ri Sira ua Sira Pue Ala pai da mangaincani Sira ri toʼo anu siwia.
10Sambawo ntana ungka ri Geba tondo utara rata ri Rimoni tondo selata, da mewali karatana. Paikanya Yerusale da meuntu-untu ndateka, meruu ungka ri tana anu mantolilimi; kota setu da tebini ungka ri Baa-baa Benyami rata ri baa-baa sunonya, kanjau baa-baa Bangke pai ungka ri Menara Hananeli rata ri pampaa anggoro i mokole. 11#Pepat. 22:3 Waʼa ntau da meari ri kaʼuononya ri kota setu, bareʼemo reʼe anu ndapokaeka anu da mangagero.
12I Pue da mampareʼe juʼa anu ndapokaeka ri pura-pura banca anu moʼiwalimo maewa Yerusale. Mata pai jila pai sangkoronya da ʼoso seʼi ntongo tuwu-tuwupa.
13Ri eo setu i Pue da mampapewali waʼa banca setu bareʼemo tumoro rayanya pai da maeka painaka sambaʼa-sambaʼa tau da mangancoko yununya anu njau ri sorinya pai napepate. 14Waʼa ntuama ri Yahuda da moʼiwali mampekakoreka Yerusale. Tau seʼe da mampamurui aga-aga waʼa banca anu samposorinya ewa wuyawa, salaka pai rengko mowawo-wawo.
15Sangaya juʼa anu maʼai woʼu da mangkono nyara, nyara yopo, onta pai kalide, pai pura-pura pinatuwu anu njau ri pokema iwali.
16 #
Tad. 23:39-43
Ungka lairia, pura-pura tau anu ntongo tuwupa ri oyo waʼa banca anu maungku Yerusale, da njoʼu ri kota setu manyomba ri Datu, Pue Anu Makuasa, pai da mabangkei Posusa mPokuani. 17Ane reʼe banca anu bareʼe napokono njoʼu ri Yerusale da mampanyomba Datu, Pue Anu Makuasa, tau setu bareʼe da tudu uja ri tananya. 18Ane to Masiri bareʼe napokono mabangkei Posusa mPokuani, tau seʼe woʼu nakono njuʼa anu ndapareʼe i mPue tila waʼa banca anu bareʼe napokono njoʼu manyomba. 19Inceʼemo popahuku tila Masiri pai tila waʼa banca anu bareʼe napokono mabangkei Posusa mPokuani.
20Ri eo setu waʼa nggiri-nggiri anu ndapataka ri parengkoi nyara, da ndawotika pai waʼa mpau, “Ndapatani tila i mPue”. Waʼa mpanci anu reʼe ri Banua i mPue da ndapasiwia pai waʼa mangko mpanyomba ri suara lampaʼani. 21Pura-pura panci ri Yerusale pai samalele ntana Yahuda da ndapatani mewali anu i mPue Anu Makuasa. Waʼa ntau anu mampanyombaka panyomba da mampake napangalugai sanga mpinatuwu anu ndapanyombaka. Ane jelamo tempo setu, bareʼemo da reʼe topobalu-balu ri Banua i mPue Anu Makuasa.
Currently Selected:
SAKARIA 14: LAIPMF
Highlight
Share
Compare
Copy
Want to have your highlights saved across all your devices? Sign up or sign in
