MALEAKI 1
1
Patada ri Maleaki
1:1
1Ewaseʼi nuntu i mPue ri Maleaki tila waʼa ntaua Isaraeli.
Towe i mPue ri to Isaraeli
1:2-5
2 #
Rom. 9:13
#Yes. 34:5-17, 63:1-6, Yer. 49:7-22, Yeh. 25:12-14, 35:1-15, Am. 1:11-12, Ob. 1-14 Ndatoʼo i mPue ri waʼa ntau-A, “Yaku mampotowe komi.” Paikanya komi mangasono nditoʼo, “Ewambeʼi pampotowe i mPue kami?”
Mesono i Pue ndatoʼo, “Ara banya i Esau tukaka i Yako? Paikanya i Yako anu Kupotowe, 3i Esau Kupobanciika. Daera anu ri waʼa pongkuntana anu i Esau roomo Kugero, pai tananya Kupepombaika ri waʼa mpinatuwu anu masii ri pada bone.”
4Ane rapanya muli i Esau, waʼa nto Edomi setu mompau natoʼo, “Waʼa ngkota roomo ndagero, paikanya kami da mangawali wangu muni.” Da ndasono i mPue ndatoʼo, “Bareʼe mokuja nawali wangu ntau seʼe, paikanya Yaku da mangaruasi. Tau seʼe da ndatoʼo ‘Negara baleparu Banca anu ndatadeasi i mPue rantani masae-sae.’ ”
5Banca Isaraeli da mangangkita ngkalionya, pai da natoʼo, “Monco kojo Bangke i Pue; kuasa-A rata ti sambaliku Isaraeli!”
I Pue mampokarau waʼa ntadu mpanyomba
1:6–2:9
6I Pue Anu Makuasa mompau ri waʼa ntadu mpanyomba, ndatoʼo, “Sambaʼa ana mantubunaka papanya, pai sambaʼa toporioko mantubunaka puenya. Yaku seʼi Papamu. Wenu painaka bareʼe nditubunaka Yaku? Yaku seʼi puemu; wenu painaka bareʼe ndipokaeka Yaku? Komi mampetikodi Yaku, paikanya ndipeoasi, ‘Ewambeʼi kapampetikodi Komi?’ 7Ndipampanyombaka pangkoni anu bareʼe singkana da ndapanyombaka ri wawo lampaʼani-Ku. Nepa meoasi komi nditoʼo, ‘Ewambeʼi kapampesaru-saru Komi?’ Ndipakakarika lampaʼani-Ku. 8#Paw. 15:21 Ane komi mampanyombaka ri Yaku pinatuwu anu buta anu majuʼa bara anu kekule, ara banya inceʼe powia anu sala? Koisa pinatuwu anu ewanceʼe ndiwaika petoro! Bara da mawongko rayanya, pai da madago napampowia komi?”
9Seʼi-seʼi ee waʼa ntadu mpanyomba, koisa ndiperapi ri Pue Ala da naka Sira mampokapuru kita. Sira bareʼe da mangadonco pekakaimi, inceʼe salami ngkaliomi. 10I Pue Anu Makuasa mantoʼo, “Moruana wombo Banua-Ku da ndadampo, maka bereʼe yowenya komi mampakiki apu ri wawo lampaʼani-Ku. Bareʼe kupokono komi, bareʼe kupokono mantarima panyombami. 11Yaku natubunaka waʼa banca ri sambawo lino. Ri mbeʼi-mbeʼi ndatunju dupa da mantubunaka Toʼo-Ku pai ndapanyombaka waʼa mpanyomba anu sintinaja, maka pura-pura banca mantubunaka Yaku! 12Paikanya komi mampetikodi Yaku, maka ndireke lampaʼaniku bereʼe olinya, painaka ndipanyombaka njairia pangkoni anu bareʼe ndipokono mangkoni. 13Nditoʼo, ‘Kita bareʼemo tapokono pura-pura setu,’ komi mampesaru-saru Yaku. Komi mangkeni pinatuwu anu ndalima, pinatuwu anu kekule bara anu majuʼa ndapanyombaka ri Yaku. Ndisarumaka bara kupokono mantarima panyombami setu? 14Pulorumo tau kambamba-mbamba anu mampanyombaka ri Yaku pinatuwu anu bereʼe olinya, ane reʼe pinatuwu anu madago ri oyo mpinatuwumi anu roo ndajanjika Yaku! Maka Yakumo Datu Bangke pai natubunaka pura-pura banca.”
Currently Selected:
MALEAKI 1: LAIPMF
Highlight
Share
Compare
Copy
Want to have your highlights saved across all your devices? Sign up or sign in
