MARAKUSI 8
8
I Yesu mampakoni tau aopo ncowu
8:1-10
(Mat. 15:32-39)
1Bareʼe masae oyonya ratamo woʼu santibura tau sondo singkandomu. Ua bereʼe pangkoni ntau seʼe, ndapeboo i Yesu waʼa anaguru-A ndatoʼo, 2“Mapuru raya-Ku ri tau sondo seʼi. Tatogo ndememo tau seʼe sangkani-ngkani pai Yaku, pai seʼi bemoreʼe pangkoni ntau seʼe. 3Ane da Kupokau waʼa ntau seʼi mewalili, seʼi maoronya sangaya-ngaya da malimpu ri jaya. Pagonya waʼa ntau seʼi reʼe anu ungka ri kalawanya kamaʼinya.”
4Mesono anaguru i Yesu natoʼo, “Ri kareʼe anu tepatani seʼi, ri mbeʼi da naparata ntau pangkoni anu da gana ndapakonika waʼa ntau seʼi?”
5Meoasi i Yesu ndatoʼo, “Sangkuja roti anu reʼe ri komi?” Mesono tau seʼe natoʼo, “Reʼepa papitu!”
6Ndapokaumo i Yesu waĘĽa ntau sondo setu da motunda ri tana. Nepa ndatima roti anu papitu ngkomba setu mekakai Sira ri Pue Ala. Roo setu ndaripusi roti seĘĽe nepa ndawaika anaguru-A mampotilaka. Nawianakamo waĘĽa anaguru-A. 7ReĘĽe woĘĽu bara tesangkuja mbaĘĽa bau masiwu, inceĘĽe seĘĽe ndatima i Yesu ndapekakaika ri Pue Ala, nepa ndatonjuka waĘĽa anaguru-A da napampotilaka woĘĽu. 8-9Mangkonimo waĘĽa ntau sondo setu rantani mabosu imba ntau mangkoni setu reĘĽe aopo ncowu tau. Roo mangkoni napasambaka anaguru-A yabinya buke papitu bingka. Roo setu ndapokau i Yesu waĘĽa ntau sondo setu mewalili. 10Ungka lairia moduangamo i Yesu pai waĘĽa anaguru-A njoĘĽu ri sambote ndano ri daera Dalmatia.
WaĘĽa nto Parisi mamperapi i Yesu mantuju tanda ngkuasa
8:11-13
(Mat. 16:1-4)
11 #
Mat. 12:38, Luk. 11:16 Ratamo bara tesangkuja to Parisi ri Yesu, natepuʼumo mampombebalika Sira; anu napepali ntau seʼe inceʼe da kasala i Yesu. Naperapi ntau seʼe da naka ndatujuka tanda ngkuasa anu ndapojingki inceʼe anu da mampakanoto ka-Siranya ungka ri Pue Ala. 12#Mat. 12:39, Luk. 11:29 Mengosabaka i Yesu nepa mesono Sira ndatoʼo, “Ara nunjaa puʼunya waʼa ntau wawaseʼi mamperapi da ndatujuka tanda ngkuasa anu ndapojingki? Bareʼe! Yaku bareʼe da mawaika tanda anu ewanceʼe ri tau seʼe!”
13Ndapalaika i Yesu tau setu, meĘĽulaya Sira ri duanga, nepa mowote muni ri sambote ndano setu.
Ragi nto Parisi pai Herode
8:14-21
(Mat. 16:5-12)
14Waʼa anaguru i Yesu mangkalingani mangkeni roti gana-gana. Tau seʼe podo mampotumpu sangkomba roti anu lau ri duanga. 15#Luk. 12:1 Ndatoʼo i Yesu ri tau seʼe, “Ndisoro-soro kono ragi nto Parisi pai ragi i Herode.”
16Inceʼe painaka waʼa anaguru i Yesu mampombetoʼoka kono inceʼe. Natoʼo ntau seʼe, “Sira mompau ewanceʼe, maka kita bereʼe rotita.”
17Ndaincani i Yesu nunjaa anu napombepauka ntau seʼe. Inceʼe painaka meoasi Sira ri tau seʼe ndatoʼo, “Wenu painaka komi mampombepauka kono kabareʼenya reʼe roti? Ara bareʼepa ndiincani pai bareʼepa woʼu ndiratandaya? Maʼai kojo kakuyu nawa-nawami? 18#Yer. 5:21, Yeh. 12:2, Mrk. 4:12 Komi reʼe mata – wenu bareʼe ndikita? Komi reʼe talinga – wenu bareʼe ndidonge? Ara bareʼemo ndiendo 19alima ngkomba roti anu Kuripu-ripusi tila ntau anu alima ncowu? Sangkuja bingka buke peruu pangkoni anu ndapasambaka?”
Mesono tau seʼ, “Sampuyu pai radua.”
