SAKARIA 13
13
1I Pue Anu Makuasa mantoʼo, “Ri eo setu da mebete sambaʼa mata ue anu da mampakagali muli i Daudi pai bangani Yerusale ungka ri salaa pampanyomba lamoa anu nawiakamo ntau seʼe. 2Ri eo setu da Kupalisi waʼa ntoʼo lamoa ungka ri tana seʼi, painaka bareʼemo reʼe anu mangaendo. Pura-pura tau anu mangaʼaku koronya nabi da Kuiri sangkani pai waʼa ntau anu napesunculoki inosa majaʼa. 3Pai ane ntongo reʼepa tau anu mangatoʼo siʼa mampetumbu nuntuku, ine pai papanya ngkalionya da mangantoʼoka siʼa kasiaʼanya da ndahuku mate, maka anu natoʼo setu podo mbamba. Pai ane ntongo natoʼo koronya sambaʼa nabi siʼa da najalo mpapanya pai inenya rantani mate.
4Ri eo setu, waʼa nabi da maea moʼengko ewa sambaʼa nabi. Tau seʼe bareʼe da morengko ewa da maea moʼengko ewa nabi da napake mombamba pai da mampekiundeka waʼa mpepatongawa anu nakita. 5Paikanya da natoʼo ntau seʼe, ‘Yaku banya nabi. Yaku podo sambaʼa topojamaa anu motetala ri jamaa sangkarate ngkatuwuku.’ 6Pai ane meoasi tau seʼe ri siʼa, ‘Wela nunjaa anu reʼe ri dadamu setu?’, da nasono, ‘Yaku mawela ri banua yunuku.’ ”
Songka da mampepate topongkambi anu ndapokau i mPue Ala
13:7-9
7 #
Mat. 26:31, Mrk. 14:27 Ndatoʼo i mPue Anu Makuasa, “Polengkomo ee penai, pomaimo topongkambi anu motetala ri Yaku! Pepatemo siʼa, painaka waʼa bimba tewuraga. Yaku da mangaungku waʼa ntau-Ku, 8pai ri samalele ntana seʼi ruampotila tatogo banganinya da mate. 9Jamo sampotila tatogonya anu da lapa. Tau seʼe setu da Kupakagali ewa salaka anu ndapakalino pai apu. Tau seʼe da Kuʼuji ewa tau tau maʼiji wuyawa. Nepa tau seʼe da mekakai ri Yaku, pai Yaku da mampedongeka tau seʼe. Yaku da mangantoʼoka tau seʼe, katau seʼenya waʼa ntauku, pai tau seʼe woʼu da mangaʼaku ka-Yakunya Pue Ala pue ntau seʼe.”
Currently Selected:
SAKARIA 13: LAIPMF
Highlight
Share
Compare
Copy
Want to have your highlights saved across all your devices? Sign up or sign in