20“Pai tempo Kuparipu-ripusi pitu ngkomba roti tila ntau aopo ncowu?” meoasi woʼu i Yesu ndatoʼo, “sangkuja bingka peruu mpangkoni anu ndipasambaka?”
Mesono tau seʼe, “Papitu.”
21Ndatoʼo woʼu i Yesu, “Mewali, bareʼepa woʼu ndirata ndaya?”
I Yesu mampakaĘĽosa tau buta ri Besaida
8:22-26
22Jela tau seʼe ri Besaida. Njairia napoyunu ntau, sambaʼa tau buta, ri Yesu, pai naperapi da naka Sira majama tau buta setu da nakaʼosa. 23Ndakekeni i Yesu pale ntau buta setu, nepa ndanini njoʼu ri sambaliku ngkota. Njairia ndatupesi mata ntau buta setu. Ndajama mata ntau setu, nepa ndapeoasi ri siʼa, “Bara yosamo nukita nunjaa seʼi-seʼe?”
24Meole tau setu ri suara, nepa natoʼo, “Io. Kukita tau melinja-linja; paikanya podo ewa woto ngkaju.”
25Ndajama woʼu i Yesu mata ntau setu. Sangkani seʼi naperokusi kojo ntau setu mampenaaka matanya. Osamo matanya, yosamo pangkitanya pura-pura. 26Roo setu ndatoʼo i Yesu, “Pewalilimo, pai neʼe mewalili ri kota setu.”
Pangaku i mPeturu kono i Yesu
8:27-30
(Mat. 16:13-20, Luk. 9:18-21)
27Malaimo i Yesu pai anaguru-A njoʼu ri waʼa lipu sampotengi kota Kaisaria Pilipi. Ri yae njaya ndapeoasi, i Yesu ri tau seʼe, ndatoʼo, “Malulu pantoʼo ntau isema Yaku seʼi?”
28 #
Mrk. 6:14-15, Luk. 9:7-8 Mesono tau seʼe natoʼo, “Reʼe mantoʼo i Yohane Topopariu, reʼe woʼu anu mantoʼo i Elia, pai anu saʼe woʼu mantoʼo: sambaʼa ungka ri oyo waʼa nabi.”
29 #
Yoh. 6:68-69
Meoasi i Yesu ndatoʼo, “Paikanya malulu komi ngkaliomi isema Yaku seʼi?”
Mesono i Peturu, “Komi inceʼemo Mokole Tadungkadago!”
30Nepa ndapatiendo i Yesu tau seĘĽe da naka neĘĽe natoĘĽo-toĘĽoka tau kono Sira.
I Yesu mampau kono kapari pai kapate-A
8:31–9:1
(Mat. 16:21-28, Luk. 9:22-27)
31Ungka lairia montepuʼumo i Yesu mampaguru waʼa anaguru-A ka i Ana Manusia sangaya-ngaya da mampomberataka maria kapari, pai da napoʼiwalika waʼa ntadulako, waʼa ntadulako ntadu mpanyomba, pai waʼa guru agama. Sira da ndapepate paikanya ri katatogo ndemenya da ndapapembangu muni. 32Ndapatongawa i Yesu ri waʼa anaguru-A kono inceʼe. Naombitaka i mPeturu i Yesu ri sorinya nepa naseko Sira. 33Metorobaka i Yesu ndapapowawo waʼa anaguru-A, nepa ndatoʼoka i Peturu, “Palai ungka ireʼi, Topekelo! Nawa-nawamu setu podo nawa-nawa ntolino, banya nawa-nawa i mPue Ala!”
34 #
Mat. 10:38, Luk. 14:27 Nepa ndapeboo i Yesu tau sondo anu njau njairia sangkani-ngkani pai waʼa anagurua. Nepa ndatoʼoka tau seʼe, “Tau anu da malulu yaku, neʼe mampariwawo koronya ngkalionya, da napasaʼa kaju ndapanggonya nepa nalulu mpaliu yaku. 35#Mat. 10:39, Luk. 17:33, Yoh. 12:25 Maka bara isema anu mampepurungi inosanya siʼamo tau anu da tetaji ngkabongo inosanya. Paikanya bara isema anu mampepombaika inosanya ua mamponcuruka yaku pai ua Nuntu ngKatuwu ungka ri Pue Ala, ineeʼe da mancorepaka siʼa. 36Nunjaamo poyowenya ri sambaʼa tau ane napotumpu sambawo lino seʼi paikanya tetaji katuwunya? 37Ara maya katuwu setu da ndatoloka anu ntaninya?
38Bara isema anu maeanya mangaʼaku yaku pai pompaguruku ri tempo anu baleparu pai majaʼa seʼi, i Ana Manusia woʼu da maeanya maʼaku tau setu ri karatanya muni ri kuasa mPapanya, sangkani-ngkani pai waʼa kerubio anu magali.”
Currently Selected:
MARAKUSI 8: LAIPMF
Highlight
Share
Copy
Want to have your highlights saved across all your devices? Sign up or sign in
